Новости за 04.12.2020

Иҳаҩсыз уахыки-ҽнаки рыла COVID-19 рылоу ирыламу аилкааразы 482-ҩык атестқәа рзыҟаҵан, урҭ рахьтә 87-ҩык акоронавирус рцәа ишалаз аадырԥшит.

Гәдоуҭа араион аҵараҟәша аспециалист хада Римма Џьниаԥҳа арадио Sputnik аефир аҟны еиҭалҳәеит иахьатәи аамҭазы араион аҟны аҵаратә процесс аиҿкааразы иазыӡбоу.

Гәдоуҭа араион Дәрыԥшь ақыҭан атрансформатор аԥсахразы аусурақәа ирылаган ԥхынҷкәын 3 рзы.

Аԥсны аҵареи абызшәатә политикеи рминистр Инал Габлиа ажурналистцәа рызҵаарақәа рҭак ҟаиҵеит Аԥсуа телехәаԥшра апресс-центр аҟны. Иара иазгәеиҭеит аҵаратә система онлаин ахь аиагара гәҭакыс ишрымоу.

Аԥсны Аҵареи абызшәатә политикеи рминистр ипресс-конференциа мҩаԥысит Аҟәа ԥхынҷкәын 4 рзы.

Аԥсны иаԥҵахоит арҵаҩцәа р-Ассоциациа аԥышәа аимдаразы, аҵараҿ иҟоу апроблемақәа рыӡбразы.

Россотрудничество ахьӡ наӡа - ИАР атәылақәа, аҳәаанырцә инхо аџьынџьуаа, жәларбжьаратәи агуманитартә усеицура русқәа рзы Афедералтә маҵзура.

Аԥсны еицырдыруаз акәашаҩ, Жәлар рартист Вахтанг Возба аҵыхәтәантәи имҩахь днаскьаргоит ԥхынҷкәын 4 рзы. Арадио Sputnik аефир аҟны уи иҟазареи иуаҩреи ртәы дрылацәажәеит Аԥсны Жәлар рартист Анри Ферзба.

Аицлабра мҩаԥысуеит ԥхынҷкәын 7- 21 рзы. Иара иалахәхар рылшоит Аԥсны ашколхәыҷқәа зегьы, 14 - 17 шықәса зхыҵуа.

Аусурақәа ирылархәуп ареспублика араион аҿтәи ацуҭа милициа. Дара Аџьынџьтәылатә еибашьра Ду аан иҭахаз рыуацәеи-рҭынхацәеи рыԥшаара иаҿуп.

Урыстәыла Аенергетика аминистрраҿы имҩаԥысуаз аицәажәарақәа рышьҭахь урыстәылатәи аган ишьақәнарӷәӷәеит Аԥсныҟа афымцалашара аужьразы атехникатә ҭагылааашьақәа шыҟоу.

Аԥсны ахада Аслан Бжьаниа иаԥшьгарала имҩаԥысит Ауаажәларратә палата алахәылацәеи, ҳџьынџьуааи иареи реиԥылара, ԥхынҷкәын 3 рзы. Ауаажәларратә палата алахәыла Ҭемыр Ԥиԥиа еиҭеиҳәеит арадио Sputnik аефир аҟны излацәажәоз атәы.

Ԥхынҷкәын 3 рзы Ауаажәларратә палатаҿ имҩаԥысит атәыла ахадеи, уи ихаҭыԥуаҩи злахәыз аилатәара.