BMW-ն դուրս է եկել ճանապարհի երթևեկելի հատվածից, շրջվել, բռնկվել և այրվել
Հունիսի 9-ին, ժամը 23։27-ին Արագածոտնի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Քուչակ-Ապարան ավտոճանապարհին այրվում է ավտոմեքենա․ կան տուժածներ։ Այս մասին հայտնել է ՀՀ ներքին գործերի նախարարության փրկարար ծառայությունը։
«Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ «BMW» մակնիշի ավտոմեքենան դուրս է եկել ճանապարհի երթևեկելի հատվածից, բախվել ճամփեզրի բետոնե արգելապատնեշին, շրջվել և բռնկվել։
Նախնական տվյալներով կա 4 տուժած։
Հրդեհը մեկուսացվել է ժամը 23։55-ին, մարվել հունիսի 10-ին, ժամը 00։18-ին։ Այրվել է ավտոմեքենան»,- ասված է հաղորդագրության մեջ։