Իմ հայրենիքն ինձ համար ավելի վեր է. հայ դահուկորդը պատմում է «Ադրբեջան» բառն իր մարզահագուստի վրա փակելու ու տուգանվելու մասին. «Ազատություն»

Հայ դահուկորդ Միքայել Միքայելյանը տուգանվել է իտալական Tour de Ski մրցաշարում մարզահագուստի վրա «Ադրբեջան» բառը կպչուն ժապավենով փակելու համար։ «Ազատություն» ռադիոկայանի թղթակցի հետ զրույցում երիտասարդ դահուկորդը պատմել է՝ առավոտյան՝ մրցույթի մեկնարկից մոտ 2 ժամ առաջ էր ստացել հանդերձանքը, տեսնելով «Ադրբեջան» գրությունը՝ որոշել է՝ այդ երկրի անունը կրծքին սահքի դուրս չի գա։