Миграциядагы акын Нарсулуу Гургубаеванын «Көз мончок», «Алыстагы ак жарык» аттуу ыр жыйнактары бар. Ал Москвадагы Максим Горький атындагы адабият институтун бүтүргөн. Учурда Москва шаарында жашайт жана иштейт. «Азаттык» 16 жылдан бери сыртта жүргөн акын менен баарлашты.
АКШнын президенти Дональд Трамп жекшембиде коронавирустан толук айыкканын жана организминде бул инфекцияга каршы иммунитет пайда болгонун билдирди. «Менде иммунитет пайда болгондой», - деди Трамп «Fox News» каналына интервью берип жатып. Ал иммунитет канча убакытка сакталары белгисиз экенин кошумчалады. Трамп эми «жертөлөдө» жашырынбай эле жүрө аларын кошумчалады. Ал бул сөздөрү менен демократтардан президенттикке ат салышып жаткан Жо Байденге тийишкендей болду. Анткени Байден эпидемиядан улам этият жүрүүгө аргасыз. Читать дальше...
Жогорку Кеңештин VI чакырылышындагы депутаттарынын бир бөлүгү премьер-министрлик кызматка шайлаган Садыр Жапаров 12-октябрда өкмөттө жыйын өткөрдү. Бул тууралуу өкмөттүн сайты жазып чыкты. Маалыматка караганда, жыйында Садыр Жапаров өлкө чоң саясий жана экономикалык реформалардын алдында турганын айткан. Өлкөнүн мындан ары өнүгүшү үчүн туруктуулукту сактоо маанилүү экенин, бардык мамлекеттик органдар штаттык режимде иштеши зарыл болорун белгилеген. «Биздин алдыбызда мамлекеттик башкаруу тутумун... Читать дальше...
Мурдагы президент Алмазбек Атамбаев мамлекет башчы Сооронбай Жээнбеков тез арада кызматын тапшырып бериши керек деп эсептейт. Бул тууралуу Кыргызстан социал-демократиялык партиясынын (КСДП) өкүлү Кундуз Жолдубаева мурдагы президенттин атынан таратылган билдирүүгө таянып «Азаттыкка» маалымдады. Атамбаев өз билдирүүсүндө ошондой эле Садыр Жапаровду Жээнбеков-Матраимовдордун кланына кирбеген популярдуу саясатчы деп эсептеген. Президент Жээнбековдун аппараты мурдагы президенттин бул билдирүүсүнө комментарий берген жок. Читать дальше...
Борбордук шайлоо комиссиясы (БШК) Жогорку Кеңештин мурдагы депутаты Өмүрбек Текебаевге депутаттык мандатын кайтарып берүү маселесин чечкен жок. Бүгүн, 12-октябрда бул маселе БШКнын жыйынында каралды. Комиссиянын жетекчисинин орун басары Абдыжапар Бекматов жыйынга БШК мүчөлөрүнүн тийиштүү саны катышпаганын жана бош мандат жок экенин журналисттерге билдирди: “Текебаев Өмүрбек Чиркешовичке мандатты кайтарып берүү боюнча даярдалган чечимдин долбоорун коллегалар кабыл алган жок. Биз бул маселени БШК... Читать дальше...
Улуттук коопсуздук боюнча мамлекеттик комитеттин билдирүүсүндө, Бишкек Жылуулук электр борборундагы коррупция боюнча соттолгон "Улуттук энергохолдинг" компаниясынын мурдагы төрагасы Айбек Калиев 12-октябрда өзү жаза өтөп жаткан абакка кайтып барды. Атайын кызматтын билдирүүсүндө 6-октябрга караган түнү камактан мыйзамсыз бошотулуп, бирок өз ыктыяры менен кайтып барган Калиевди УКМКнын кызматкерлери ал отурган абакка жеткирген. Айбек Калиев - Бишкек Жылуулук электр борборундагы коррупцияга байланыштуу соттолгондордун бири. Читать дальше...
