Новости за 01.03.2020

Дүйнөлүк саламаттык сактоо уюму коронавирус жуктуруп алгандардын жалпы саны 86 миңден ашканын, бул илдетке чалдыккандар 63 өлкөдө катталганын 1-мартта билдирди. Кеминде 2900 адам андан каза тапкан. Анын ичинен жүздөн ашыгы башка өлкөлөрдө, калганы Кытайда көз жумган. Ушул тапта өпкөнү сезгентүүчү бул илдет Кытайдан кийин эле Иран, Италия, Жапония жана Түштүк Кореяда эң көп таралганы белгилүү болду. Иранда коронавирустан каза тапкандар 54кө жетти деп расмий кабарланууда. Бирок эксперттер бул чыныгы... Читать дальше...

1-мартта Тажикстан парламентинин төмөнкү палатасына шайлоо өттү. Кечки саат 8де өлкө аймагындагы бардык добушканалар жабылды. Борбордук шайлоо комиссиясынын төрагасы мамлекеттик телеканал аркылуу “шайлоо ачык-айкын атмосферада өттү” деп билдирди. Жыйынтык 2-мартта түштөн кийин жарыяланарын белгиледи. Боршайком төрагасы шайлоо учурунда эреже бузулганы тууралуу эч бир даттануу же кайрылуу түшпөгөнүн кошумчалады. Бирок “Азаттыктын” тажик кызматынын кабарчылары жана социалдык сайттардын колдонуучулары... Читать дальше...

Жекшембиде Түркия менен Грециянын чек арасына жүздөгөн мигрант келип, Евробиримдик аймагына өтүүгө аракет кылышты. Грек полициясы аларды көздөн жаш агызчу газ менен каршы алып, токтотту. Рейтер агенттиги тараткан видеодон полиция тарапка таш атып аткан качкындарды көрүүгө да болот. Түркия буга чейин мекенинен качып чыккан сириялыктарды аймагында кармай албасын, Европаны карай эшигин ачарын билдирген эле. Ички иштер министри Сулейман Сойлу 1-марттын таңына карай 76 миңден ашуун адам Греция жана... Читать дальше...

Сейсмология институтунун маалыматына ылайык, 1-март күнү саат 15:18де Жалал-Абад облусунда жер титирөө катталды. Силкинүүнүн күчү очогунда 3,5 баллга жетти. Сузак районунун Каду, Жазы-Кечүү, Ак-Булак айылдарында 2,5-3 балл, Көсө-Терек, Орток, Кара-Алма жана Сай айылдарында 2-2,5 баллды түздү. Силкинүүдөн жапа чеккендер жана кыйроолор катталган жок.(ZKo)

Казакстанда өлкөнүн биринчи президенти Нурсултан Назарбаевдин саясаттан кетүүсүн талап кылган жана тергөө абагында каза болгон активист Дулат Агадилдин өлүмү боюнча нааразылык акцияларында ондогон адамдар кармалды. Полиция акция өтчү Нур-Султан, Алматы, Чымкент жана Орол шаарларындагы борбордук аянттарды тосуп салды. Кармалгандар «Диктатурага жол жок!», «Чал кет!» деп кыйкырышып, ушундай эле чакырыктар жазылган плакаттарды көтөрүп чыгышты. Акцияларда жалпы-жонунан 100гө чукул адам кармалды. Казакстандык... Читать дальше...

Тажикстандын Борбордук шайлоо комиссиясынын маалыматына караганда, жергиликтүү убакыт боюнча саат 15:00гө карата парламенттик шайлоодо 3 млн. 700 миң адам добушун берди.

Тажикстандын Борбордук шайлоо комиссиясынын маалыматына караганда, жергиликтүү убакыт боюнча саат 15:00гө карата парламенттик шайлоодо 3 млн. 700 миң адам добушун берди. Бул жалпы шайлоочулардын 75 пайызын түзөт. Муну менен Тажикстанда парламенттик шайлоо өттү деп эсептелет. Тажикстандын президенти Эмомали Рахмон тажик парламентинин төмөнкү палатасына шайлоого №15 шайлоо бекетинен добуш берди. Шайлоого Рахмондун Элдик-демократиялык партиясы да катышууда. Буга чейинки парламенттик шайлоодо анын партиясы көпчүлүк мандатка ээ болгон. Читать дальше...

