Новости за 18.05.2020

2019-жылы Бакиевдердин мурдагы финансылык кеңешчиси, учурда АКШда жашаган Евгений Гуревичтен 4,5 млн. сом өндүрүлгөнү - укук коргоо органдарынын 10 жылдык эмгегинин натыйжасы. Мындай пикирин башкы прокурор Өткүрбек Жамшитов 18-майда Жогорку Кеңештин Укук тартиби, кылмыштуулук жана коррупцияга каршы күрөш боюнча комитетинин жыйынында депутаттардын суроолоруна жооп берип жатып билдирди. Баш прокурордун айтымында, бул сыртка мыйзамсыз чыгып кеткен каражаттарды кайтаруу боюнча Борбор Азиядагы эң ири иш болгон. Читать дальше...

Ички иштер министрин орун басары Алмаз Орозалиев парламенттин Социалдык маселелер, билим берүү боюнча комитетинин жыйынында «Семетей» обсервациясындагы чыр жөнүндө маалымат берди.  “Жарандарга туура эмес маалымат тараган. Алар мурда күнү ооруканага алып кеткендерди чыгарылып жатат деп ойлошкон. Алар түшүндү. Азыр документ чогултуп, чара көрүлөт”, - деди Орозалиев. Депутат Тазабек Икрамов обсервация эрежесин бузгандарга катаал чара көрүүнү керек экенин белгиледи. Республикалык штабдын маалыматына ылайык... Читать дальше...

400 орундуу учак Бишкекке толбой учуп кеткени элчилик менен коомдук комиссиянын ишине айыпты күчөттү.

Укук коргоочу Гүлгаакы Мамасалиева парламентте өкмөттүк эмес уюмдар (ӨЭУ) боюнча мыйзам долбоору өлкөдө өзгөчө режим учурунда коомдук талкууга коюлганын сындады. Бул тууралуу укук коргоочу «Фейсбуктагы» баракчасына жазды. Мамасалиева «Демилгечилер карантин күндөрү коомдук талкуу өткөргөнү саботаж эмеспи?» деп суроо салды. Укук коргоочу бул антикризистик долбоор эмес экенин белгилеп, мыйзамды ушундай кырдаалда талкуулоону туура эмес деп эсептейт.  Парламенттин сайтында 22-майда саат 10:00дө Социалдык маселелер... Читать дальше...

Бул ирет «Эл үнүнө» жабык жайларда жазасын өтөп жаткан жарандардын жакындары, «айлыкты аз алып жатабыз деген мугалимдер» жана көп балалуу эне кайрылды.

Республикалык штабдын маалыматына ылайык, Соль-Илецктен келип, «Семетей» обсервациясында жаткан жарандардын 18-майда кайталап алынган анализдери таза чыккандан кийин үй карантинине кое берилди.  7-майда Орусиянын Соль-Илецк аймагынан келген 541 жарандан экинчи ирет ПЧР анализ алынып, 421 кишиден коронавирус табылган жок. Алар эксперттик комиссиянын чечими күтпөстөн чыр салышкан. 18-майда саламаттык сактоо министринин орун басары Нурболот Усенбаев алар менен жолугушуп үй карантининин талаптары тууралуу айтып берди. Читать дальше...

18-майда Жогорку Кеңештин Агрардык саясат, суу ресурстары, экология жана аймактык өнүктүрүү боюнча комитет «Инвестицияларды колдоо маселелери боюнча Кыргыз Республикасынын айрым мыйзам актыларына өзгөртүүлөрдү киргизүү тууралуу» мыйзам долбоорун биринчи окууда жактырды. Бул мыйзам долбооруна ылайык, асылдуулугу төмөн айыл чарба жерлерин жана башка жерлерди курулуш сыяктуу бөлөк багытка трансформациялоо укугу райондук админстрацияларга берилет. Мыйзамдын демилгечилеринин бири, парламент депутаты... Читать дальше...

Казакстанда соңку бир суткада коронавирус жуктуруп алгандар 4,6% көбөйүп, 6440 адамга жетти. Бул тууралуу 18-май күнү эртең менен Казакстандын Саламаттык сактоо министрлиги кабарлады. Маалыматка ылайык, вирустун жаңы учурларынын басымдуу бөлүгү Атырау облусуна (86 киши), Шымкент (60 киши) жана Алматы (46 киши) шаарларына туура келет. Актөбө, Акмоло, Түркстан жана Жамбыл облустарында өткөн апта ичинде коронавируска чалдыккандардын саны 7% ашты. Саламаттык сактоо министрлиги вируска кабылгандардын... Читать дальше...