Тоолуу Карабакты талашкан Азербайжан менен Армениянын ортосундагы куралдуу кагылышуудан жабыркаган жердештерине Лос-Анжелестеги армяндан диаспорасы жардам бере баштады. 10-октябрда реалити-шоу жылдызы Ким Кардашьян кагылышуудан жабыркагандарга гуманитардык жардам көрсөтүп жаткан «Армения» фондуна бир миллион доллар которгонун жарыялады. «Бизди бөлүп жаткан аралыкка карабай, бизди чек аралар бөлө албай турганын, биз баарыбыз улутубуз армян экенибизди баары эсибизден чыкпашын каалайм», - деди Кардашьян «Инстаграмдагы» видеокайрылуусунда. Читать дальше...
«Жарандык көзөмөл комитети» уюму өлкөдө түзүлгөн кырдаалдан чыгуунун жолдорун талкуулаш үчүн улуттук диалог өткөрүүнү сунуш кылып, жарандык аянтча болууга даяр экенин билдирди. Уюм мындай диалогду маселени чечүүнүн жалгыз жана реалдуу жолу деп баалап, аны 15-16-октябрда өткөрүү ылайык экенин белгиледи. Уюмдун пикиринде, талкууга президент, Жогорку Кеңештин депутаттары, парламенттик шайлоого катышкан бардык партиялар, байкоочу катары эл аралык уюмдар жана чет өлкөлөрдүн өкүлдөрү, бизнес-коомчулук жана журналисттер катышканы туура болот. Читать дальше...
Беларуста 11-октябрда өткөн жүрүштө 586 адам кармалганын «Весна» укук коргоо уюму билдирди. Алардын көбү Минскиде кармалганы маалым болду. Айрым демонстранттар күч түзүмдөрүнө каршылык көрсөткөнү кабарланды. Күбөлөрдүн айтымында полиция жаш агызчу газ чачканда, жүрүшкө чыккандардын кээ бирлери аларды көздөй бөтөлкө жана гүл челектерин ыргытышкан. Акция маалында 40ка жакын журналист кармалган, алардын көбү кечке маал коё берилди. Беларуста 9-августтагы талаштуу президенттик шайлоодон бери нааразылык акциялары токтобой келатат. Читать дальше...
Президент Сооронбай Жээнбеков Бишкек шаарынын аймагына кайрадан өзгөчө абал режимин киргизүү тууралуу жарлыкка кол койду. Бул тууралуу президенттин сайты 12-октябрда жарыялады. Маалыматка караганда, бул чечим Жогорку Кеңеш үч күндүн ичинде буга чейин өзгөчө абал режимин киргизүү жөнүндө маселени карабаганы менен байланыштуу. Маалыматта массалык башаламандыктын натыйжасында күч колдонуу менен адам өмүрүнө жана ден соолугуна коркунуч жараткан кырдаал сакталып тургандыгына байланыштуу, Конституциянын 15-беренесине... Читать дальше...
Президент Сооронбай Жээнбеков бүгүн, 12-октябрда күч түзүмдөрүнүн тиешелүү жетекчилери менен өлкөдөгү коопсуздукту талкуулады. Президенттин басма сөз кызматы кабарлагандай, жолугушууга Куралдуу күчтөрдүн Башкы штабынын башчысы Таалайбек Өмүралиев, Коопсуздук кеңешинин катчысынын орун басары Жаныбек Капаров жана ички иштер министринин орун басары, Бишкек шаарынын коменданты Алмазбек Орозалиев катышты. Өлкөдөгү коомдук-саясий кырдаалды мындан ары турукташтыруу, жарандардын саламаттыгын жана коопсуздугун камсыз кылуу боюнча чаралар талкууланды. Читать дальше...
Баткен облустук үй-бүлөлүк дарыгерлер борборунун эски имаратын 90 орундуу ооруканага ыңгайлаштыруу боюнча курулуш, оңдоп-түзөө иштери толугу менен аяктап, имарат пайдаланууга берилди. Коронавируска каршы күрөш боюнча республикалык штабдын 12-октябрдагы маалыматына караганда, 7-октябрдан тартып ооруканага бейтаптар жаткырыла баштады. Учурда ооруканада 63 бейтап дарыланууда. Имаратка жылуулук берилгени, зарыл болгон медициналык жабдуулар менен камсыздалып, үч жасалма дем алдыруучу аппарат, 60 кычкылтек концентратору орнотулганы кабарланды. Читать дальше...
