Новости за 19.06.2020

Кримтөбөл Азиз Батукаевдин түрмөдөн мыйзамсыз бошотулганына байланыштуу соттук иш аяктап калды.

19-июнда болуп өткөн Коопсуздук кеңешинин чечими менен Саламаттык сактоо министрлигине адистешкен, квалификациялуу медициналык кызматкерлердин резервин түзүү, ыкчам мобилдик бригадаларды жана “Тез жардам” автоунааларынын санын көбөйтүү, жергиликтүү бийлик менен бирге эл көп чогулган жерлерди тиешелүү жабдыктар менен текшерүүнү күчөтүү тапшырылды. Өзгөчө кырдаалдар министрлиги эпидемиологиялык кырдаал начар өлкөлөрдөн келип жаткан кыргызстандыктар үчүн кошумча обсервациялык орундарды уюштурууга... Читать дальше...

Көптөгөн жаштар карантинде жумушсуз калып, кесибин өзгөртүүгө мажбур болушту. "Азаттык плюстун" бул берүүсүндө курулуш тармагында иштей баштаган мугалимдер, бухгалтердик кесибин таштап, стартап баштаган ишкер, турфирмасы жабылып, тейлөө кызматына өткөн туроператорлор жана гүл өстүрө баштаган ырчы тууралуу айтып беребиз. Сиз дагы кесибиңизди өзгөртүүнү ойлонуп жатасызбы?

Ырчы, обончу Айбек Карымов коммерциялык фирманын жооптуу кызматкери катары мамлекеттик сатып алууларга байланыштуу мыйзамсыз аракеттерге шектелип кармалды. Бул тууралуу маалыматты Экономикалык кылмыштарга каршы күрөшүү кызматындагы (Финполиция) «Азаттыктын» жеке булактары ырастады. Маданий ишмердин жакындары жана адвокаттары менен байланышуу мүмкүн боло элек. Мунун алдында, 18-июнда Финансы полициясынын басма сөз кызматы Бишкек шаардык мэриясына караштуу Капиталдык курулуш башкармармалыгынын... Читать дальше...

Кримтөбөл Азиз Батукаевдин түрмөдөн мыйзамсыз бошотулушуна байланыштуу кылмыш ишинде өкүмгө кезек келди. 19-июнда Бишкектин Биринчи май райондук сотунда мурдагы президент Алмазбек Атамбаевдин жактоочулары жарыш сөзүн сүйлөп бүтүп калышты. Эми кийинки отурумдарда айыпталуучуларга акыркы сөз берилип, сот өкүмү чыгат.

Коопсуздук кеңеши бүгүн, 19-июнда өлкөнүн учурдагы эпидемиологиялык кырдаал маселесин карап чыгып, бир катар чечимдерди кабыл алды. Анда Саламаттык сактоо министрлигинин жана коронавирус илдетинин жайылуусуна жол бербөөгө жооптуу органдардын, жергиликтүү бийликтердин иши жетишсиз деп табылды. Мунун ичинде Бишкек жана Ош шаарларынын мэрлеринин, облустардагы өкмөт өкүлдөрүнүн да иши белгиленген. Жыйындын чечимине ылайык инфекциянын жайылуусуна байланыштуу эпидемиологиялык кырдаалдын начарлашына жол... Читать дальше...

Бириккен Улуттар Уюмунун Атомдук энергетика боюнча агенттигинин башкаруучулар кеңеши (МАГАТЭ) Иранды мурда өзөктүк ишмердик менен алектенген эки жайын текшерип чыгууга уруксат берүүгө чакырды. Агенттик акыркы сегиз жыл ичиндеги мындай мазмундагы биринчи резолюциясын 19-июнда жарыялады. Резолюцияда Тегеран агенттиктин өтүнүчүн кечеңдетпей аткарышы керек экени, адистер аталган эки жайда 2000-жылдардын башында Иран ачык жарыялабаган өзөктүк ишмердик орун алганын же албаганын текшериши зарыл экени белгиленген. Читать дальше...

19-июнда Ысык-Көл облустук сотунда укук коргоочу Камилжан Рузиевдин бөгөт чарасы каралды. Анда сот Каракол шаардык сотунун Рузиевди үй камагына алуу чечимин эч кайда чыкпоо тил катына алмаштырды. Камилжан Рузиев сот чечимине нааразы экенин билдирди.  Буга чейин Каракол шаардык соту УКМКнын жергиликтүү өкүлчүлүгүнүн адистери кармаган Камилжан Рузиевди эки айга үй камагына алуу чечимин чыгарган. Мындай чечимге макул эместигин билдирген Камилжан Рузиев облустук сотко кайрылган эле. "Кыргызстандагы... Читать дальше...

