Новости за 05.05.2020

5-майда Тажикстандын саламаттык сактоо министри алмашты. Президенттин жарлыгында Насим Олимзода “башка ишке өткөнүнө байланыштуу” деп гана жазылган. Анын ордуна “Истиклол” медицина борборунун жетекчиси Жамолиддин Абдуллозода дайындалды. Президенттин жарлыгы уулу Рустам Эмомали төрагалык кылган Олий Мажлиске бекитүүгө сунушталды. Тажик бийлиги 30-апрелде гана коронавирус катталганын билдирген. Ага чейин илдетке чалдыккандар жоктугу маалымдалып, тийиштүү карантин чаралары көрүлгөн эмес. 5-майга... Читать дальше...

Ала-Бука районунун 1-май айылында, Ноокен районунун Кызыл-Туу, Базар-Коргон районунун 1-май, Үч-Булак, Сейит-Казы, Сейдикум айылдарында, Сузактын Кара-Дарыя айылында сел жүрдү. Бул тууралуу жергиликтүү бийликтен кабарлашты. Жергиликтүү бийлик жана жарандык коргонуу күчөтүлгөн тартипте иштөөгө өттү. Сел жүрүү коркунучу сакталууда. Өзгөчө кырдаалдар министрлиги 5-май күнү саат 18:30 чамасында Жалал-Абад облусунун Ноокен районундагы катуу жамгырдан Достук айыл аймагындагы Кызыл-Туу айылындагы сугат каналынан суу ашып... Читать дальше...

Жогорку Кеңештин депутаты, мурдагы премьер-министр жана экс-транспорт министри Кубанычбек Жумалиев “мамлекеттик кызматта иштеп турган учурда коррупциялык иштерге аралашкан эмесмин, байлыгымды адал жол менен тапкам” деп жергиликтүү телеканалдардын бири аркылуу Куранды кармап элге кайрылды.    “Мен, Жумалиев Кубанычбек 1992-жылдан 2005-жылга чейин иштеген учурда бир дагы коррупциялык ишке аралашкан эмесмин. Экинчиден, туугандарым келгенде идеямды айтып, бирок алар өз эмгеги менен тапкан акчасына сатып алып иштеп жатышат. Читать дальше...

Президент Сооронбай Жээнбеков 5-майда вице-премьер-министр Эркин Асрандиев менен каржы министри Бактыгүл Жээнбаеваны кабыл алып, учурдагы макроэкономикалык кырдаалды жана өлкөнүн социалдык-экономикалык абалын талкуулады. Бул тууралуу президенттин сайтында жазылды. Анда 2020-жылы январдан апрель айына чейин республикалык бюджеттин киреше бөлүгү 77,2% аткарылып, бул пландалгандан 9,7 млрд. сомго аз экени белгилүү болду. Вице-премьер-министр Эркин Асрандиев өкмөт бюджеттин киреше бөлүгүнүн жетиштүү... Читать дальше...

“Роза Отунбаеванын демилгелери” фонду жана “РухЭш” сайты акын, маданиятка эмгек сиңирген ишмер Зайырбек Ажыматовдун атындагы адабий сыйлык уюштурушту. Бул тууралуу “РухЭш” сайтынын негиздөөчүсү Олжобай Шакир маалымдады. Анын айтымында, учурда сыйлыктын жобосу даярдалып жатат. “Негизги критерийлердин бири - эч бир саясий топко жан тартпаган, бийликке кошомат кылбаган, жалаң чыгармачылык менен изденген акындар катыша алат”, - деди Олжобай Шакир. Сыйлык жыл сайын Зайырбек Ажыматовдун туулган күнү ... Читать дальше...

5-майда Москванын Раменское шаарында турак үйдөгү өрт Өзбекстандын алты жаранынын өмүрүн алды. Алардын үчөө эркек, үчөө аял экенин “Азаттыктын” өзбек кызматы расмий маалыматка таянып жазды. Баштапкы маалыматка караганда аянты 100 чарчы метр жер тамда 26 киши жашап келген. Каза болгондордон башкасы кайсы өлкөнүн жарандары экени азырынча тактала элек. Алардын Орусияда мыйзамдуу жүргөн-жүрбөгөнү териштирилерин Москванын Тергөө комитети билдирди. Өрткө электр жабдуусундагы бузуктук себеп болушу мүмкүндүгү айтылып жатат.

Сардаба суу сактагычынан аккан суу Казакстандын айылдарын да каптаганына байланыштуу Ташкентке нота жиберилбейт. Бул тууралуу Казакстандын Тышкы иштер министрлигинин басма сөз катчысы Айбек Смадияров 5-майда билдирди. Андан бир нече саат мурда өлкөнүн экология, геология жана жаратылыш ресурстары министринин орун басары Сергей Громов чек арадагы гидротехникалык курулуштар тууралуу Өзбекстандан толук маалымат талап кылган нота даярдалганын билдирген. Ал Сардаба суу сактагычы казак тараптын макулдугусуз курулганын да белгилеген. Читать дальше...

Экономикалык ишмердүүлүктүн кээ бир түрүнө уруксат берилген 1-майдан кийин Кыргызстанда коронавирус табылгандардын көбү Бишкек шаарынын жана Чүй облусунун тургундары болуп жатат.

Бонецкий лабораториясы коронавирус инфекциясына жапырт текшерүү боюнча түшүндүрмө таратты. Анда коронавируска жапырт текшерүү долбоору меценаттардын каражатына Саламаттык сактоо министрлиги менен биргеликте акысыз тест алуу экенин белгилейт. Андыктан демөөрчүлөрдөн акча топтоо учурда уланып жатат. Азыркы күндө 4363 бекер ПЦР-тест алууга каражат топтолду. Аталган лаборатория COVID-19га биринчи кезекте Саламаттык сактоо министрлиги белгилеген медицина, укук коргоо органдарынын кызматкерлерин текшерет. Читать дальше...

Казакстанда Сенаттын төрайымы Дарига Назарбаеванын мандаты токтотулса, 4-майда ал кызматты Маулен Ашимбаев ээледи. Коңшу өлкөдө Сенаттын төрагасы мамлекеттеги президенттен кийинки эле жогорку кызмат катары саналат.

Cанкт-Петербургдагы Ардагерлер ооруканасынын кардиолог дарыгери жетекчилигинен коргонуу каражаттарын талап кылып, андан көп узабай өз ишин таштап кетүүгө мажбур болду. COVID-19 вирусуна каршы күрөшүп жаткан дарыгерлерге жеке коргонуу каражаттары берилген эмес. Марианна Замятина жалпы көйгөйдү айтып чыкканда жетекчилик аны кызматтан ылдыйлатып салган.

“Реформа жана жыйынтык үчүн” жарандык бирикмеси коронавирус илдети менен күрөшүү иш-чараларына катышкан бардык күч кызматкерлерине кошумча акча төлөнүшү керек деген билдирүү таратты.  Бирикменин кайрылуусунда күч кызматкерлерине кошумча акы төлөнөрү айтылганы менен анын суммасы жана аны кимдер алары белгисиз болуп жатканы белгиленген. Коронавирус жуктуруп алган 27 кызматкердин жана алардын үй-бүлөсүнө канча каражат төлөнөрү да белгисиз болуп жатканы айтылат. “Реформа жана жыйынтык үчүн” жарандык... Читать дальше...

1-майда Баткен районунун Өзбекстандын Сох анклавы менен чектеш жеринде жайыт, суу талаштан улам адамдар чогулуп, чек арачылар эскертүү иретинде асманга ок аткан. Чек ара такталганы менен, эки өлкөнүн айылдары бири-биринен көз каранды болгон жерлерде маселелер чечилбей, талаш жаратып келет.

Бириккен Улуттар Уюмунун Балдар фонду (ЮНИСЕФ) Ирак, Сирия, Йемен, Ливия, Ливан жана Жибути өлкөлөрүн балдарды полиомиелит жана кызылчага каршы эмдөөнү кайра баштоого чакырды. Ушул илдеттер менен күрөшүү эки жылдан бери токтоп, коронавирус пандемиясына байланыштуу кайра уланбай жатканы белгиленет. “Бул алты өлкөдө 15 жашка толо элек 15 миллион бала кызылчага кабылышы ыктымал. Анткени аларда вакцина алуу мүмкүнчүлүгү жок. Вакцинанын жоктугунан жана эмдөө өнөктүгү токтотулганынан улам 10 миллион бала полиомиелитке чалдыгуу коркунучунда”... Читать дальше...

Тажикстанда COVID-19га чалдыккандардын саны 230га жетти. Орусияда пандемия маалында ишсиз калып, оор кырдаалга кириптер болгондор арасында Борбор Азиядан барган мигрант мекендештер да бар. Орусия Крымды аннексиялап алгандан кийин жарым аралдан кетүүгө мажбур болгон моряктардын тагдырын баяндайбыз. Жапондор балыктарды жалгызсыратпай видео аркылуу сүйлөшө баштады.

Орусияда 5-майга карата коронавирусту жугузуп алгандардын саны 145 миңге жетти. Алардын 1356 каза болуп, 18 095 айыгып чыкты. Вирусту жугузгандардын арасында чет элдик эмгек мигранттары да бар. Пандемия маалында ишсиз калып, оор кырдаалга кириптер болгон мигранттардын саны өстү.

Кыргыз-өзбек чек арасында, Баткен районунун Өзбекстандын Сох анклавы менен чектеш жеринде 1-май күнү жайыт жана суу талаштан эл жыйналып, кыргызстандык чек арачылар эскертүү иретинде асманга ок аткан. Бул маалыматты 5-майда “Азаттык” радиосуна Чек ара кызматынын Баткен чөлкөмдүк башкармалык башчысы Замир Мийзаев тастыктады. Кыргыз тарап бул окуяны чек арадагы мыйзамсыз аракеттин алдын алуу деп мүнөздөөдө. Мийзаев Өзбекстандын жарандары чек ара мыйзамдарын бузгандыктан Сох районунун жетекилиги... Читать дальше...

Өзбекстанда 1-майда Сардаба суу сактагычынын дамбасы жырылып, андан ташыган суу Казакстандын Түркстан облусунун он айылын каптады.

Түркия 11-майдан тартып карантиндик чектөөлөрдүн айрымдарын алууга даярданууда. Дүйшөмбүдө президент Режеп Тайып Эрдоган биринчи этапта чач тарач, сулуулук салондору жана соода жайлары ачыларын билдирди. «Эгер Саламаттык сактоо жана Соода министрликтеринин эрежесин сактаса, соода борборлорунун ишине 11-майдан тартып уруксат берилет. Эгер эреже сакталбаса, Кудай анын бетин ары кылсын, кайрадан жайылып кетсе катаал чараларга кайра кайтып келүүгө аргасыз болобуз», - деди Эрдоган. Ошондой эле 65тен жогору курактагылар келаткан жекшембиде... Читать дальше...

Кыргызстандын журналисттеринин көз каранды эмес бирлиги өлкөдөгү эркин Жалпыга маалымдоо каражаттарына (ЖМК) колдоо көрсөтүү боюнча антикризистик план иштеп чыкты. Бул тууралуу “Азаттык” радиосуна бирликтин төрагасы Азамат Касыбеков билдирди. Салык боюнча сунуштар, экономикалык жана уюштуруу чаралары камтылган план президентке, өкмөткө жана парламентке жөнөтүлдү.  Касыбековдун айтымында, анда киреше салыгын чегербей туруу, жыл аягына чейин салык салбоо жана мекемелердин материалдарын “мамлекеттик... Читать дальше...

“Талибан” кыймылы ооган өкмөтүнөн абактардагы өкүлдөрүн бошотууну тездетүүнү талап кылууда. Кыймылдын расмий өкүлү Сухаил Шахин 4-майда “Акыркы үч күндө Кабул администрациясынын абактарынан 300 кишибиз бошотулганын кубаттайбыз. Ошентсе да бул жетиштүү эмес” деп "Твиттерге" жазды. Ал процессти тездетүү "камактагыларды коронавирустан сактап калуу” үчүн да зарыл экенин белгилейт. Быйыл февралдын аягында АКШ бийлиги менен “Талибан” мунасага келишкен. Анда ооган өкмөтү абактарындагы 5 миң талибди, “Талибан” туткундагы миң кишини боштмой болгон. Читать дальше...

Бишкек шаарында карантиндик режимдин сакталышына көзөмөл күчөтүлөт. Бул тууралуу 5-майда Коронавируска каршы республикалык ыкчам штабдын отурумунда айтылды. Саламаттык сактоо министри Сабиржан Абдикаримов айрым соода жайларында, базарларда жана таксиде санитардык талаптар сакталбай жатканын айтты. Биринчи вице-премьер-министр Кубатбек Боронов айрым ишканалардын иштөөсүнө уруксат берилгени менен элдин себепсиз көчөдө жүрүүсүнө тыюу алына электигин эскертип, ээн-эркин басып жүргөндөр көбөйгөнү үчүн күч кызматкерлерин сынга алды. Читать дальше...

Шаар аймагында март-апрель айларында республикалык жана жергиликтүү казынага 63 млн. сомдук каражат түшпөй калды. Калаа башчысы Мураталы Тагаев “Азаттыкка” билдиргендей мындан улам бюджеттин аткарылышына да өзгөртүүлөр киргизилди. “Быйыл шаардын Шопоков көчөсүн реконструкциялоого каралган 58 млн. сом каражатты токтоттук. Бюджетке өзгөртүү киргизүү менен чыгымдарды кыскартып жатабыз. Буга чейин илдетке каршы күрөшүүгө шаар казынасынан 7 млн. сомго чукул акча иштетсек, алдыдагы кесепеттерди жоюуга кошумча 10 млн. Читать дальше...

COVID-19 илдети Тажикстандын кыргыздар байырлаган Жерге-Тал аймагына да жетти. Бул тууралуу дээрлик он жыл мурда Жерге-Талдан келип, Кыргызстанга отурукташып калган жазуучу Аким Кожоев “Азаттыкка” маегинде билдирди. Тажик бийлиги аймактан вирус чыкканын расмий ырастай элек.

Орус-казак чегиндеги Соль-Илецк аймагынан 519 кыргызстандык тогуз автобус менен Кыргызстанды көздөй жолго чыгышты. Жетимиштей айдоочу калды.