1-мартта Тажикстандын парламентинин төмөнкү палатасына шайлоо өтүп жатат.

29-февралда Катардын баш калаасы Дохада АКШ менен «Талибан» кыймылынын ортосунда 18 жылга созулган согушту токтотуу тууралуу келишимге кол коюлду.

Ирландиянын "Дандолк" футбол клубунун жарым коргоочусу Жордан Флорес атаандаш клубуна, "Шэмрок Роверстин" дарбазасына укмуштуудай гол киргизди.

Дүйнөлүк басма сөзгө баяндама (24-февраль - 1-март).

Кошмо Штаттарында 29-февралда коронавирустан адам өмүрү кыйылган биринчи учур катталды. Бейтап Вашингтондо каза болду. Ак үйдө өткөн брифинг учурунда АКШнын президенти Дональд Трамп вирустан аял өлгөнүн билдирген. Кийин Саламаттык сактоо министрлиги Трамп жаңылыш маалымат берип алганын кабарлап, эркек киши каза болгонун тактады. 1-марттагы маалыматка караганда, Кошмо Штаттарында коронавирусту 69 адам жуктуруп алды. Алардын көпчүлүгү вирусту чет өлкөлөрдөн жана «Diamond Princess» саякат кемесинен жуктурушкан. Читать дальше...

Коронавирус катталганы боюнча жалган маалымат тараткан Оштун Өзгөн районунун аймактык ооруканасынын дарыгери Нурила Жамантай кызы өз арызы менен жумуштан кетти. Бул тууралуу «Азаттыкка» Өзгөн аймактык ооруканасынын башкы дарыгери Сатар Жусупов билдирди. Мунун алдында кызматтан кеткен дарыгердин элден кечирим сураган видео кайрылуусу тараган. «Социалдык тармактарда тамашалап туура эмес, жалган маалымат берип алганыма өкүнүп жатам. Бул маалымат чындыкка дал келбейт» деп айтылат кайрылууда. Ош облустук... Читать дальше...

Иштамберди кенинен таштанды катары чыккан калдыктарды Шекафтар айылынын аймагына ташып келип көмүү жергиликтүү тургундар арасында нааразычылык жаратты.

«Кыргызгидромет» борбору кабарлагандай, 2-мартта жаан жаабайт. Тоолуу райондордо жолдор тоңголок, тайгак болот. Шамалдын багыты өзгөрүлүп турат, ылдамдыгы секундасына 1-6 метрге жетет. Абанын температурасы: Чүйдө түнкүсүн -1…+4, күндүз 16…21; Таласта түнкүсүн -2…+3, күндүз 14…19; Баткенде, Ошто, Жалал-Абадда түнкүсүн 2…7, күндүз 17…22; Ысык-Көлдө түнкүсүн -3…+2, күндүз 6…11; Нарында түнкүсүн -4…-9, күндүз 3…8; Бийик тоолуу райондордо -17…-22, күндүз 0…-5 градус болот. Бишкекте жаан-чачын болбойт. Читать дальше...

Казакстандын Алматы шаарында 1-мартта полиция Республика аянтынан 10дон ашык адамды кармап кетти. Кармалгандардын айрымдарынын колунда 25-февралда тергөө абагында каза болгон активист Дулат Агадилдин сүрөтү болгон. Ушундай эле кармоо Нур-Султан шаарында да болуп жатат. Бүгүн оппозициялык топтордун митингин утурлай полиция «Ойгон, Казакстан» жарандык кыймылынын бир нече мүчөсүн жана «Көчө партиясы» кыймылынын активистин да кармап кеткени кабарланды. Бозгунда жүргөн оппозициялык саясатчы Мухтар... Читать дальше...

