Жыртылған кітап
Жыртылған кітап, Ділдар Мамырбаева Есік қоңырауы әдеттегіден өзгеше шырылдады. Үйге шынашақтай ғана бала кірді. Оның әлдебір маңызды шаруамен келгені жүзінен аңғарылып тұр.
Есік қоңырауы әдеттегіден өзгеше шырылдады. Үйге шынашақтай ғана бала кірді. Оның әлдебір маңызды шаруамен келгені жүзінен аңғарылып тұр.
— Асқар Ахмет осында тұра ма?
— Иә, — деді Асқардың шешесі әлгі шынашақтай балаға таңырқай қарап. Бейтаныс баланың ересектерше салмақты сөйлеуі бір түрлі қызық көрінеді екен. Осы сәтте бөлмесінен шыққан Асқар да өзі танымайтын балаға тосырқай қарады.
— Балаңыз кітапханадан алған кітабын әлі күнге өткізбей жүр, соны кері қайтарып, айыппұл төлеңіз, — деді де қалтасынан «Кітап — біздің досымыз» қозғалысының мүшесі деген куәлігін алып көрсетті. Асқардың көңіл-күйі түсіп кетті. Осы қозғалысқа өзі де мүше болғысы келген еді... Бұл ойын сыныптасы Айжанға...