Новости за 05.10.2020

Иналукааша, аԥсуа поет-трибун Платон Бебиа жьҭаара 5 рзы 85 шықәса ихыҵит. Иара дравторуп 35 шәҟәы, ажәеинраалақәа реизгақәеи, ароманқәеи уахь иналаҵаны.

Гал араион ахадара апресс-маҵзура аиҳабы Ерик Миқаа арадио Sputnik аефир аҟны еиҭеиҳәеит аԥсуа бираҟ араион аҟны изыблыз иганахьала ашьаус шхацыру, аҭыԥантәи ауааԥсыра ари ахҭыс шрыдыркылаз атәы.

Иахьазы Аԥсны иахьаҵанакуа иаарԥшу акоронавирустә хҭысқәа рхыԥхьаӡара 1765 ыҟоуп. Ргәы бзиахеит 640-ҩык, 15-ҩык рыԥсҭазаара иалҵит.

Апрокуратура хада Аҩныҵҟатәи аусқәа рминистррахь аиҭазыҳәа ҟанаҵоит ашаҳаҭ, уаанӡатәи Аҩныҵҟатәи аусқәа рминистр ихаҭыԥуаҩ Казбек Кишмахов инеира аиҿкааразы.

Жьҭаара 5 - Арҵаҩы имш аҽны шәаԥхьарц ишәыдаагалоит зыԥсҭазаара абжеиҳан аҵара-ааӡаратә ус иазызкыз Гагратәи абжьаратә школ №1 аҵараҟәша аиҳабы Инга Виктор-иԥҳа Шармаҭԥҳа лҭоурых.

Жьҭаара 5 рзы Адыгатәыла амш азгәарҭоит. 1993 инакрны 1994 шықәсанӡа Адыгатәылан Аԥсны ахаҭаранакс иҟаз Валери Аршба арадио Sputnik аефир аҟны еиҭеиҳәеит Аԥсны Аџьынџьтәылатә еибашьраан ҳашьцәа адыгаа иҟарҵаз ацхыраара атәы.

Урыстәылатәи Афедералтә шәарҭадаратә маҵзура Краснодартәи атәылаҿацә иатәу Аҳәаахьчаратә усбарҭа Ахра Аҩӡба иганахьала ашьаус хацнаркит аҳәаа изакәанымкәа ахысра афакт азы. Абри ашьҭахь Шәача ақалақьтә ӡбарҭа административтә ӡбамҭа аднакылеит дагьааннакылеит жәамш ҳәа.

Аԥсны ауааԥсыра авирус рацәыхьчаразы аԥкырақәа амчра роуит жьҭаара 5 инаркны. Уи азы аусԥҟа инапы аҵаҩит атәыла ахада Аслан Бжьаниа.

Есышықәса, жьҭаарамза раԥхьатәи ашәахьаҽны иазгәарҭоит адунеизегьтәи архитектура амш. Абри арыцхә инамаданы, Гагра араион архитектор хадас аус зуа Диана Лобода ҳлазҵааит ари азанааҭ алхра лгәазырԥхази, насгьы Гагра ианаало астиль азы лгәаанагара еилаҳкааит.

Аҟәа ақалақь аҵараусбарҭа аспециалист хада Ҭемыр Кәкәасқьыр арадио Sputnik аефир аҟны иҳәеит аҿар аррамаҵзура зхызгарц инеиуа ргәабзиара уамак иӷәӷәам ҳәа иҟоу ацәажәарақәа рзы игәаанагара.

Аԥснытәи аделегациа Дамаскҟа инеиит Аԥсны Аҳәынҭқарра Ацҳаражәҳәарҭа аартра ацеремониа аҽалархәразы жьҭаара 4 азы.

Аԥсны ашьхарақәа рҟны имҩаԥысуа азеиԥш ҽазыҟаҵарақәа рҳәаа иҭагӡаны имҩаԥыргахьеит 30 рҟынӡа ахысратә зыҟаҵарақәа. Урҭ реиҳарак уахынланы имҩаԥган.

Апроект "Алашара ҳзырбо ауаа" аҳәаақәа ирҭагӡаны шәаԥхьарц ишәыдаагалоит иналукааша аԥсуа поет, Дырмит Гәлиа ихьӡ зху Аҳәынҭқарратә премиа алауреат Платон Бебиа ирҿиара иазкны Анатоли Лагәлаа иазирхиаз аматериал.

Иахьазы Аԥсны авирус рыдырбалахьеит 1716-ҩык. Ргәы бзиахахьеит 621-ҩык, рыԥсҭазаара иалҵит жәахаҩык.

35 шықәса ашкол аҿы рҵаҩыс аус зуа Мимоза Еныкьԥҳа, арҵаҩы имш аҽны, арадио Sputnik аефир аҿы еиҭалҳәеит иахьатәи аамҭаз арҵаҩра иацу ауадаҩрақәа ртәы, насгьы арҵаҩы истатус аҽшеиҭанакыз атәы.

Sputnik есымчыбжьатәи ахҳәаақәа рҿы – акоронавирустә ҭагылазаашьа, Аиааира амш азгәаҭара, азаҭ азы аимакқәа.