Европа Биримдиги Орусияга Украинанын чыгышындагы куралдуу кармаштагы ролу үчүн киргизилген санкцияларды дагы алты айга узартты. Мындай чечим шаркетке мүчө мамлекеттердин лидерлеринин 19-июндагы видео конференциясында колдоо тапты. Анда француз президенти Эммануэл Макрон менен немис канцлери Ангела Меркел Украинада өкмөттүк күчтөр менен Орусия колдогон жикчилдердин куралдуу кармашын токтотууну көздөгөн Минск келишими аткарылбай жатканын белгилешти.  Бул экономикалык чаралар 2014-жылдын июль айында... Читать дальше...

Бишкекте кызганычтан улам чогуу жашаган киши тарабынан барымтага алынып, бычак жеген аял ооруканадан үзүлдү. Бул окуя үй-бүлө зомбулугу кызуу талкууга алынып, ага карата чараны күчөтүү маселеси көтөрүлүп жаткан учурга туш келди.

Түркиянын Ван аймагындагы Улуу Памир айылынын тургундарына турак жай жана айдоо үчүн 270 гектар жер бөлүндү. Бул тууралуу Кыргызстандын Түркиядагы элчилиги маалымдады. Былтыр Ван кыргыздарынын жер тилкеси боюнча аймактын губернатору Мехмет Эмин Билмез менен Кыргызстандын Түркиядагы элчиси Кубанычбек Өмүралиев сүйлөшкөн.  Анда Улуу Памир айылында калктын санынын өсүшүнө байланыштуу  турак жай жана айдоо үчүн жер тилкесин бөлүп берүү маселеси талкууланган. Улуу Памир айылында эки миңге жакын кыргыз жашайт. Читать дальше...

Кыргызстандагы «Үмүт-2020» кыймылы Стамбулда өлтүрүлгөн кытайлык  ишкер Айеркен Саймаитинин ишмердигине байланыштуу депутаттык комиссиянын бүтүмүн кескин айыптап чыкты. Кыймыл "Жогорку Кеңеш Матраимовдордун кланын расмий коргоого өттү» деп сындап, тескерисинчке «кылмыштуу синдикатты ашкерелеп, элге көрсөткөн журналисттерди айыпташты» деп билдирди. Ошондой эле иликтөөнүн баш каарманы экенине карабай кыргыз бажысынын жетекчисинин мурдагы орун басары Райымбек Матраимовдун фамилиясын депутаттык комиссия бир ирет да атай албаганы белгиленет. Читать дальше...

Бишкек шаардык соту 19-июнда мурдагы президент Алмазбек Атамбаевдин кеңешчиси Икрамжан Илмияновдун ишин карап, анын жаза мөөнөтүн 1 жыл 6 айга кыскартты. Бул тууралуу «Азаттыкка» Илмияновдун адвокаты Кубанычбек Ташбалтаев маалымдады. Анын айтымында, сот мындай чечимин быйыл 8-майда кабыл алынган мунапыс тууралуу мыйзамга ылайык кабыл алган. Адвокат Кубанычбек Ташбалтаев Илмиянов буга макул эмес экендигин белгилеп, чечим колго тийсе Жогорку сотко даттаныша турганын кошумчалады. Бишкек шаардык... Читать дальше...

Беларус президенти Александр Лукашенко оппозиянын бир нече өкүлдөрү камалгандан көп өтпөй өлкөдө “абалды туруксуздаштыруу жана революция уюштуруу аракетинин” алдын алганын билдирди. Ал 19-июнда өкмөттүн жыйынында “чыгыш менен батыштагы” ар кыл күчтөр Беларустагы абалды чыңалтууга аракет жасаганын билдирди. “Жөн гана өлкөнү сындырып коюну көздөшөт. Мындай шартта мени тандоого түртпөгүлө. Беларус талкаланса, мени да, баарыбызды да эч ким кечирбейт”, - деди авторитардык лидер атыккан Лукашенко.  ... Читать дальше...

Кыргызстанда коронавирусту жуктуруп алгандардын рекорддук саны катталды. 19-июнда өлкө аймагында дагы 132 адамга коронавирус жукканы белгилүү болду.

Кримтөбөл Азиз Батукаевдин камактан мыйзамсыз бошотулушуна байланыштуу 19-июнда уланган соттук териштирүүдө айыпталуучулардын жактоочулары жарыш сөзгө чыкты. Мурдагы президент Алмазбек Атамбаевдин адвокаты Замир Жоошев жарыш сөзүн сүйлөдү. Атамбаевдин дагы бир жактоочусу Сергей Слесаревдин сөзү жумуш күнү бүтүп калганына байланыштуу аягына чыкпай калды. Судья Марат Сыдыков айыпталуучулардын жарыш сөзүн 23-июндагы сот жараянында улантуу тууралуу чечим кылды. 17-июндагы сот отурумунда прокурорлор... Читать дальше...