Тажикстанда Орозо айынын соңунда Айт намазы жылдагыдай жамаат менен окулбайт. Бул тууралуу Тажикстандын Ислам кеңешинин уламалар кеңеши 18-майда билдирди. Аталган кеңеш айрым динчилдердин Интернет аркылуу Айт намазын өткөрүү жөнүндө сунушун «ханафи мазхабына туура келбейт» деген жүйө менен четке какты. Тажикстандын Дин иштери боюнча комитети мындай чечимге коронавирус эпидемиясы себеп болгонун, Айт майрамы кайсы күнгө туура келери 20-майда так аныкталарын билдирди.  18-апрелде тажик бийлиги коронавирус... Читать дальше...

Он күн мурда Орусиядан кайтып келип, «Манас» аэропортунун жанындагы обсервацияга жайгаштырылган мигранттар чыр чыгарды. Алар обсервациянын талаптарына баш ийбей, үйгө чыгарууну талап кылышкан.

Европа парламентинин алты депутаты кыргыз бийлигин өмүр бою түрмөгө кесилген укук коргоочу жана журналист Азимжан Аскаровду дароо абактан бошотууга чакырышты. Алар мындай мазмундагы катын Кыргызстандын юстиция министри Марат Жаманкуловго жиберишти. Ага «Европаны жаңыла» («Renew Europe») фракциясынын алты депутаты, алардын ичинде Европарламенттин Борбор Азиядагы делегациясынын жетекчисинин орун басары Атиже Алиева 15-майда кол койгон. Катта 69 жаштагы Аскаровдун ден соолугу начарлап баратканы, ага коронавирус жугуу коркунучу бар экени... Читать дальше...

16-17-май күндөрү медициналык адисттердин эки бригадасы кошчумча күч катары Нарын облусуна жөнөтүлгөн. Бул облуска жөнөтүлгөн бешинчи дарыгерлер тобу болуп калды. Бул тууралуу Саламаттык сактоо министрлиги кабарлады. Эки бригададагы ыктыярчы дарыгерлердин тобунда анестезиолог-реаниматолог, акушер-гинеколог, эпидемиолог жана инфекционисттер бар. Ошондой эле 18-майда Жалал-Абаддын Чаткал районуна акушер-гинеколог, инфекционист жана реаниматологдор кирген топ жөнөп кетти. Саламаттык сактоо министрлиги... Читать дальше...

Украинада суррогат энеден төрөлгөн 50дөй ымыркайды чет өлкөлөрдөгү ата-энелери карантиндин айынан алып кете албай атышат.

COVID-19 пандемиясы менен күрөшүүгө жардам иретинде Кытайдын Коргоо министрлиги Кыргызстандын Куралдуу күчтөрдүн Генералдык штабына 22 млн. сомдук медициналык жардам берди. Бул тууралуу Генералдык штаб билдирди.  Гуманитардык жардамда коронавирустан коргоочу каражаттардын 13 түрү бар. Жүк Кытайдан атайын учак менен жеткирилди. Гуманитардык жардамды тапшыруу учурунда Кыргызстандын Куралдуу күчтөрүнүн Генералдык штабынын башчысы Райымберди Дүйшөнбиев Кытайдын Кыргызстандагы элчиси Ду Дэвэнге ыраазычылык билдирип... Читать дальше...

«Манас» аэропортунун жанындагы обсервацияда жаткандар ал жайдан чыгарууну талап кылып, чуу салышты. Гонконг парламентинде калайман мушташ болду. Ооганстанда президент Ашраф Гани менен анын башкы саясий атаандашы, аткаруу бийлигинин мурдагы башчысы Абдулла Абдулла өз ара бийлик бөлүшүүнү макулдашты.

Март айында коронавирус пандемиясынын Европадагы чордонуна айланган Италияда 18-майдан тартып дүкөндөр, ресторан жана барлар ачылды. Өкмөттүн чечимине ылайык, эми жарандарга өзү жашаган аймакта кайда баратканын түшүндүрүп берүүнүн кажети болбойт. Ошондой эле адамдарга достору жана үй-бүлөнүн башка мүчөлөрү менен жолугууга да уруксат берилди. Бирок аймактар арасындагы жана эл аралык каттамдарга киргизилген чектөө июнь айынан башында гана алынмакчы. «Биз тобокелге салып жатабыз. Аны кабыл алышыбыз керек. Читать дальше...

Кыргызстанда коронавирус боюнча эпидемиологиялык абал туруктуу кооптуу, Нарын облусунда кырдаал оорураак. Бул тууралуу 18-майда президент Сооронбай Жээнбеков менен жолугушууда вице-премьер-министр, Коронавируска каршы республикалык ыкчам штабдын жетекчисинин орун басары Кубатбек Боронов билдирди. Боронов вирус жуккан жаңы учурлар көбүнчө чет өлкөлөрдөн кайткандар жана чет жактан жүк ташыган айдоочулар арасынан чыгып жатканын айтты. Үй карантинине жайгаштырылгандар арасында эреже сактабагандар көп экенин кошумчалады. Читать дальше...