Динара Чокотаева көптөн бери кыялданып жүргөн автордук моюн орогучтарын чыгарды. Кесипкөй графикалык дизайнер эски оймолорду жаңы нукта иштеп чыккан. Ал Тургунбай Садыков атындагы Көркөм өнөр академиясында мугалим болуп иштейт.
Жогорку Кеңештеги «Кыргызстан» фракциясынын депутаты Урматбек Самаев вице-спикер Аида Касымалиевага жооп кайтарып, 10-октябрда депутаттарды кезексиз жыйынга чогултууга тиешеси болбогонун «Азаттыкка» билдирди: «Аида Касымалиева менен бир эле жолу жолуккам, жанында депутаттар бар болчу. Түз эфирде көрсөтүлүп жатты. Аида менен мен сүйлөшпөсөм, же жалгыз бир жакка колунан сүйрөп баратсам бир жөн. Эмнеге андай кылып жатат, билбейм. Буга чейин деле мамилем түз болчу. Депутаттардын эң жашы болсом, баарын көтөрүп баргыдай алар оокат же буюм эмес да. Читать дальше...
Жогорку Кеңеш тарабынан премьер-министрликке бекиген Садыр Жапаровдун шайлоо боюнча пикири талкуу жарата баштады. Жыйын учурунда депутат Алтынбек Сулаймановдун «шайлоонун мөөнөтүн узарталы деген оюңуз барбы?» деген суроосуна Садыр Жапаров мындай деп жооп берген: «Эми бир аз узарышы мүмкүн. Парламент менен кеңешип туруп чечели деп жатпаймынбы. Эл бир мандаттуу шайлоо системасын талап кылып жатат. Ал эми парламент, саясий күчтөр кайра өткөрөлү деп жатат. Ошон үчүн мунасага келип туруп чечели».... Читать дальше...
Кыргызстанда акыркы бир сутка ичинде дагы 22 медицина кызматкеринин анализинен коронавирус табылды. Эң көп учур Ош облусунда катталды. Ош облусунда сегиз, Ош шаарында үч, Баткен облусунда үч, Жалал-Абад облусунда үч, Бишкек шаарында эки, Чүй облусунда, Чүй облусунда бир медкызматкер вирус жугузуп алганы аныкталды. Бир суткада стационарда дарыланып жаткан бир, үй карантинден үч медкызматкер айыгып чыкты. Кыргызстанда COVID-19 диагнозу башталган март айынан бери вирус жугузган медицина кызматкерлери 3437 кишиге жетти. Читать дальше...
Кыргызстандагы бардык дин кызматкерлерине Куран хатым окуу боюнча тапшырма берилди. Бул тууралуу 12-октябрда “Азаттыкка” муфтияттын басма сөз кызматы кабарлады. Муфтий Максатбек Токтомушев Куран хатымды мамлекеттин туруктуулугу, элдин ынтымагы жана өлкөнүн өнүгүшү үчүн окууну буюрду. Ал дин кызматкерлерине кайрылып, коронавирус көрсөткүчү кайра жогорулай баштаганын, андыктан өлкөнүн келечегин, элдин амандыгын тилеш керек экенин айтты: “Алла-Таалага кайрылып, мындай оорунун кайра кайталанбашын... Читать дальше...
Бишкекте убактылуу жабылган мекеме-жайлар бүгүн 12-октябрда кайрадан ачылып, иштей башташты. Мамлекеттик каттоо кызматынын маалыматына караганда, калкты тейлөө борборлору, «Унаа» жана «Кыргызпочтасы» ишканаларынын бөлүмдөрү, архивдер кадимки тартипте иштеп жатат. Бул мекемелер 9-октябрда Бишкектеги окуяларга байланыштуу ишин убактылуу токтотушкан болчу. Ошондой эле бүгүн баш калаадагы ири соода борборлору да кадимки тартипте иштеп жатат. 4-октябрдагы кезектеги парламенттик шайлоодон кийин борбор шаарда нааразылык акциялары башталган. Читать дальше...
