Новости за 04.05.2020

Ош шаардык мэриясынын маалымат кызматынын билдирүүсүндө өзгөчө кырдаал жана өзгөчө абалга байланыштуу киргизилген чектөөлөрдөн улам шаардык бюджетке апрель айында 64,5 миллион сом түшпөй калган. План боюнча апрель айында 102,2 миллион сом түшөрү болжолдонгон. Анын 37 пайызы гана аткарылган, тагыраагы 37,7 миллион сом топтолгон. «4-майда шаар мэри Таалайбек Сарыбашов салык кызматынын жетекчилери менен жолугушуп, маалыматтарын укту. Мэр салык чогултууда мыйзамдуу иш алып баруу, көмүскө экономика менен күрөшүүнү күчөтүү тапшырмасын берди»... Читать дальше...

Түркмөнстандык төрт прокурор ондогон түркмөн жарандарынын аракка ууланышынын чоо-жайы менен таанышуу үчүн Түркияга барганы белгилүү болду. Күч түзөмдөрүнө жакын булактар “Эркин Европа/Азаттык” радиосуна 4-майда билдиргендей, прокурорлор өткөн жума күнү Ашхабадга атайын учак менен кайтып баргандан кийин дароо 14 күндүк карантинге алынган. Түркмөнстандык 58 киши жасалма арак ичкенден кийин ууланып өлгөнүн түрк маалымат каражаттары март айында жазышкан. Кабарларга караганда Стамбулдун полициясы буга байланыштуу 11 кишини... Читать дальше...

«Эл үнүнө» «гуманитардык жардам калыстык менен берилген жок» деп кайрылышты. Мектеп окуучулары менен студенттерди түйшөлткөн суроолорго да орун беребиз.

Бул тууралуу Биологиялык ар түрдүүлүктү сактоо жана өзгөчө корголуучу жаратылыш аймактары департаментинин Нарындагы өкүлчүлүгүнүн башчысы Сагынаалы Боогачиев билдирди. Анын айтымында, жаныбар 4-май күнү Нарын токой чарбасынын аймагындагы Тескей-Торпу деген аймактан кармалган.  «Ак илбирс ошол жердеги бир малчынын торпогуна кол салып, жеп жатканын малчылар көрүп калышкан. Бирок алар ак илбирстин жанына барган кезде качкан эмес. Андан соң Нарын районунун Эмгек-Талаа айылынын тургуну Жолдошбек Мырзакматов... Читать дальше...

4-майда Ош шаарынын, Ош облусунун Ноокат жана Кара-Суу райондорунун аймагында ишке кирген ишканалардагы санитардык-карантиндик эрежелердин сакталышы комендатура тарабынан текшерилди. Комендатуранын басма сөз кызматы билдиргендей, 141 мекеме текшерүүдөн өтүп, анын ичинен 75 ишканага уруксат берилген. Укук коргоо кызматкерлери жана санитардык-эпидемиологиялык көзөмөлдөө борборунун адистери менен бирге соода түйүндөрү, чач тарачтар жана сулуулук салондору, желимдөө жана май алмаштыруу жайлары, ири маркеттер... Читать дальше...

Түркмөнстандын Лебап жана Мары облустарындагы бир катар шаарлар менен райондордун тургундары өкмөт өткөн жумадагы кыйратуучу шамалдан кийин аларга эч кандай жардам бербегенин айтышууда. «Азаттыктын» түркмөн кызматынын кабарына караганда, 27-апрелде кечки саат 7лерде болгон катуу шамалдан каза тапкандар 30 кишиден ашты. Кырсык болгондон бери бир жума өтсө да канча адам каза болгону, канчасы табылып, канчасы дайынсыз жоголгону тууралуу расмий Ашхабад бир да маалымат чыгара элек. Кырсыктан жапа чеккен аймакта 4-майда нөшөрлөгөн жаан жаады. Читать дальше...

4-майда Казакстандын көмөгү менен Украинадан, Австриядан, Венгриядан, Чехиядан жана Словакиядан 29 кыргызстандык кайтып келди. Бул тууралуу республикалык штаб билдирди.  Маалыматка ылайык, Украина авиакомпаниясынын коммерциялык чартердик каттамы аркылуу Тараз шаарынын аэропортуна Киев-Будапешт-Тараз маршруту боюнча келген жарандар Кыргызстандын Саламаттык сактоо министрлигинин кызматкерлеринин коштоосунда атайын транспорт менен Бишкекке жеткирилди. Эрежеге ылайык, чет өлкөдөн келгендер обсервацияга алынат. Читать дальше...

