ხაბეიშვილი წულუკიანზე: ცდილობენ, პასუხისმგებლობა გადააბარონ საპატრიარქოს, „ჯალათეა“ პასუხისმგებლობას ვერ გაექცევა
„ცდილობენ, პასუხისმგებლობა საპატრიარქოს გადააბარონ და ხვალ რომ რამე მოხდეს, „ჯალათეამ“ თქვას, რომ თურმე, თვითონ არაფერ შუაშია“, – ამის შესახებ „ნაციონალური მოძრაობის“ თავმჯდომარემ ლევან ხაბეიშვილმა განაცხადა.
„ჯალათეა“ პასუხისმგებლობას ვერ გაექცევა, მისი პირადი პასუხისმგებლობაა გელათის განადგურება და ახლა ცდილობენ, რომ პასუხისმგებლობა გადააბარონ საპატრიარქოს. ხვალ რომ რამე მოხდეს, „ჯალათეამ“ თქვას, რომ თვითონ არაფერი დაუშავებია, არადა 7 წელზე მეტია, ამ მდგომარეობამდე რომ მივიდა გელათი, ეს არის პირადად „ჯალათეას“ პასუხისმგებლობა. კიდევ ერთხელ გთავაზობთ უცხოელი სპეციალისტების ჩამოყვანას, თუ ამის თავი არ გაქვთ, ჩვენ გვაქვს კონტაქტები. არ გამოგივათ ვინმეზე რამის გადაბრალება“, – აცხადებს ხაბეიშვილი.
ცნობისთვის, 24 თებერვლის გადაწყვეტილებით, გელათის სამონასტრო კომპლექსში მიმდინარე სარესტავრაციო სამუშაოებს საპატრიარქო უხელმძღვანელებს, ხოლო კულტურის სამინისტრო მიმდინარე სამუშაოებს ფინანსურად უზრუნველყოფს.