Нарын облусунун Жумгал районундагы Кара-Кече көмүр кенинде абал турукташып, көмүр казуу иштери жүрүп, кызматкерлер штаттык режимде иштеп жатат. Бул тууралуу «Кыргызкөмүр» мамлекеттик ишканасынын басма сөз катчысы Жийдегүл Зоотбекова 12-октябрда билдирди. Анын айтымында, ушул тапта Кара-Кече кенинен бир суткада орто эсеп менен 3500 тонна көмүр чыгарылып жатат. Күн сайын 150-170 машине «Борбордук» участогунан көмүр ташууда. Азыр 270 000 көмүр казылып, жүктөөгө даяр турат. Зоотбекованын маалыматына караганда... Читать дальше...
Коронавируска каршы күрөш боюнча республикалык штабдын 12-октябрдагы маалыматына караганда, акыркы суткада вирус жугузуп алган дагы беш киши кайтыш болду. Анын үчөө Ош облусунда, бирөө Ош шаарында, дагы бири Талас облусунда катталды. Кыргызстанда пневмонияны козгой турган коронавирус аныкталган март айынан бери илдеттен кайтыш болгондордун саны Саламаттык сактоо министрлигинин жаңы эсеби боюнча 1090го жетти. 18-августка чейин вирустан жалпысынан 1498 кишинин өмүрү кыйылганы расмий айтылып жаткан. Читать дальше...
Бүгүн, 12-октябрда Бишкектин Биринчи май райондук сотунда мурдагы президент Алмазбек Атамбаевдин тарапташтары Фарид Ниязовдун, Канат Сагымбаевдин жана Темирлан Султанбековдун бөгөт чарасы каралат. Бул тууралуу «Азаттыкка» Кыргызстан социал-демократиялык партиясынын (КСДП) өкүлү Кундуз Жолдубаева кабарлады. Ошондой эле бүгүн Биринчи май райондук сотунда ички иштер министринин мурдагы орун басары Курсан Асановдун да бөгөт чарасы каралат. 4-октябрда Кыргызстанда кезектеги парламенттик шайлоо өткөн. Читать дальше...
Көп партиялуулукка негизделген парламенттик шайлоого каршы чыгып, эскиче бир мандаттуу шайлоого өтүүгө чакыруу алгылыктуубу? Тарыхчынын блогу.
Акыркы коомдук-саясий кырдаалдардан улам, 10-октябрга карата Кыргызстандын экономикасы сегиз млрд. сом же 104 млн. доллар зыян тартты. Бул тууралуу Бизнес-ассоциациялардын улуттук альянсы (НАБА) тараткан кайрылууда жазылган. Анда: «Ансыз да пандемия шартында экономикасы жабыркаган Кыргызстанда январь-август ичинде мунай тазалоо өндүрүшү төрт млрд. сомдон 841 млн. сомго чейин төмөндөп кеткен. Текстил, тигүү өнөр жайы 5,3 млрд. сомдон 3,8 млрд. сомго чейин, кен иштетүү 467 млн. сомдон 402 млн. сомго азайган. Читать дальше...
Бир катар өлкөлөрдүн жарандык коом өкүлдөрүнөн турган «Жарандык тилектештик» платформасы Кыргызстандын коомдук-саясий абалына байланыштуу кайрылуу таратты. Анда платформага кирген уюмдар Кыргызстандагы жарандык коомдун өлкөдө туруктуулук орнотуу аракетин колдоого алары тууралуу жазылган. Ошондой эле кыргыз бийлигин, бийликке умтулган саясий партиялардын, саясий күчтөрдүн лидерлерин зомбулуктан алыс болууга, маселени тынч сүйлөшүү жолу менен чечүүгө чакырган. «Бийлик мыйзамдар жана Конституция талап кылгандай гана алмашууга тийиш. Читать дальше...
Беларус басылмалары кабарлагандай, 10-октябрда Александр Лукашенко камакка алынган оппозиция лидерлери менен жолугушуп, Конституцияга өзгөртүү киргизүү маселесин талкуулады. Президенттик администрациянын басма сөз кызматы жарыялаган сүрөттө Лукашенко Виктор Бабарико, Лилия Власова, Виталий Шкляров сыяктуу оппозиционерлер менен сүйлөшүп турганын көрүүгө болот. Оппозиция өкүлдөрү муну Лукашенконун алсыраганы катары сыпатташты. Европа Биримдиги жана АКШ 9-августта өткөн шайлоо жыйынтыгын жасалмалаган деп... Читать дальше...
