Новости за 15.10.2020

Жогорку соттун мурдагы төрагасы, экс-депутат Курманбек Осмоновдун пикиринде, Жогорку Кеңеш 16-октябрдагы жыйынына Сооронбай Жээнбековду чакырып, анын пикирин угушу керек. Коомдук ишмер бул тууралуу 15-октябрда "Азаттык" менен болгон маегинде айтты. "Процедура боюнча Жогорку Кеңеш Жээнбековдун отставкасын кабыл алышы керек. Парламент жыйынына президентти чакырып, ал канчалык чын ыкласынан, өз каалоосу менен кетип жатканын сураш керек. Парламент анын отставкасын кабыл албай коёт деген жобо жок" - деди Осмонов. Читать дальше...

Ошентип президент Сооронбай Жээнбековдун кызматтан кетүү жөнүндө чечими коомчулукта түрдүүчө кабыл алынды.

Жогорку Кеңештин төрагасы Канатбек Исаев өз арызы менен президенттин милдетин аткаруудан баш тартты. Бул тууралуу Исаевдин партиялашы, «Кыргызстан» фракциясынын лидери Нурбек Алимбеков «Азаттыкка» кабарлады. Анын айтымында, парламент төрагасы президенттин милдетин аткаруудан баш тарткан. «Бирок Канатбек Исаев Жогорку Кеңештин төрагасы бойдон кала берет», - деди Алимбеков. Ошондой эле Нурбек Алимбеков 16-октябрда Жогорку Кеңештин кезексиз жыйыны чакырылганын жана анын жүрүшүндө Сооронбай Жээнбековдун... Читать дальше...

Ирандын кибер коопсуздук үчүн жооп берген органы хакерлер өлкөнүн өкмөттүк эки мекемесине «кеңири масштабда» чабуул коюшканын билдирди. Жергиликтүү маалымат каражаттары 15-октябрда маалымат технологиялар уюмунун өкүлү Аболкасым Садегиге шилтеме кылып жазышкандай, айрым өкмөттүк мекемелер да чабуулдардын алдын алыш үчүн Интернет кызматын убактылуу жабышты. Садеги кибер чабуулдар 12-13-октябрда болгонун айтып, бирок кайсы мекемелер бутага алынганын тактаган жок.  Тегеран буга чейинки кибер чабуулдарды... Читать дальше...

Кыргызстанда конституциялык жол менен кетиш үчүн парламенттик жана президенттик шайлоо өз мөөнөтүндө өтүшү керек. Бул тууралуу мурдагы премьер-министр Темир Сариев «Азаттыкка» берген комментарийинде билдирди. Анын айтымында, бүгүнкү шартта мыйзамга ылайык 20-декабрга чейин парламенттик, 15-январга чейин президенттик шайлоо өтүшү керек. «Бирок «эки шайлоону бир күндө өткөрсөк болот» деп да айтып жатышат. Эгерде бул шайлоону өткөрбөсөк, конституциялык нуктан чыгып кетебиз. Бирок 2010-жылы өзгөчө... Читать дальше...

Мындай пикирин Жогорку Кеңештин IV чакырылышынын депутаты Каныбек Осмоналиев 15-октябрда «Азаттыктын» «Эксперттер талдайт» программасында билдирди. Ал кечээ президенттин жарлыгы менен өкмөт башчылыкка бекитилген Садыр Жапаровдун тарапкерлери бүгүн президентти кетирип, эми парламенттин кетишин талап кылып жатышканына түшүнбөгөнүн билдирди: «Менде ушундай ой пайда болду: Садыр мырза өзү да кырдаалдын барымтасында калып жатат. Балким ал жерде түрдүү адамдар болуп жатканы да таасир этиши мүмкүн. «Кетсин» деп тургандардын көпчүлүгү жаштар... Читать дальше...

2017-жылы 15-октябрдагы президенттик шайлоодо 920 миң шайлоочунун колдоосу менен бийликке келген Сооронбай Жээнбеков үч жылдан кийин, 2020-жылдын 15-октябрында кызматтан кетүүнү чечкени боюнча маалымат чыкты.

15-октябрда премьер-министр Садыр Жапаров Кыргызстанда президент да, парламент төрагасы да кызматтан кеткенин, бүгүнтөн тарта ал премьер-министрдин дагы, президенттин дагы милдетин аткара турганы билдирди.

Кыргызстандын президенти Сооронбай Жээнбеков кызматтан кетүүгө арыз жазганы жарыяланды. Кыргызстандагы акыркы саясий кырдаалды “Азаттыктын” эксперттер талдайт берүүсүндө талкууладык.

Кыргызстанда кырдаалды жөнгө салыш үчүн тез арада таза шайлоо өткөрүү зарыл. Эч кандай конституциялык реформа жөнүндө азыр сөз да болбошу керек. Бул тууралуу мурдагы башкы прокурор Аида Салянова «Азаттыкка» комментарий берип жатып билдирди. Анын айтымында, президент кеткен учурда 28-октябрдан кийин анын ыйгарым укуктары премьер-министрге өтүшү мүмкүн. «Ошондо сот бийлигин эсепке албаганда өлкөдө бир эле бийлик калат. Президенттин да, премьер-министрдин да ыйгарым укуктары бир адамга өтөт. Парламент ишин токтотот. Читать дальше...

Президент Сооронбай Жээнбеков кызматтан кетүү жөнүндө чечим кабыл алды. "Азаттык" Бишкек шаарынын тургундарына "Азыркы кырдаалды кандай баалайсыз? Бийликтен эмнени күтөсүз?" деген суроолорду узатты.

Мурдагы акыйкатчы жана укук коргоочу Турсунбек Акун президент Сооронбай Жээнбековдун кызматтан кетүү тууралуу чечими жөнүндө өз пикирин «Азаттыкка» билдирип, бул күтүлгөн нерсе болгонун айтты. Акун ошентсе да процесстин арты жашыруун болуп жатканына кабатырланды:  «Президент 5-октябрдан кийин эле жалпы журтка кайрылып, кызматтан кетерин билдирген. Ал эки айдан кийинби, же беш күндөн кийинби, кыскасы ушундай позициясын айткан. Ошондуктан анын кызматтан кетиши күтүлгөн нерсе эле. Бирок башка жагдай - «Өзгөчө абал жөнүндө» мыйзамга ылайык... Читать дальше...

Премьер-министр Садыр Жапаров Кыргызстанда президент кызматтан кеткенин, парламент төрагасы мамлекет башчынын милдетин аткаруудан баш тартканы тууралуу арыз жазып бергенин жарыялады. Ал ушул мүнөттөрдө Эски аянтта чогулуп турган тарапташтарынын алдына чыгып сүйлөп төмөнкүдөй билдирүү жасады: «Бардыгы ордуна келди. Мурдагы президент Сооронбай Жээнбеков өз арызын жазып берип кетти. Спикер Канатбек Исаев «анын милдетин аткаруу мүмкүн эмес экен» деп, өзүнүн арызын жазып берди. Бүгүн президенттин милдетин... Читать дальше...

Жогорку Кеңештин алтынчы чакырылышындагы депутаттары таркабашы керек экенин, алардан тарап кетүүнү талап кылуу туура эмес болорун Борбордук шайлоо комиссиясынын (БШК) мүчөсү Атыр Абдрахматова «Азаттыктын» «Эксперттер талдайт» берүүсүндө билдирди. Анын айтымында парламент өзү менен кошо көпчүлүк коалицияны жоюп салып, өкмөттү өзү менен кошо алып кетиши мыйзамдуу болот. «Эгер аларды азыр таркатып жиберсек, даана укуктук туңгуюкка такалабыз. Ошондуктан азыр «Жогорку Кеңеш тарасын, Исаев кетсин» деп кыйкырууга негиз жок. Читать дальше...

Жаңы дайындалган тышкы иштер министри Руслан Казакбаев Орусиянын жана Казакстандын Кыргызстандагы элчилери Николай Удовиченкону жана Кайрат Нурпеисовду кабыл алды. Бул тууралуу Тышкы иштер министрлигинин сайты жазды. Андагы маалыматка караганда жолугушууда эки өлкөнүн элчилери Руслан Казакбаевди Кыргызстандын тышкы иштер министри болуп дайындалышы менен куттукташты. Министр Казакбаев элчилер менен жолугушууда Кыргызстандагы кырдаал акырындап турукташып, мыйзам жолуна түшүп келе жатканын айтты.... Читать дальше...

Жарандык активист, Кумтөр боюнча мамлекеттик комиссиянын мүчөсү Нарис Калчаев "Ысык-Көл" мейманканасында топтолгон элдин бийликке койгон талабын, азыркы кырдаалда эмнени күтүп жатышканын айтып берди.

Азыр иштеп жаткан VI чакырылыштагы парламенттин шайланганына туура беш жыл болду. Эми Кыргызстандагы саясий кризистин тушунда Жогорку Кеңештин мөөнөтү качан бүтөрү тууралуу кайчы пикирлер жаралды.

Коронавируска каршы күрөш боюнча республикалык штабдын 15-октябрдагы маалыматына караганда, акыркы суткада вирус жугузуп алган дагы беш киши кайтыш болду.

Бүгүн, 15-октябрдагы Коопсуздук кеңешинин катчылыгына дайындалган Кеңешбек Дүйшөбаев кызматын аткарууга толук кирише элек. Бул тууралуу Дүйшөбаев өзү «Азаттыкка» билдирди: «Жарлык чыккан, жамаатка тааныштырышты. Бирок жумушка толук киришкенге жетишкен жокмун. Ызы-чуу болуп кеткенин көрүп жатпайсыңарбы. Ал эми президенттин кызматтан кеткени жөнүндө анын расмий сайты жарыялады. Ошондуктан кантип ишенбей коесуң?» - деди Дүйшөбаев. Кыргызстанда 5-октябрдан бери саясий кризис чечилбей турат. Ал учурдагы... Читать дальше...

Өлкө каржалып, улут кыйналып, кайран эл карайлап жол издеп, журт башчысымын дегендер менен башчы болгусу келгендер караңгыда көз таппай, кысталышта сөз таппай, кыйналып турат. Кырдаалдан кантип чыгабыз деп жооп издеп турган чакта акылыбыз тайкыраак, билимибиз тайызыраак, абийирбиз, намысыбыз, жоопкерчилигибиз чамалуу экени аз келгенсип, айткан кеңештерге кулак салбай, бири-бирин укпай, аарынын уюгундай ызылдаган кезибиз. Эмне үчүн биз деп жалпылаштырып жатам. Анткени баарыбызга тиешелүү, баарыбыз жооп беребиз... Читать дальше...

«Ата Мекен» партиясынын лидери Өмүрбек Текебаев кайрадан Жогорку Кеңештин алтынчы чакырлыштагы депутаты болуп калды. Бул тууралуу Борбордук шайлоо комиссиясы (БШК) маалымдады. Маалыматка ылайык, БШК бүгүн, 15-октябрда «Ата Мекен» партиясынын лидери жана партиянын парламенттеги фракциясынын мурдагы лидери Өмүрбек Текебаевдин депутаттык мандатын кайтарып берүү тууралуу арызын карап, аны көпчүлүк добуш менен канагаттандырды. БШКнын бир мүчөсү - Адилет Сатыгулов каршы добуш берди. «Ата Мекен» партиясынын... