"Сизга берилган гулни сотманг"- Малика Равшановадан қизларга маслаҳат
Хонанда Малика Равшанова интервьюлардан бирида қизларга қаратилган ўзига хос маслаҳат берди. Унинг айтишича, инсонга совға қилинган гулни сотиш тўғри эмас, чунки у билан бирга унга берилган энергия ҳам йўқолиши мумкин.
Санъаткорнинг таъкидлашича, гул — бу оддий нарса эмас, балки инсоннинг меҳри ва эътибори ифодаси ҳисобланади. Шу сабабли ҳатто боғдан узиб келинган оддий райҳон ҳам қадрланиши ва эҳтиёт қилиниши кераклигини айтди.
Малика Равшанованинг фикрича, гул қуриб қолса ҳам уни турли усулларда сақлаш мумкин. Масалан, айримлар уни гийоҳ сифатида ишлатиши ёки хотира сифатида асраб қўйиши мумкин.
Хонанда ўз ҳаётидан ҳам мисол келтирди. Унинг айтишича, тўйи ёки туғилган кунида берилган гуллардан бири махсус қайта ишланиб, стол кўринишида ясалган. Ҳозир у ўша столда қаҳва ичиб ўтиришни ёқтиришини айтди.
Суҳбат сўнгида хонанда қизларга гулни сотмасликни, аксинча, уни хотира ва энергия сифатида сақлаб қолишни тавсия қилди.