Новости за 08.10.2020

8-октябрда беларус оппозициясынын лидери Светлана Тихановскаянын үзөңгүлөштөрүнүн бири Анатолий Лебедькону милиция кармаганы кабарланды. Бул маалыматты Минск шаардык полициясынын өкүлү Наталья Ханусевич ырастап, оппозициячы административдик мыйзам бузганы үчүн кармалганын билдирди. Буга чейин Лебедьконун жакындары дайынсыз болуп жатканын кабарлашкан. Тихановская оппозициячыл Бириккен жарандык партиянын мурдагы төрагасы Лебедькону конституциялык реформалар боюнча өкүлү кылып дайындагынын жарыялаган болчу. Читать дальше...

Кыргызстанда күч жана укук коргоо органдарынын ишин координациялап жаткан Коопсуздук кеңешинин катчысынын орун басары Өмүрбек Суваналиев Казакстандын Улуттук коопсуздук комитетинин төрагасы Касым Масимов менен телефон аркылуу сүйлөштү. Бул тууралуу Кыргызстандын Улуттук коопсуздук комитетинин басма сөз кызматынан кабарлашты. Маалыматка ылайык, сүйлөшүү учурунда улуттук коопсуздукту камсыз кылуу, терроризм жана трансулуттук кылмыштуу топтору менен күрөшүү багытындагы кызматташтык талкууланган. ... Читать дальше...

5-октябрда Бишкектеги нааразылык акциясынан кийин жаралган саясий кырдаал чечиле элек. Кубатбек Бороновдун өкмөтүндөгү министрлердин айрымдары жумуштарына кайтып келе баштады. Ошол эле кезде депутаттардын бир тобу парламент жыйыны деп аталган жыйын өткөрүп, камактан жаңы гана бошогон Садыр Жапаровду премьер-министрликке сунуштап жиберишкен. Бирок аны башка саясий күчтөр мыйзамсыз деп жатат. Ал тапта Жогорку Кеңештин жалпы жыйынын өткөрүү аракети көрүлүүдө. "Эксперттер талдайт" талкуусуна Жогорку Кеңештин депутаты... Читать дальше...

8-октябрда Кремлдин басма сөз катчысы Дмитрий Песков Кыргызстандагы абал боюнча комментарий берди. Ал кабарчылардын: «Эгер кыргыз лидери өлкөдөн чыгып кетсе, Москва ага башпаанек береби?» - деген суроосуна: «Азыр бул тууралуу кеп жок. Күн тартибиндеги суроолорду карайлы», - деп жооп бергенин ТАСС агенттиги жазды. Кыргызстандын президенти Сооронбай Жээнбеков ушул тапта Бишкекте экенин анын басма сөз катчысы Толгонай Стамалиева «Азаттыкка» 7-октябрда билдирген. Анын айтымында, мамлекет башчы бул күндөрү эч жакка кеткен эмес. Читать дальше...

Адабият боюнча Нобел сыйлыгынын лауреаты болуп америкалык акын Луиза Глюк табылды. Бул тууралуу Швед академиясы бейшембиде жарыялады. 77 жаштагы Глюк Нью-Йоркта туулуп өскөн. Учурда Йел университетинин англис тили боюнча профессору. Ал 1968-жылы «Туң бала» аттуу ырлар жыйнагы менен атактуу болгон. Ал ырлардан жана эсселерден турган 12 китеп чыгарган. Алардын бири үчүн Пулитцер сыйлыгына татыктуу болгон. Нобел сыйлыгын 2018-жылы Ольга Токарчук, 2019-жылы Петер Хандке аттуу жазуучулар алышкан. Адабият... Читать дальше...

Жапониядагы кыргыз коомчулугу 8-октябрда кыргызстандыктарга кайрылды. Анда адилетсиз шайлоонун жыйынтыгына нааразы болуп, кайра шайлоону талап кылып борбордук аянтка чыккан элди мыйзамсыз күчтөр пайдаланып кетишкени айтылат. «Мурда соттолгон паракорлор, мамлекетке зыянын тийгизген бузукулар түрмөдөн мыйзамсыз бошотулду. Жер-жерлерде мамлекеттик органдарды басып алгандар болуп атат. Биз, Жапониядагы кыргыз жарандары ал жакта болуп жаткан адилетсиздикке кайдыгер карап тура албайбыз!  Эл ошол бузукуларду... Читать дальше...

Кара-Суу районунун акими Тилек Матраимов Өзбекстандын аймагында кармалды. Мындай маалыматты Кыргызстанда күч органдарын координациялап жаткан Коопсуздук кеңешинин катчысынын орун басары Өмүрбек Суваналиев бышыктады. Анын айтымында, учурда Матраимов Өзбекстанда жана жакын арада Кыргызстанга өткөрүлөт. Аны менен кошо бир нече жакын тууганы болгону кабарланууда. Маалыматтарга ылайык алар кыргыз-өзбек чек арасын мыйзамсыз өткөндө колго түшкөн. Тилек Матраимов сегиз жылдан бери өлкөдөгү ири райондордун... Читать дальше...

