Саакашвілі заявіў, што знаходзіцца „на мяжы смерці”
Пра гэта палітык заявіў у каментары Sky News.
Artykuł Саакашвілі заявіў, што знаходзіцца „на мяжы смерці” pochodzi z serwisu БЕЛАРУСКАЕ РАДЫЁ РАЦЫЯ.
Былы прэзідэнт Грузіі Міхаіл Саакашвілі, зняволены ў Грузіі і пераведзены ў шпіталь, знаходзіцца „у блізкім да смерці” стане. Пра гэта палітык заявіў у каментары Sky News.
Выданне адзначае, што журналістаў не пусцілі ў шпіталь, але яны змаглі праз адваката перадаць пытанні Саакашвілі і атрымаць пісьмовыя адказы.
„Спачатку важыў 120 кілаграмаў, цяпер 64, калі стане менш за 60, лекары прагназуюць поліорганную недастатковасць”, — сказаў экс-прэзідэнт Грузіі. Ён дадаў, што пастаянна адчувае боль.
„Увесь час ляжу ў ложку, у мяне развальваюцца косці, і гэта выклікае невыносны боль”, — сказаў Саакашвілі.
У мінулым месяцы апеляцыйны суд разгледзеў заяву незалежнага эксперта пра тое, што Саакашвілі нібыта быў атручаны ў турме. Улады Грузіі адмаўляюць такую магчымасць і не дазваляюць перадаць яго на лячэнне ў Еўропу.
Artykuł Саакашвілі заявіў, што знаходзіцца „на мяжы смерці” pochodzi z serwisu БЕЛАРУСКАЕ РАДЫЁ РАЦЫЯ.