Новости за 28.09.2019

Ош облустук ооруканасынын дарыгерлери 28-сентябрда Ош шаарында белгисиз адамдардын кол салуусуна кабылган “Азаттыктын” оператору Айбек Кулчумановдун ден соолугун текшерип жатышат. Ишембиде Ош шаарында Кулчуманов берүү тартып жүргөндө күтүүсүздөн пайда болгон жигиттер журналисттин артынан келип сокку уруп, колундагы техникасын, документтерин жана автоунаасынын ачкычын тартып алышкан. Андан соң опузалап, "Райымбек Матраимовдун үйүн тартууга ким тапшырма берди?" деп суракка алышкан. Мындан кийин автоунааларына... Читать дальше...

28-сентябрда Ош шаарында белгисиз төрт адам күчкө салып, “Азаттыктын” оператору Айбек Кулчумановдун видео камерасын толук комплектиси менен тартып алышты.

Норвегияда миграциялык мыйзам бузуулар менен кармалган казакстандыктар арасында кыргыз жарандары бар-жогу такталууда.

Жогорку Кеңеш кыргыз-тажик чек арасындагы жер тилкелерин бөлүштүрүү боюнча мурдагы протоколдордун мазмунуна байланышкан маселени жабык карады.

Өзбекстандын мурдагы башкы прокурору жана Улуттук коопсуздук кызматынын мурдагы жетекчиси Ихтиёр Абдуллаев 18 жылга абакка кесилди. Өлкөнүн Аскер соту Абуллаев жана алар түзгөн кылмыштуу топтун мүчөлөрүнө карата өкүмдү 27-сентябрда чыгарды. Жогорку соттун басма сөз кызматы билдиргендей, Ихтиёр Абдуллаев кызмат абалынан кыянат пайдалануу менен кылмыштуу биримдикти уюштурууга, пара алууга, Өзбекстандын кызыкчылыгына каршы соодалашууга, кылмыштуу топтун кызыкчылыгы үчүн ири суммада бажы мыйзамдарын... Читать дальше...

27-сентябрда Жогорку Кеңештин депутаттары жана өкмөттүн өкүлдөрү менен жолугушууга катышкан нарындыктар жыйын бүтө электе залдан чыгып кетишти. Бул тууралуу Нарын шаарынын тургуну Ширин Жолдошбек кызы билдирди. Анын айтымында, чогулуш Нарын шаарындагы драма театрынын имаратында болгон. Депутаттар менен жолугууга облустун ар кайсы районунан 300дөй киши катышкан. - Негизинен социалдык көйгөйлөр айтылып жаткан чогулушта жаштарга сөз берилбей, микрофон талашып калган учурлар болду. Анан көпчүлүк залдан чыгып кетти... Читать дальше...

29-сентябрда күндүз жана 30-сентябрда туруксуз аба ырайы күтүлөт. 29-сентябрда күндүз Чүй, Талас, Жалал-Абад облустарынын тоо этектеринде жаан, тоолуу райондорунда кар, Ош, Баткен, Ысык-Көл, Нарын облустарынын тоолуу райондорунда кар жаашы мүмкүн. Дыйканчылык аймактарда жаан жаабайт. 30-сентябрда көпчүлүк аймактарда мезгил-мезгили менен жаан жаашы ыктымал. Чүй, Жалал-Абад облустарынын тоо этектеринде, Ысык-Көл жана Нарын облустарынын дыйканчылык аймактарында жаан карга айланышы мүмкүн, тоолуу райондордо кар жаашы күтүлөт. Читать дальше...

Ооганстандын түштүгүндөгү Кандагар шаарындагы расмий адамдардын айтымында, 28-сентябрда шайлоо участкасы катары ачылган мечитте жардыруу болду. Аймактык оорукананын өкүлдөрү бери дегенде 15 киши жараат алганын, үчөөнүн абалы оор экенин билдирди. Башка райондордо ракетадан аткылоо болгону кабарланды. Бирок ал шайлоо участкаларына багытталганбы же жокпу айтыла элек. Мындан сырткары Кабул, Газни жана Жалал-Абад шаарларында жарылуу болгонун расмий булактар билдиришкенин Reuters агенттиги жазды. ... Читать дальше...

