Ша зуда ядийна яц, "бусулба динехь маре йигина" аьлла гIалгIайн депутато
Ша зуда ядийна яц, "исламан динехь" маре йигина аьлла, дIахьедина ГIалгIайчуьрчу депутато, "Единая Россия" фракцин декъашхочо Дарсигов Мохьмада "Интерфакс" агенталле. "Тхайн динан ламасташца там-мах бина, ЗАЗС-ехь регистраци ца йойтуш", - аьлла парламентхочо.
Маршо Радионо еаридийнахь яздира, "Интерфаксан" информацина тIе а тевжаш, ГIалгIайчоьнан депутато меттигера яхархо ядийна аьлла. Болчу хаамашца, ядийнарг хьалхо Малгобекан кIоштан дарбан цIийнан коьрта лор лаьттина ю, тIедогIучу кIирандийнахь цушинна ловзар хир долуш ду", - дуьйцура агенталло.
Регионехь резонансе даьккхира хилларг, хIунда аьлча, шаьш парламентан депутаташа масийттазза дIахьедира, зуда ядийначунна таIзар чIагIдан деза бохуш.
Агенталлан хьосташа дийцарехь, депутатна гIуда тоьхна – 200 эзар сом, ткъа цунна гIо диначарна тIедожийна 100 эзар соьмаш. ГIуда ца такхахь, тайпанах дIахадон кхерам бу уьш.