Даудов: Исторех харцдерг дуьйцуьйтур дац
"Новости" агенталло бина и хаам парламентан спикеран Даудов Мохьмадан дIахьедарна тIе а тевжаш.
"Гергарчу тхайн кхеташонехь цунах дийцаре а дина, Оьрсийчоьнан Думе инициатива кховдо лерина ду тхо, и тайпа низаман проект тIеэцар доьхуш. Исторех шена-шена хетарг дийцийта могуьйтийла яц", - аьлла Даудовс.
Цо бахарехь, "орам бола а ца болуьйтуш, совцо деза вайн пачхьалкхо дечу мехалчу гIуллакхийн мах лахара хадош дуьйцу къамелаш".
Даймехкан тIеман заманах харцдерг даржочарна таIзар юкъадаккъа деза, набахте а хьажош.
Маршо Радионо яздира, Нохчийчоьнан куьйгалхочо Кадыров Рамзана жоьпалла тIедожор хьехарх, Даймехкан тIамех лаьцна бакъдер харцахьа доккхучарна. Шен Твиттерахь динера цо и дIахьедар.