Москвадагы “Ленком” театрынын көркөм жетекчиси, СССРдин эл артисти Марк Захаров ишемби күнү 85 жаш курагында каза болду. Бул тууралуу  ТАСС агенттиги жазды.  Театрдын директору Марк Варшавердин айтымында, ал көптөн бери ооруп жүргөн. Марк Захаров актер, режиссер гана эмес педагог, сценарист, коомдук ишмер, адабиятчы катары да белгилүү. Маркумду акыркы сапарга узатуу зыйнаты качан өтөрү тууралуу маалымат чыга элек. Захаров 13-октябрда 1933-жылы Москвада туулган. 1973-жылы Москва Ленин комсомолу... Читать дальше...

Тагдырдын оор сыноосуна моюн сунуп, эки баласынын илдеттен оолак экенине ишенип, топук кылган келин жыл айланбай күтүүсүздөн бир перзентинен айрылды. Анысы аз келгенсип тагдыр ага дагы бир оор сыноо жиберип, жакында экинчи баласына да ВИЧ-инфекциясы жукканы аныкталган.

Кочкор районунун тургуну Болот Асанбеков Бугучу айылындагы суу жетпеген он беш гектар кайрак жерге өрүк менен кайналынын көчөтүн тиккен. Багбандын кыялы какыраган талааны гүлдөгөн бакчага айлантуу. Гектарлаган аянттагы өрүкзарды ишкер жайы менен сырттан суу ташып келип сугарды.

АКШнын Киевдеги атайын өкүлү Курт Волкер кызматтан кетти. Бул тууралуу "Ассошиэйтед Пресс" жана Рейтер агенттиктери өз булактарына таянып жазып чыгышты. Волкер АКШ президенти Дональд Трамптын украин лидери Владимир Зеленскийге ыктымал басымы боюнча чалгын кызматынын аты аталбаган кызматкеринин маалыматы чыккан учурга туш келди. Дональд Трамп Украинанын президенти Владимир Зеленский менен 25-июлда телефондон сүйлөшкөн. 25-сентябрда Ак үй сүйлөшүүнүн стенограммасын жарыялады. Украинадагы коррупцияга... Читать дальше...

Улуттук коопсуздук боюнча мамлекеттик комитет (УКМК) тараткан маалыматка караганда, бүгүн, 28-сентябрда «Чалдыбар-унаажол» текшерип-өткөрүү пунктунан белгисиз адамдар УКМКнын тергөө иштерине тоскоолдук жаратып, кызматкерлерди ташбараңга алышкан. Ыкчам-тергөө топтун бир канча кызматкери ар кандай жеңил жарааттарды алышкан. Атайын кызматтын өкүлдөрү мыйзамсыз чек араны кесип өтүүнүн алдын алуу жана бөгөт коюу боюнча тергөө иштерин жүргүзүү үчүн барганы айтылат. Маалыматка караганада, Чүй облустук... Читать дальше...

Жогорку Кеңештин Эл аралык иштер, коргоо жана коопсуздук боюнча комитети кыргыз-тажик чек арасы боюнча буга чейин кол коюлган төрт протоколду карады. Бул 2009-жылы Коопсуздук кеңешинин катчыларынын деңгээлинде кыргыз тарап 275 метр жер тилкесин 49 жылга ижарага алган жумушчу протокол (Адахан Мадумаров кол койгон), 2009-жылы 24-декабрда Ош шаарында бул маселе боюнча өкмөттөр аралык Макулдашууга өзгөртүү киргизген протокол (Нурлан Сулайманов кол койгон), мындан сырткары Токон Мамытов жана Абдрахман... Читать дальше...

Кытай Борбор Азия өлкөлөрүнө сунуш кылып жаткан видео көзөмөл жүргүзүүчү технологиялар тынчсыздануу жаратат. Мындай оюн Европа Коопсуздук жана Кызматташтык Уюмунун Бишкектеги академиясынын кенже илимий кызматкери Яy Цз Ян “Азаттык” менен маегинде билдирди.

