ԱՄՆ-ում «լողացող» վրան են ստեղծել (լուսանկարներ)
ԱՄՆ Օհայո նահանգում տեղակայված ընկերություններից մեկը վրան է ստեղծել, որի միջոցով կարելի է իրականացնել շատ ճանապարհորդների երազանքը՝ ջրի վրա վրան «խփել», տեղաշարժվել և քնել:
Bored Panda-ն գրում է, որ Shoal Tent կոչվող վրանին («Ծանծաղուտի վրան») կանգուն մնալու համար հենակներ պետք չեն: Նորարարական նավ-վրանը կանգուն է ամբողջությամբ փչովի լինելու շնորհիվ, և ներսի օդի ճնշումը բավական է ուժեղ քամիներին դիմակայելու համար:
Աղբյուրի հաղորդմամբ՝ վրանի հատակը մոտ 15 սմ հաստություն ունի: Վրանը պատրաստված է ջրակայուն գործվածքից: Վերևի հատվածը բացվում և փակվում է կեռիկների և հանգույցների միջոցով՝ հնարավորություն տալով հեշտությամբ վրան մտնել ու դուրս գալ:
Նշվում է, որ վրանում կարող է կանգնած տեղավորվել մոտ 1.90 սմ հասակ ունեցող մարդ: Վրանի քաշը 34 կգ է, և այն վաճառվում է 1.499 դոլարով: