შინაგან საქმეთა სამინისტროს განცხადებით, მხოლოდ ბოლო ორ დღეში საქართველოში დააკავეს „ორგანიზებულ დანაშაულში“ ჩართული 97 ადამიანი, - „მათ შორის ნარკორეალიზაციასა და ნარკოდანაშაულებრივ სქემაში ჩართული 81 ადამიანი“.
სომხეთის პრემიერ-მინისტრი ნიკოლ ფაშინიანი სამუშაო ვიზიტით აშშ-ში გაემგზავრა. 19 თებერვალს ფაშინიანი, მსოფლიოს სხვა არაერთი ქვეყნის ლიდერთან ერთად, მონაწილეობას მიიღებს პრეზიდენტ ტრამპის ინიციატივით შექმნილი „მშვიდობის საბჭოს“ პირველ სხდომაში, რომელიც ვაშინგტონში გაიმართება. აშშ-ის პრეზიდენტი „მშვიდობის საბჭოს“ პირველ ეტაპზე განიხილავდა ორგანოდ, რომელიც ისრაელსა და ჰამასს შორის საომარი მოქმედებების დასრულების შემდეგ კოორდინირებას გაუწევდა ღაზის სექტორის მართვას და აღდგენას, თუმცა საბჭოს წესდება, რომელსაც... Читать дальше...
ევროპის საბჭოს „წამებისა და არაადამიანური ან ღირსების შემლახველი მოპყრობისა თუ დასჯის საწინააღმდეგო კომიტეტი“ (CPT) ახალ ანგარიშს აქვეყნებს 2024-25 წლებში საქართველოში განვითარებულ მოვლენებთან დაკავშირებით.
აშშ-ის ფედერალურმა პროკურატურამ ბრალი წაუყენა ტანკერ Marinera-ს (Bella-1) კაპიტან ავთანდილ კალანდაძეს. ამის შესახებ გამოცემა New York Times-ი იუწყება.
„ქრონიკა პლუსის“ დამფუძნებელ ელისო კილაძეს, - რომელიც დღეს დილას დააკავეს, - ედავებიან ყოფილ გენერალურ პროკურორ ოთარ ფარცხალაძესა და ბიზნესმენ ძმებ დავით და გიორგი მიქაძეებთან ერთად თაღლითობასა და ფულის გათეთრებას. ბრალდება „ქოლცენტრებს“ უკავშირდება.
ელისო კილაძე, - გამოცემების, „ქრონიკა პლუსის“ და „სინიუსის“ მთავარი რედაქტორი დააკავეს.
უკრაინის ენერგეტიკის ყოფილ მინისტრს, უკანონო შემოსავლების ლეგალიზაციაში ეჭვმიტანილ ჰერმან ჰალუშჩენკოს აღკვეთის ზომად ორთვიანი პატიმრობა შეეფარდა. გადაწყვეტილება 17 თებერვალს მიიღო უკრაინის უმაღლესმა ანტიკორუფციულმა სასამართლომ. ჰერმან ჰალუშჩენკო 15 თებერვალს დააკავეს უკრაინის სახელმწიფო საზღვრის გადაკვეთისას.სასამართლომ ჰალუშჩენკოს მისცა გირაოთი გათავისუფლების შესაძლებლობა. ენერგეტიკის ყოფილი მინისტრი წინასწარი პატიმრობიდან გათავისუფლდება, თუ გირაოს სახით გადაიხდის 200 მილიონ გრივნას(დაახლოებით 4,6 მილიონი აშშ დოლარი). Читать дальше...
უკრაინის ხალხი არასდროს დაუჭერს მხარს რუსეთისთვის ტერიტორიის დათმობას, თუ ეს საკითხი რეფერენდუმზე დადგება. ამის შესახებ უკრაინის პრეზიდენტმა ვოლოდიმირ ზელენსკიმ განუცხადა ამერიკულ გამოცემა Axios-ს.