«Манас» аэропортунун жанындагы «Семетей» обсерваторунда жаткандардын 19у гана калып, калгандарынын баары үй карантинине чыгарылмай болду. Бул тууралуу Саламаттык сактоо министрлиги кабарлады. Буга чейин Ички иштер министрлиги ал жерде Орусиянын Соль-Илецк шаарынан келген 432 мигрант бар экенин кабарлаган. Коронавируска каршы республикалык ыкчам штаб бул обсерватордогулардын көбүн чыгаруу тууралуу чечимди «түзүлгөн абалга байланыштуу» деп түшүндүрдү. 17-майда бул жайдан чыгарууну талап кылып... Читать дальше...

Былтыр прокуратуранын үч эркек кызматкери бала багыш үчүн декреттик өргүү алды. Бул тууралуу башкы прокурор Өткүрбек Жамшитов 18-майда парламенттин тармактык комитетинде отчёт берген учурда депутат Урматбек Самаевдин суроосуна жооп берип жатып билдирди. Депутат прокуратура органдарында иштеген эркектердин арасында декреттик өргүү укугун колдонгондор эмнеге көп экенине кызыкты.   Башкы прокурор «мыйзам боюнча прокуратура бала багыш үчүн өргүүгө чыккандарга тоскоол боло албайт» деген жооп кайтарды. Читать дальше...

Дүйнөлүк саламаттык сактоо ассамблеясы коронавирус пандемиясы башталгандан бери биринчи жолу 18-майда эки күндүк виртуалдык жыйынга чогулду. 194 мамлекеттин чабармандары катышкан бул жыйында Дүйнөлүк саламаттык сактоо уюмунун (ДССУ) пандемияга байланыштуу чечимдерин иликтөө тууралуу чакырыктарга көңүл бурулганы жатат. Мындай чакырыктарды Европа Биримдиги да колдогон. Андан тышкары Австралиянын өтүнүчү менен коронавирус кайдан чыкканын изилдөө демилгеси да көтөрүлүшү мүмкүн. АКШ президенти Дональд... Читать дальше...

Кабулда төрөтканада жетим калган ымыркайларды дарыгерлер багып жатат. 12-майда ооган баш калаасындагы төрөтканага белгисиз бирөөлөр кол салган. Энесинен айрылган ымыркайларды ыктыярчы аялдар эмизип жатышат.

Кыргызстан Орусиядан дагы бир чартердик авиакаттам уюштурат. Бул тууралуу 18-майда Тышкы иштер министрлиги (ТИМ) кабарлады. Мекеменин маалыматына караганда, 20-майда Оренбургдан Бишкекке учак келери пландалып жатат. Каттамды уюштурууда биринчи кезекте артыкчылык кош бойлуу келиндерге, улгайгандарга, жаш балалууларга жана Орусияга дарыланыш үчүн баргандарга берилет. 12-майда ТИМ дүйнөнүн 58 өлкөсүндө 8712 кыргызстандык жаран кыргыз өкмөтүнөн мекенине кайтууга жардам күтүп жатканын билдирген. ... Читать дальше...

Ооганстанда президент Ашраф Гани менен анын башкы саясий атаандашы, аткаруу бийлигинин мурдагы башчысы Абдулла Абдулла өз ара бийлик бөлүшүүнү макулдашты.

Жогорку Кеңештин Укук тартиби, кылмыштуулук жана коррупцияга каршы күрөш боюнча комитет бүгүн, 18-майда башкы прокурор Өткүрбек Жамшитовдун былтыр аткарылган иштер тууралуу отчётун жактырды. Эми башкы прокурор жалпы жыйында отчёт берүүгө тийиш.   Жамшитов 2019-жылда аткарылган жумуштар, ачылган кылмыш иштери тууралуу маалымат берди. Анын айтымында, өткөн жылы 163 549 арыз катталган, анын 87 374ү кылмыш, 76 175и жорук болуп саналат. 2018-жылы 29 718 кылмыш иши катталган. (NT)

Бишкек Жылуулук электр борборун (ЖЭБ) модернизациялоодон мамлекетке келтирилген материалдык чыгымдын жалпы суммасы 111 миллион 252 миң долларды түздү. Бул тууралуу башкы прокурор Өткүрбек Жамшитов 18-майда парламенттин Укук тартиби, кылмыштуулук жана коррупцияга каршы күрөшүү боюнча комитетинде былтыр аткарылган иштер тууралуу отчёт берип жатып билдирди. Жыйында «Бир Бол» фракциясынын депутаты Бакирдин Субанбеков башкы прокурорду келтирилген зыяндын кайтарылышына көңүл бурууга чакырды. Жамшитов... Читать дальше...