Москва Кыргызстандагы “тартипсиздик жана башаламандык” кырдаал боюнча тынчсызданууда. Бул тууралуу Орусия президентининбасма сөз катчысы Дмитрий Песков бейшембиде журналисттерге билдирди. “Кырдаал тартипсиздикке жана башаламандыкка окшойт. Бул учурда Коопуздук кеңешинин катчысынын орун басары жана УКМКнын төрагасынын милдетин аткарып жаткан адамдын аракеттери кырдаалды турукташтырууга жардам берет деген үмүттөбүз”,-деп Песковдун айтканын “ТАСС” агенттиги жазды. Буга чейин кабарлангандай, Орусиянын... Читать дальше...

Тоолуу Карабак аймагындагы азери жана армян күчтөрүнүн ортосунда куралдуу кармаш чыңалууда.

Садыр Жапаров айрым маалымат каражаттары аны «Матраимовдор жана Жээнбековдор менен байланышта» деп жазып жатышканын айтып, эч кимиси менен сүйлөшпөгөнүн билдирди: - «Раим миллион» камалат. Мен азыр толук ишке кирише элекмин. Киришкенден кийин камалат, - деди Жапаров 8-октябрдын кечинде Өкмөт Үйүнүн алдында тарапташтарынын алдына чыкканда. "Азаттыктын" журналисттик иликтөөлөрү Кыргызстандын Бажы кызматынын мурдагы аткаминери Райымбек Матраимов түзгөн коррупциялык схеманы ашкереленген.   6-октябрда... Читать дальше...

Ички иштер министринин милдетин аткаруучу, Бишкек шаарынын коменданты Курсан Асанов милициянын ыкчам кызматтарынын жетекчилерин чогултуп, жыйын өткөрдү. ИИМдин басма сөз кызматы кабарлагандай, жыйынга Экстремизмге жана мыйзамсыз миграцияга каршы аракеттенүү боюнча кызматтын, Баңгизаттарды мыйзамсыз жүгүртүүгө каршы күрөш кызматынын, Криминалдык милиция кызматынын жана Тергөө кызматынын башчылары катышты. Асанов «тынчтык митингине чыккан жарандарды күч менен куубай, мыйзамдуу жолго өтүшүбүз керек» деп... Читать дальше...

Улуу Британиядагы Эксетер университетинин эл аралык мамилелер боюнча профессору, Борбор Азия боюнча эксперт Жон Хезершоу Кыргызстандагы саясий кырдаал тууралуу ой бөлүштү. Ал өлкөдөгү бийлик боштугу, кырдаалдан чыгуунун жолдору жана Орусиянын ыктымалдуу таасири тууралуу да пикирин билдирди.

Юристтердин 8-октябрда элге, саясий партияларга, саясатчыларга, бийликке жана жарандык коомго багытталган кайрылуусунда Кыргызстандагы соңку саясий кризистен чыгыш үчүн сегиз сунуш айтылган. Кризистен чыгыш үчүн биринчи кезекте кыргызстандыктар тынчтыкты сакташы керек экендиги белгиленген. Кайрылууга кол койгондор туруктуулук үчүн президентти Конституциянын 66-беренесине ылайык өз каалоосу менен кызматтан кетүүгө чакырышкан. Ошондой эле Жогорку Кеңеш премьер-министрлик кызматка талапкерлерди... Читать дальше...

Казак өкмөтү жакында Франциядан саясий башпаанек алган бозгундагы саясатчы Мухтар Аблязов Парижде «Акча уурдоо» беренеси боюнча айыпталып, камакка алынганын билдирген. Ал эми Аблязовдун адвокаты ага 7,5 миллиард долларды уурдоо боюнча айып коюлганын тастыктаган.

Коопсуздук кеңешинин катчысынын милдетин аткарып жаткан Өмүрбек Суваналиев Садыр Жапаровдун 8-октябрдын кечинде Өкмөт Үйүнүн алдында жасаган билдирүүсүнө комментарий берди. Ал Коопсуздук кеңешинин катчысынын орун басары катары мыйзамдуу түрдө туруктуулук үчүн гана иштеп жатканын айтты. «Мен тууралуу «УКМКны басып алды» деген билдирүү күлкү келерлик. Мыйзамдуу түрдө турукташтыруу боюнча аракет кылып атабыз. Саясатчыларга «биз силерге киришпейбиз, өзүңөр чечип алгыла» дегенбиз. Премьер-министр Боронов арыз жазбаса... Читать дальше...

Садыр Жапаров 8-октябрдын кечинде Бишкектеги Өкмөт Үйүнүн алдында сүйлөгөн сөзүндө президент Сооронбай Жээнбеков «бир депутат аркылуу «кызматтан кетүү тууралуу арызымды жазып берейин» деп айттырыптыр» деп билдирди. «Сооронбай Жээнбеков болсо, ачыгын эле айтайын, бир депутат аркылуу «мен өзүмдүн каалоом менен арызымды жазып берип кетейин» деп айттырыптыр. Мен «макул» дедим. Тынчтык жолу, тез жолу ушул болот», - деди Жапаров. Сооронбай Жээнбеков өзү же анын аппараты бул билдирүүгө комментарий бере элек. Читать дальше...

