Жемқорлықпен күрес қызметі "заңсыз активтерді қайтарғанын" айтқанда Дубай мен Еуропадағы зәулім сарайларды көрсетті
"2022 жылдан жылдан бастап бюджетке және квазимемлекеттік сектор субъектілеріне шамамен 857 млрд теңге сомаға мүліктік активтер мен ақшалай қаражатты қайтару қамтамасыз етілді. Оның ішінде 159,8 млрд теңгесі шетелдік юрисдикциялардан түскен ақша қаражаты түрінде. Бұл сома мемлекет бюджетіне түсті" дейді жемқорлықпен күрес қызметі.
Ведомство жазуынша 36,8 миллиард теңге Австриядан, 116,7 миллиард теңге Лихтенштейнннен, Біріккен Араб Әмірліктерінен – 6,3 млрд теңге, Түркиядан – 253 миллион теңге қайтарылған.
Жемқорлықпен күрес қызметі жариялаған видеода Дубай, Мәскеу, Австрия, Лихтенштейндегі қымбат пәтерлер мен Алматы мен Астанадағы бизнес-центрлер мен қонақ үйлер көрсетілген. Бірақ ол нысан иелерінің аты-жөндері аталмаған.