Ички иштер министринин мурдагы орун басары Курсан Асановдун иши боюнча 19-июнга белгиленген соттук териштирүү 24-июнга жылды. Буга ишти карап жаткан судья Адыл Эсебаевдин семинарга кеткени себеп болгонун Асановдун адвокаты Таалайгүл Токтакунова “Азаттыкка” билдирди.  “Бүгүнкү жараянда жабырлануучу Жеңиш Разаков көрсөтмө бермек. Андан тышкары бул иште Ички иштер министрлиги да жабырлануучу катары өтүп жатат. Алардын көрсөтмө берүүсү келерки отурумда уланат”. Таалайгүл Токтакунова белгилегендей... Читать дальше...

Кыргызстандын айылдарында карантиндик чектөөлөр жашоочуларга анчейин кедергисин тийгизбеген сыяктуу. Элет азыр талаа иштери менен алек. Ноокен районунун Кызыл-Туу айылынын жашоочулары аймактар аралык жолдор жабылбай, сыртка мөмө-жемиш сатуу токтобосо кыш камы ойдогудай болот деп ишенишет.

20-июнда түнкүсүн кээ бир тоолуу райондордо өткүн өтүп, күн күркүрөшү, бийик тоолуу райондордо кар жаашы күтүлөт, дыйканчылык аймактарда жаан-чачын болбойт. Күндүз Ысык-Көл облусунун көпчүлүк аймактарында, Чүй, Нарын облустарынын кээ бир райондорунда, Ош, Жалал-Абад облустарынын тоолуу райондорунда өткүн өтүп, күн күркүрөшү ыктымал. Бийик тоолуу райондорунда кар жаашы мүмкүн. Талас, Баткен облустарында жана Ош, Жалал-Абад облустарынын дыйканчылык аймактарында жаан-чачын болбойт. Батыштан соккон шамалдын ылдамдыгы секундасына 4-9 метрден... Читать дальше...

Тажикстан 25-июндан тартып Орусиядагы жарандарын алып келе баштайт. Өлкөнүн Тышкы иштер министрлиги 19-июнда билдиргендей, Москва, Санкт-Петербург, Казань, Новосибирск жана Екатеринбургдан жарандарды алып келүү үчүн чартердик каттамдар уюштурулат. Чартердик каттамдарга биринчилерден болуп оорулуу кишилер, жаш балалуу аялдар, кары-картаңдар, студенттер жана Орусияга иш-сапар менен барып кайта албай калгандар алынат. Алардын тизмесин  атайын комиссия түзөт. Тажикстан аэропорттору коронавирус... Читать дальше...

Германиядагы орус элчиси немис прокурорлорунун чечен тектүү грузин жараны Зелимхан Хангошвили тууралуу дооматын четке какты.

Кытайда 18-июнда дагы 32 адамдан коронавирус табылды. Бул бир күн мурдагыга салыштырмалуу төрт адамга көбүрөөк. Алардын 25и баш калаа Бээжинге туура келет. Өткөн аптада бул шаардагы тамак-аш саткан "Синьфади" базарында илдеттин жаңы очогу пайда болгондон бери Кытайда кеминде 183 кишиден коронавирус чыкты. Илдеттин кайра жайылуу коркунучу пайда болгондуктан, Бээжиндеги бир катар мектептер жабылды. Спорт мелдештери жана көргөзмөлөр сыяктуу иш-чараларга уруксат берүү планы убактылуу токтотулду. Кытайдын... Читать дальше...

Премьер-министр Кубатбек Боронов коомчулуктун жана президенттин сынына кабылган өкмөт аппаратынын сүрөтү боюнча түшүндүрмө берди. Анда сүрөт өкмөттүн жаңы курамы парламентте бекитилген күнү, мурдагы премьер-министр Мухаммедкалый Абылгазиевди узатуу учурунда тартылганы белгиленген. Түшүндүрмөдө "өкмөттүн аппарат кызматкерлеринин баары беткапчан болчу. Сүрөткө түшүү маалында бизге беткаптарды чечип турууну өтүнүштү. Ошол учурда буга маани бербегениме өкүнүп жатам. Дал ошол учур акыркы алты ай ичиндеги бардык иштерибизге көлөкө түшүрдү. Читать дальше...

«Кыргыз темир жолу» мамлекеттик ишканасынын сайты (Kjd.kg) «Кытай-Кыргызстан-Өзбекстан темир жолунун курулушу бир айдан кийин башталат» деген кабарды өчүрдү. 19-июнда жалпыга маалымдоо каражаттарын жалган маалымат таратуу боюнча  айыптаган билдирүү жарыялады. Анда долбоор боюнча Кыргызстандын, Кытайдын, Өзбекстандын жана Орусиянын Транспорт министрликтеринин жана темир жол администрацияларынын деңгээлинде сүйлөшүүлөр дале уланып жатканы белгиленет. Толук макулдашуу боюнча жолугушуулар жакын арада өтөрү белгиленген. Читать дальше...

Сузак районунда өзгөчө абал учурунда өкмөт өкүлүнүн резервдик фондунан бөлүнгөн акчаны кошумча маяна катары иштеткен Санитардык-эпидемиологиялык көзөмөл борборунун кызматкерлерине кылмыш иши козголду.