Иран парламенти улуттук акча - риалдан 4 нөлдү алуу тууралуу сунушту колдоп добуш берди. Бул чара америкалык санкциялардан жана пандемиядан улам пайда болгон гиперинфляцияга каршы чара катары көрүлүүдө. ИРНА жана ИСНА маалымат агенттиктери кабарлагандай, мыйзам чыгаруучулар риалды томан деген акча менен алмаштырууну жактырышты. 1 томан 10 миң риалга барабар болмокчу. 1925-жылдан бери Ирандын улуттук валютасы болуп келаткан риал акыркы айларда 60% арзандаган. Мыйзам долбоорун эми конституциялык көзөмөл органы ратификациялашы керек. Читать дальше...

4-майда республикалык ыкчам штабдын жыйыны өтүп, анда Бишкек шаары менен Чүй облусундагы эпидемиологиялык кырдаал өзгөчө көзөмөлдө болушу керек экени кеп болду. Бул тууралуу өкмөттүн басма сөз кызматы кабарлады. Биринчи вице-премьер-министр Кубатбек Боронов Бишкекте коронавирус илдетине кабылгандар күн сайын көбөйүп жатканын белгилеп, көчмө бригадалар, эпидемиологиялык кызматтар, мэрия эпидемиологиялык кырдаалга өзгөчө көзөмөлдөшү керек экенин билдирди. «Ар бир жаран өзүнүн аң-сезимдүүлүгүн жана жоопкерчилигин көрсөтүп... Читать дальше...

АКШнын мамлекеттик катчысы Майк Помпео COVID-19 Кытайдын Ухань шаарындагы лабораториядан чыкканына «эбегейсиз далилдер бар» экенин билдирди.

Өлкөдө жалпысынан 45 адам карантин эрежелерин бузганы үчүн жоопко тартылды. Бул тууралуу өкмөттүн басма сөз кызматы кабарлады. Алардын ичинен Жазык кодексинин 280-беренеси («Санитардык-эпидемиологиялык эрежелерди бузуу») менен сегиз киши, 281-беренеси («Адамдар үчүн коркунуч жараткан жагдайлар тууралуу маалыматты жашыруу же бурмалоо») менен бир киши жоопкерчиликке тартылган. Бул беренелерди бузган жарандар 260 000 сомдон 300 000 сомго чейин айып төлөп же эки жылдан беш жылга чейин эркинен ажыратылышы мүмкүн. Читать дальше...

Бишкек-Ош жолунун жээги кызыл килем төшөлгөн гүлгө оронду. Кызгалдак талаасы трассанын Базар-Коргон, Ноокен, Сузак аймактарында жайгашкан. Гүлдөрдүн ачылганына бир жумадан ашты.

Премьер-министр Мухаммедкалый Абылгазиев өлкө жарандарына кайрылып, жоопкерчиликтүү болууга жана карантин мөөнөтү токтогуча обочолонуу тартибин сактоого чакырды. Абылгазиевдин кайрылуусун өкмөттүн басма сөз кызматы таратты. Анда премьер-министр жумуш орундарын жана жарандардын кирешесин сактоо максатында айрым тармактардын иштешине баскыч-баскыч менен уруксат берүү жөнүндө чечим кабыл алынганын белгиледи. Абылгазиев жарандар муну карантин режими токтотулду деп кабыл албашы керек экенин айтты.  «Мен белгилей кетейин, андай эмес! Читать дальше...

Бишкектик дарыгер, 58 жаштагы Жүзүмкан Көкүмбаева COVID-19 илдетин жугузуп алгандан кийин абалы начарлап, 2-майда көз жумду. Бул Кыргызстанда медицина кызматкерлери коронавирустан каза болгон биринчи учур.

Чехия карантинден акырындап чыгып, чектөөлөр ырааты менен алына баштады. Анткен менен адамдардын бири биринен обочолонуусу жана беткап кийүү тыкыр көзөмөлдө. Жаздын келиши менен гүл жамынган баш калаа Праганын көчөлөрү акырындан элге толуп көркүнө чыгууда. Гүл жана беткап тагынган Прага шаарына фотосаякатка чыгалы

Баткен жана Жалал-Абад облустарында 2-3-майдагы селдин кесепеттерин жоюу иштери уланууда.

