Չինաստան-Ռուսաստան հարաբերությունները դիմանում են բոլոր փորձություններին. Պուտինը՝ Սի Ծինփինին
Ռուսաստանի նախագահ Վլադիմիր Պուտինը Չինաստանի առաջնորդ Սի Ծինփինի հետ բանակցություններում հայտարարել է, որ Ռուսաստանի և Չինաստանի հարաբերությունները համագործակցության օրինակ են, գրում է ՌԻԱ «Նովոստի»-ն։
Պուտինի խոսքով՝ Չինաստանի և Ռուսաստանի հարաբերությունները «դիմանում են բոլոր փորձություններին, ցույց են տալիս հասունություն և կայունություն»։
«Չեմ կասկածում, որ մենք Ձեզ հետ անձամբ հանդիպելու հնարավորություն կգտնենք: Հարգելի պարոն նախագահ, հարգելի բարեկամ, մենք սպասում ենք Ձեզ հաջորդ տարվա գարնանը պետական այցով Մոսկվա, ինչն ամբողջ աշխարհին ցույց կտա ռուս-չինական կապի ամրությունը»,- ասել է ՌԴ ղեկավարը։
Նա ընդգծել է, որ չին գործընկերոջ պետական այցը կլինի տարվա գլխավոր քաղաքական իրադարձությունը երկկողմ հարաբերություններում։
Պուտինը նշել է, որ Մոսկվայի և Պեկինի ռազմավարական գործընկերության կարևորությունը որպես կայունացնող գործոն մեծանում է աճող աշխարհաքաղաքական լարվածության համատեքստում։