Акыркы эки жылда Кыргызстанда кант кызылчасынын аянты үч эсе көбөйдү. Ал эми анын түшүмүн жыйноо орто эсеп менен 185 миң тоннадан 570 миң тоннага чейин көбөйгөн. Бул тууралуу вице-премьер-министр Жеңиш Разаков Евразия кант ассоциациясынын аткаруучу директору Андрей Бодин менен жолуккан учурда айтылды. Өкмөттүн басма сөз кызматы, 28-сентябрда билдиргендей, алар кант тармагындагы абал жана анын өнүгүшүн талкуулашты. Разаков мамлекет жана кант кызылчасын кайра иштетүүчү ишканалар тарабынан кабыл алынган чаралардын натыйжасында... Читать дальше...

Индиянын Бангалор шаарында өтүп жаткан мелдеште 35 өлкөдөн чогулган 2500дөн ашык күчтүү спортчулар ат салышууда.

Американын куралдуу күчтөрүнүн арасында 2001-жылдан бери өз өмүрүн өзү кыйгандардын саны 2018-жылы эң жогорку чегине жеткени АКШнын коргоо министрлигинин жаңы баяндамасында айтылды.

Тоок эти “универсалдуу” эт азыгы болуп саналат.

Индиянын Бангалор шаарында өтүп жаткан Азия чемпионатында кыргызстандык сууда сүзүүчү Денис Петрашов алтын медаль тагынды. Ал брасс стилинде 200 метр аралыкты сүзүп өткөн. Бул тууралуу Кыргызстандын Сууда сүзүү федерациясы билдирди. “Азия чемпионаты – континенттеги миңдеген спортчулар катышкан беделдүү, престиждүү турнир. Анын жеңүүчүлөрү дүйнөлүк спорттук элитага кирет”, - деп жазылган федерация тараткан маалыматта. Мындан сырткары дагы бир кыргызстандык спортчу Лиза Рогожникова күмүш медаль тагынды. Читать дальше...

ВИЧ буга чейин Айгүлдүн жолдошун алып кеткен. Жакында тогуздагы баласын алып тынды. Үй-бүлөсү менен ВИЧ-инфекциясына кабылган келин "Азаттыкка" арманын айтып келди.

Ооган бийлиги 28-сентябрь, президентти шайлоо күнү Жалал-Абад шаарында коопсуздук чараларын күчөттү. Добуш берүү талибдердин чабуулунан жана шайлоо жыйынтыгын бурмалап коюу коркунучунан чочулоо менен жатат. “Өлкө боюнча добуш берүү башталды. Адамдардын добушун берүү үчүн чоң кезек күтүп шайлоо участкаларына келгенине кубанып жатабыз”, - деди шайлоо комиссиясынын басма сөз катчысы Заби Садат. Өлкө боюнча жалпысынан 5373 добушкана ишейт. Шайлоого 18 талапкер ат салышып жатат. Эгерде бир да талапкер жетиштүү добуш албай калса... Читать дальше...

Дүйнө чемпиону болгон Айсулуу Тыныбекованын атак-даңкы дагы да артып турган чагы. Аны бийиктикке жетелеген машыктыруучусу Нурбек Изабеков экендиги талашсыз.

Орусиянын Венадагы эл аралык уюмдардагы туруктуу өкүлү Михаил Ульянов АКШнын Иранга каршы теңсинбеген санкциялары дипломатиялык мүмкүнчүлүктөрдү кыскартууда деп билдирди.

Бүгүн, 28-сентябрда Бишкек шаарында “Мурас чыйыры” аттуу фестиваль өтөт. Уюштуруучулардын белгилешинче, бул “Музейдеги түн” акциясындагы #назикмурас же #хрупкоенаследие долбоорунун уландысы. Анда шаар тургундары жана коноктор эски Пишпек шаарын, XIX кылымда салынган имараттарды көрө алышат. Алардын катарында Пишпек шаар старостасы 1986-жылы курулган Илья Терентьевдин үйү, Сүрөтчүлөр биримдигинин көргөзмө залы, 1979-жылы салынган Михаил Фрунзенин үйү бар. Фестивалдын алкагында эски шаарга, эски... Читать дальше...