Кумтөр алтын кенин иштеткен канадалык «Центерра Голд» компаниясы 2016-жылдан бери алгачкы жолу дивиденд төлөмөй болду. Компаниянын директорлор кеңеши кадимки акция үчүн 0,04 канадалык доллар, башкача айтканда, жалпы суммасы 11,7 миллион канадалык доллар (азыркы курс боюнча болжол менен 8,3 млн. АКШ доллары) өлчөмүндө дивиденд төлөөнү чечкенин «Кумтөр» ишканасы 4-майда кабарлады. Ушундай эле маалымат «Кыргызалтын» мамлекеттик ишканасынын расмий сайтына жарыяланды. Анда «Кыргызстанга «Центерра Голддун» акцияларынын 77,4 млн. Читать дальше...

Акыркы күндөрү Кыргызстанда коронавирус табылгандардын көбү Бишкек шаарынын жана Чүй облусунун тургундары болуп жатат. 3-майда Саламаттык сактоо министрлигинин өкүлдөрү майдын аягында оору басаңдайт деп үмүттөнөрүн айтышты.

Кыргызстанда соңку бир сутка ичинде коронавирус жуккан 35 адам катталды. Өзбекстанда суу сактагычтын дамбасы жырылып, суу ташкыны коңшу Казакстандын айылдарына чейин каптады. Кыргызстандын айрым аймактары да селден жабыркады.

Бишкекте үймө-үй кыдыруунун натыйжасында тогуз адамдан коронавирус табылды. Бул тууралуу 4-майда борбор калаанын мэри Татьяна Кузнецова билдирди. Анын айтымында, 40 мобилдик бригада иштеп жатат. Алар карантинде отургандарды жана коронавирус жуккан адамдар менен байланышта болгондорду текшерүүдө. 4-майга карата жалпысынан 2073 үйдү кыдырып чыгышты: "690 адамдан эскпресс-тест алышкан. Натыйжада тогуз адамдын анализи таза эмес болуп чыккан". Кузнецованын айтымында, мобилдик бригадалар негизинен кооптуу деп эсептелген 75 жерде... Читать дальше...

Кошмо Штаттардын президенти Дональд Трамп АКШ коронавируска каршы вакцинаны ушул жылдын аягына чейин алып калат деп ишенерин айтты.

«Magnus Carlsen Invitational» деген шахмат боюнча онлайн турнирди анын уюштуруучусу, дүйнө чемпиону норвегиялык Магнус Карлсен жеңди. Жекшембиде өткөн финалда ал америкалык Хикару Накамура менен беттешти. Турнирдин байге фонду 250 миң доллар деп белгиленген, жеңүүчүгө 70 миң доллар тийди. Мелдешке дүйнөнүн 8 эң мыкты гроссмейстери катышты. Турнир коронавирус пандемиясына карабай өткөрүлдү.

Грекия Лесбос аралындагы мигранттар лагеринен жүздөгөн кишини башка жерге которо баштады. Бул COVID-19дун тарап кетишин алдын алыш үчүн жасалууда. Европа Биримдиги жана укук коргоочу топтор Афины өкмөтүн мигранттарды Эгей деңизиндеги 5 аралдан материк бөлүгүнө көчүрүүгө үндөп келатышат. 3-майдагы расмий маалыматка ылайык Лесбос аралындагы Мориа лагеринен 395 киши которулмак. Грекияда 23-мартта COVID-19дун жайылышын ооздукташ үчүн бир катар карантиндик эрежелер кабыл алынган. Өкмөт эми дагы 2,5... Читать дальше...

Кошмо Штаттардын президенти Дональд Трамп АКШ коронавируска каршы вакцинага ушул жылдын аягына чейин ээ болот деп ишенерин 3-майда «Fox News» телеканалындагы маегинде айтты. Бирок адистер вакцина бардык сыноодон өтүп, элдин калың катмарына жетиши үчүн бери дегенде бир жылдан 1,5 жылга чейин убакыт керек экенин белгилеп жатышат. Дүйнө жүзүндө өпкөнү сезгенткен оору 3,5 миллион адамга жукту, 247 миңден ашык адам көз жумду. Анын ичинде АКШда коронавирус жугузуп алгандардын саны 1,1 миллион адамдан ашты, оорудан 66 миңден көп киши каза болду. Читать дальше...

Ысыккөлдүк Максат Усупбаева - облустагы жалгыз аял ветеринар. Ал ишине байланыштуу зарылдыктан улам мотоцикл айдаганды да үйрөнгөн. 18 жылдан бери ветеринарлык кесипти аркалап келе жаткан Максат Усупбаева бир канча айылдын малын дарылайт.