11 жылдан бери Европада бозгунда жүргөн Мухтар Аблязов өзүнүн «Фейсбук» баракчасына 5-октябрда аны француз полициясы кармап кеткенин жазып чыкты. Анда оппозициячыл саясатчы эки күн абакта отурганын жана чуулгандуу окуянын чоо-жайын кийинчерээк түшүндүрүп берерин билдирген. Мухтар Аблязовдун адвокаттарынын бири Жерар Чолакян «France-Presse» кабар агенттигине билдиргендей, оппозициячыл саясатчыга Казакстанда козголгон кылмыш иши боюнча «7,5 миллиард доллар уурдаган» деген айып коюлган. Аблязовго... Читать дальше...

Европанын бир нече өлкөсүндө коронавирус жугузгандар көбөйүүдө. Чехияда акыркы бир күндө 5335 адамдан вирус табылды. Мындай сан 10,7 миллион калк жашаган өлкө үчүн үчүн рекорддук көрсөткүч. Ал эми Германияда болсо 4058 адам вирус жугузуп алган. Бул өлкөнүн бийлиги бул көрүнүштү көзөмөлдөө кыйын болуп жатканын эскерткен. Чехияда илдеттен улам каза болгондор 829 адамды түзсө, Германияда пандемиянын курмандыктары 9571 кишиге жетти. Италияда эпидемиологиялык абалды колдон чыгарбаш үчүн 7-октябрдан... Читать дальше...

8-октябрда президент Сооронбай Жээнбеков парламент депутаты Мыктыбек Абдылдаев менен телефон аркылуу сүйлөшүп, абалды турукташтыруу боюнча бир катар сунуштар талкууланганы жарыяланды.

Бишкекте ыктыярдуу элдик кошуундун өкүлдөрү борбор шаардагы муниципалдык жана мамлекеттик ишканаларды, кафе-ресторандарды, соода борборлорун кайтарууда.

Бишкекте ыктыярдуу элдик кошуундун өкүлдөрү борбор шаардагы муниципалдык жана мамлекеттик ишканаларды, кафе-ресторандарды, соода борборлорун кайтарууда.

АКШнын аскерлери жылдын аягына чейин Ооганстандан чыгарылышы керек. Бул тууралуу Дональд Трамп улуттук коопсуздук боюнча кеңешчиси Роберт О’Брайендин билдирүүсүнөн соң айтты. О’Брайен 2021-жылдын башында Ооганстандагы америкалык аскерлердин саны беш миңден эки жарым миңге чейин кыскартыларын билдирген. АКШнын аскерлерин чыгаруу жөнүндө Кошмо Штаттардын, ооган өкмөтүнүн жана «Талибан» кыймылынын ортосундагы келишимде айтылган эле. Быйыл февраль айында кол коюлган документте америкалык аскер контингентин... Читать дальше...

«Адилет» укуктук клиникасынын директору Чолпон Жакупова азыркы таптагы бийликте болуп жаткан вакуум жана өлкөдөгү башаламандык мыйзамдуу президент Сооронбай Жээнбековдун жоопкерчилигинде экенин билдирди. Ал «Азаттык» радиосуна: «Парламенттик шайлоодогу мыйзамсыздык элдин кыжырын келтирип, жеткен чегине жетти. Мунун баарына ал көз жуумп, унчукпай туруп берди. Бийликтин өзүм билемдиги ушул абалга алып келди. Жээнбеков 5-октябрда нааразылык акциялары башталганда эле абалды конституциялык нукта, укук... Читать дальше...

Президент Сооронбай Жээнбеков Жогорку Кеңештин депутаттарынын бир бөлүгү спикерликке шайлаган Мыктыбек Абдылдаев менен өлкөдөгү соңку кырдаалды 8-октябрда телефон аркылуу талкуулады. Бул тууралуу президенттин жана Жогорку Кеңештин басма сөз кызматтары "Азаттыкка" кабарлады. Жээнбековдун басма сөз катчысы Толгонай Стамалиева төмөнкүлөрдү билдирди: «Сүйлөшүүлөрдүн жүрүшүндө президент азыр болуп жаткан кадрдык өзгөрүүлөрдү мыйзамдаштыруу, легитимдештирүү зарылдыгы турганын, ошондуктан өкмөттүн курамы... Читать дальше...

Ош шаарынын мурдагы мэри Мэлис Мырзакматов басма сөз өкүлдөрү менен жолугуп, акыркы кырдаал боюнча өз оюн айтты. Ал журналисттердин «Матраимовдор менен жолуктуңузбу? Тилек Матраимовдун камалышына кандай карайсыз?» деген суроосуна: «Ооба, мен Искендер Матраимов менен жолуктум, аны менен азыркы түзүлгөн кырдаалды чыр-чатаксыз, тынчтык жолу менен чечүүнү сүйлөштүк. Алардан мыйзамсыздыкка барбоону сурандык. Бардык иш-аракеттер мыйзам талаасында болушу керек», - деди. Мырзакматов «тынчтык куруу үчүн... Читать дальше...