Аралаш мушташ боюнча турнир 29-февралга караган түнү Англиянын Норфолк графтыгында өткөн. Мушкерлер октагон ичинде 57 килограмм салмакта беттешкен.

Репрессияга кары-жаш, кызматы, кесиби, улутуна карабай баары тартылган.

Кыргызстан мусулмандарынын дин башкармалыгы коронавирус коркунучунан улам адамдардын жума намазга келүүсүнө тыюу салуу туура эмес экенин билдирди. Бул тууралуу «Азаттыкка» муфтияттын басма сөз кызматы кабарлады. «Бул күнү мечиттерге барбагыла дегенге шарият жол бербейт. Жума күн - мусулмандар күткөн күнү. Ал күнү жумага келбегиле деп эч кимге тыюу сала албайбыз. Жума намаз үйдө эмес, мечиттерде жамаат менен окулуучу намаз» деп айтылат маалыматта. Муфтият ошол эле учурда вирустун алдын алууга ислам дини каршы эмес экенин... Читать дальше...

Маалыматка караганда, 29 жаштагы эркек жубайы менен жакында эле Ирандан келишкен. Ал коронавирусту жуктуруп алганы аныкталганын Армениянын премьер-министри Никол Пашинян да ырастады. Пашинян вирус жуккан киши Тегерандан 28-февралда учак менен келгенин, кийин дарылануу үчүн ооруканага жаткарылганын айтты. Илдетке кабылган адамдын ден соолугу туруктуу. Өпкөнү сезгенткен коронавирустун таралышы боюнча Иран Кытайдан кийинки эле эң кооптуу өлкөгө айланды. 29-февралдагы маалымат боюнча, Иранда вирустан 43 адам өлүп... Читать дальше...

Узаган аптанын урунттуу окуяларына сереп (24-февраль - 1-март)

Чүй облустук ички иштер башкармалыгы Кыргызстан социал-демократиялык партиясынын (КСДП) мурдагы президент Алмазбек Атамбаевди колдогон бөлүгүнүн мүчөсү Доктурбай Төлөгөновдун суракка алынышы боюнча түшүндүрмө берди. Облустук милиция тараткан маалыматка караганда, Төлөгөнов жалпы республика боюнча жүрүп жаткан түшүндүрүү иштеринин алкагында 29-февралда Ысык-Ата райондук милициясына алынып келинген. Бир саат маектешүүдөн кийин кайра коё берилди. Ошондой эле өлкөдө коомдук коопсуздук, кылмыштуулук... Читать дальше...

Бүгүн, 1-мартта Тажикстандын парламентинин төмөнкү палатасына шайлоо өтүп жатат. Шайлоо участкалары жергиликтүү убакыт боюнча саат 06:00дөн 20:00гө чейин иштейт. Шайлоого 4 млн. 900 миңге чейин шайлоочу катышат деп күтүлүүдө. Тажик парламентинин төмөнкү палатасындагы 63 мандатка 238 талапкер ат салышууда. Анын ичинен 65и партиялык тизме менен, калган 173ү бир мандаттуу округдардан катышып жатат. Добуш берүү 3450 шайлоо участкаларында, анын ичинде Тажикстандын чет өлкөлөрдөгү 30 элчилигинде болот. Читать дальше...

Тажик тарап Кыргызстандын аймагына кирип кеткен чек арачылар боюнча териштирүү иштерин жүргүзөрүн убада кылды. Бул тууралуу Кыргызстандын Мамлекеттик чек ара кызматы билдирди. Маалымат боюнча, 29-февралда Тажикстандын куралсыз эки чек арачысы Кыргызстандын Сай аймагына 30-40 метр кирип кетишкен. Муну жергиликтүү тургундар көрүп кыргыз тараптын чек арачыларына маалымат берген. Аталган жерге застава башчысы келип тажик чек арачылары жергиликтүү тургунду - Кыргызстандын жаранын көрүп кайра Тажикстандын аймагына кайтканын аныктаган. Читать дальше...