Казакстандын Орол шаарындагы соодагерлер базарды ачууну талап кылып, эбегейсиз зыянга учураганын айтып чыгышты. Ал арада Тажикстандагы "Хулбуктун" соодагерлери базар ачык болсо да "соода солгун" экенине капа.
Миграция боюнча эксперттер карантин чектөөлөрү алынып, чек аралар ачылары менен Орусияда иштеп жүргөн мигранттардын көбү жерине кайтып, алардын кайрылып келиши кыйла кечирээк болорун болжошууда.
Миграция боюнча эксперттер карантин чектөөлөрү алынып, чек аралар ачылары менен Орусияда иштеп жүргөн мигранттардын көбү жерине кайтып, алардын кайрылып келиши кыйла кечирээк болорун болжошууда.
Депутат Исхак Масалиев депутаттык мандатынан баш тартты. Ал парламенттин жана өкмөттүн кадамдарына нааразы экендигин билдирүүдө. Парламентарийдин кадамы чын эле эрдикпи же шайлоо алдындагы саясий популизмби? Бул көрүнүштүн өзү бийлик бутактарындагы терең саясий кризистин көрсөткүчүбү? Ушул суроолорго Жогорку Кеңештин депутаты Исхак Масалиевдин өзүнөн жооп алдык.
Тажикстандын Тоолуу-Бадахшан автономдуу облусунун бийлиги коронавирус пандемиясынан улам бул аймакка келген-кеткендерге убактылуу чектөө киргизди. Облустук администрациянын басма сөз катчысы Голиб Ниятбеков Хорогго мындан ары саламаттык сактоо жана облустук акимчиликтин кызматкерлери гана кире аларын айтты. Буга удаа эле облустун башчысы Ёдгор Файзов коронавирус жугузуп алып, Хорогдогу ооруканалардын бирине жаткырылганы белгилүү болду. Тоолуу-Бадахшанда канча адам COVID-19га кабылганы так белгисиз... Читать дальше...
Тажикстанда ишмердигине тыюу салынган Ислам кайра жаралуу партиясынын саясий кеңешинин мурдагы мүчөсү Абдусаттор Бобоев абакта каза болду. Анын жакындары Хужант шаарындагы түрмөдө отурган Бобоевди бийлик 26-майда «жүрөк оорусунан каза болду» деп билдиргенин маалымдашты. Маркумдун сөөгү тууган-уругуна берилди жана денесинде зордук-зомбулуктун изи болгон эмес. Абдусаттор Бобоев 2015-жылы камакка алынган жана ага «экстремизмге чакыруу», «экстремисттик топ түзүү» өңдүү айыптар коюлган. Бир жылдан кийин сот аны 11 жылга эркинен ажыраткан... Читать дальше...
Казакстандын Ички иштер министрлиги (ИИМ) Алматыда блокпосттордун биринде эки адамдын өлүмү менен аяктаган окуядан кийин шаардык полициядагы үч жетекчини кызматтан алды, дагы бир катар кызматкерлер сөгүш, эскертүү өңдүү жаза берилди. Алматынын Көксай районунда 25-майда таң эрте BMW үлгүсүндөгү автоунаанын айдоочусу мас абалында блокпосттун тосмосун, анын жанындагы полициянын машинесин сүзүп кеткен. Машинеде отурган эки полиция кызматкеринин бири ошол жерде жан берген, экинчиси ооруканада үзүлгөн. Читать дальше...
Сууга чөгүп кеткен киши достору менен Ысык-Көл облусунун Каракол шаарына эс алуу үчүн барган. 27-майда саат 17:00 чамасында көлгө түшүп жаткан жеринен жок болуп кеткен. Окуя болгон жерге Өзгөчө кырдаалдар министрлигинин куткаруучулары барып, анын сөөгүн суудан чыгарып укук коргоо органдарына өткөрүп беришти. Жыл башынан бери ушуну менен эки киши көлгө чөгүп каза болду. (KS)
«Коммерсантъ» гезити ишенимдүү булактарына таянып, Чувашия Республикасынын мурдагы башчысы Михаил Игнатьев өпкөсү сезгенип, Санкт-Петербургда ооруканада жатканын жазды. Маалыматка караганда, Игнатьев госпиталга ушул айдын башында келген жана азыр реанимация бөлүмүндө кан жүгүрткөн аппаратка туташтырылган. Мунун алдында Игнатьев аны кызматтан алганына байланыштуу президент Владимир Путинди сотко бергени белгилүү болгон. Орусиянын Жогорку соту Путиндин буйругун жокко чыгаруу боюнча арыз кабыл алынганын... Читать дальше...
АКШнын президенти Дональд Трамп «Твиттер» анын айрым билдирүүлөрү так эмес экенин эскерткен белги коё баштагандан кийин социалдык тармактарды сындап чыкты. Ал «Твиттердеги» баракчасына «Республикачылар социалдык тармактардагы платформалар консерваторлордун үнүн басууга аракет кылып жатат деп эсептешет. Биз аларды катуу көзөмөлдөйбүз же болбосо максатына жеткирбестен аларды жаап коебуз» деп жазды. Шейшембиде Трамп почта аркылуу добуш берүүнү сындап, бул шайлоонун жыйынтыгын бурмалоого алып келет деген мазмундагы эки твит жазган. Читать дальше...
Чүйдө жол коопсуздугун көзөмөлдөөчү инспектордун өлүмү иликтене баштады. Бул тууралуу 27-майда Ички иштер министрлигинин басма сөз кызматы кабарлады. Мекеменин маалыматында «бүгүн, азырынча белгисиз себептерден улам Чүй ОИИББнын жол кыймыл коопсуздугун камсыздоо башкармалыгынын инспектору каза болгонун белгилейбиз. Факт Жайыл райондук ички иштер бөлүмүндө Кылмыштар менен жоруктардын бирдиктүү реестрине катталды» деп айтылат. Айрым маалымат булактары кабарлагандай, 45 жаштагы инспектордун сөөгү Бишкек-Ош автожолунун 155-чакырымында табылган.
Орусия кыргыз-тажик чек арасы боюнча эки тараптуу сүйлөшүүгө ортомчу болууга даяр. Бул тууралуу Орусиянын тышкы иштер министри Сергей Лавров 26-майда Жамааттык Коопсуздук Келишим Уюмунун (ЖККУ) тышкы иштер министрлеринин онлайн жыйынынан кийинки пресс-конференцияда журналисттердин суроолоруна жооп берип жатып айтты. Лавров маалымдагандай, Москва бул сунушун жыйын учурунда да билдирди. «Тажикстан менен Кыргызстан ортосунда чек арадагы курч кырдаал биринчи жолу болгон жок. Биз союздаштарыбызды диалог жүргүзүүгө... Читать дальше...
Бишкек шаарында 1-июндан баштап 1-июлга чейин ысык суу токтотулат. Тиешелүү буйрукка калаа башчысы Азиз Суракматов кол койгонун мэриянын басма сөз кызматы кабарлады. Маалымат боюнча, мындай чечим ысык суу түтүктөрүн оңдоо жана жылытуу сезонуна даярдык көрүү үчүн кабыл алынды. Ошол эле кезде Бишкектеги фонтандар 1-июндан тартып иштей баштайт. (BTo)
Коронавирус жуккан 297 адам катталган Нарын облусунда эпидемиологиялык кырдаал курч болуп турат. Тажикстанда баш кошуу үлпөттөрүнө тыюу салынды. АКШ президенти Ооганстандагы аскерлерин толук чыгарып кетүү ниетин дагы бир ирет билдирди. Бирок азырынча так бир күндү айткан жок.
Кыргызстанда радиожыштык сатуудагы коррупция жаңжалы уланууда. 27-майда премьер-министр Мухаммедкалый Абылгазиев кыска мөөнөттүү эмгек өргүүсүнө чыгып, мунун себебин радиожыштык боюнча тергөөнүн калыс өтүшү үчүн деп түшүндүрдү.
Беларуста пандемия маалында президенттик шайлоо өнөктүгү башталды.
Улуттук банктын бир кызматкери коронавируска чалдыгып, ооруканада дарыланып жатат. Бул тууралуу мекеменин төрагасы Толкунбек Абдыгулов 27-майдагы брифингде билдирди. Төраганын айтымында, кызматкерге илдет жукканы 22-майда аныкталган. Кызматкер иштеген имарат толугу менен дезинфекцияланып, аны менен байланышта болгон адамдар текшерүүдөн өтүп жатат. 27-майга карата Кыргызстандын аймагында коронавирус жугузган 52 адам жаңы катталды. Жалпы өлкөдө вирус жуккан 1520 адам катталган. 1043 бейтап оорудан айыкты. Читать дальше...
Асел Султанованын үйүндө өз колу менен өстүргөн гүлдүн 50дөн ашык түрү бар. Гүлгө кызыккан айым Кытайдан, Ташкенттен, Европа өлкөлөрүнөн өзүнө жагып калган гүлдөрдүн уругун алдырат. Ага миң түркүн гүл эргүү гана бербестен, кирешенин да булагы. Аселдин колунан өскөн бир гүл 400 сомдон тартып 5000 сомго чейин жетет.
Бишкек шаарынын тургуну Саламат Бактыбек кызы кагаздан түркүн түс гүл жасап, айланасын көрккө бөлөйт. Карантин учурунда ал гүлдөрүн ыктыярчыларга берип, жашоо-турмуштан кыйналып тургандарга өзгөчө маанай тартуулады. Саламаттын кажыбас кайратын, балалык кыялын орундатууга болгон далалатын колдогон мекендештери анын бутуна протез алганга каражат топтой башташты.
Өкмөттүн Нарын облусундагы өкүлү Эмилбек Алымкуловго жана анын биринчи орун басары Касен Азизовго сөгүш жарыяланды.
Кыргызстанда бүгүндөн тартып «Бактылуу балалык» жумалыгы башталды. Маданият, маалымат жана туризм министрлиги уюштурган бул акция 1-июнь - Балдарды коргоонун эл аралык күнүнө арналууда. Жумалыктын алгачкы күнү Бишкекте Касымалы Баялинов атындагы китепканада «Бала - бакыт» деген поэзия кечеси менен башталганын министрдин орун басары Кайрат Иманалиев билдирди: «Буга биздин Кыргызстандагы бардык маданият мекемелери, театрлар, оюн-зоок жайларынын артисттери катышат. Иш-чараны Балдар жана өспүрүмдөр китепканасынан баштап отурабыз». Читать дальше...
Тажикстандын Чек ара кызматынын «27-майда Кыргызстандын жараны Тажикстандын жаранына карата ок атты» деген билдирүүсү боюнча иш жүрүп жатат. Бул тууралуу «Азаттыкка» Кыргызстандын Мамлекеттик чек ара кызматынын төрагасынын орун басары Абдикарим Алимбаев кабарлады. Анын маалыматына караганда билдирүүдөн кийин аймактагы кыргыз-тажик чек арачылары жолугушуп, кырдаалды талкуулашты. Мурдараак Тажикстандын Чек ара кызматы маалымат таратып, 27-май күнү саат 11лер чамасында Баткендин Ак-Сай айылынын тургуну... Читать дальше...
Чүй облусунун Сокулук районуна караштуу Ак-Ордо-3 жаңы конушундагы эки көчөгө жакында эле көзү өткөн акындар – Элмирбек Иманалиев менен Зайырбек Ажыматовдун ысымдары ыйгарылды. Бул тууралуу «Азаттыкка» акын Зайырбек Ажыматовдун уулу Назым Самаган билдирди. Мындай чечим Новопавловка айылдык кеңешинин отурумунда кабыл алынганын жергиликтүү кеңештин депутаттары акындын үй-бүлөсүнө кабарлашкан. Көчөгө акындардын ысымдарын ыйгарууга байланыштуу салтанаттуу жөрөлгө жакынкы күндөрү болору күтүлүүдө. Төкмө акын... Читать дальше...
Жарандык активист Афтандил Жоробековго карата козголгон кылмыш иши токтотулду. Бул маалыматты 27-майда «Азаттыкка» Жоробеков өзү тастыктап, иш Жазык-процессуалдык кодекстин «Иш боюнча өндүрүштү жокко чыгаруучу жагдайлар» деген беренесинин негизинде токтотулганы тууралуу расмий кат келгенин айтып берди. Активист абактан бошонушуна коомчулуктун колдоосу жардам болгонун белгиледи: «Эгерде коомдо жанагыдай нааразылык болбогондо, толук ишенем, башка нукка бурулуп кетмек. «Фейсбуктагы» ар бир лайк... Читать дальше...
Тажикстанда Дин жана каада-салтты тартипке салуу комитети коронавирус пандемиясынан улам үйлөнүү үлпөттөрүн өткөрүүгө убактылуу тыюу салды. Мекеменин басма сөз катчысы Афшин Муким «Азаттыктын» тажик кызматына орозо бүткөндөн бери жер-жерлердеги бөлүмдөрүнө үйлөнүү үлпөтүн өткөрүүгө уруксат сурап кайрылган жарандар көп болуп жатканын, бирок эпидемиологиялык абал жөнгө салынмайынча макулдук берилбей турганын айтты. Мындай тыюу канчага чейин созулары азырынча белгисиз. Расмий маалымат боюнча, Тажикстанда... Читать дальше...
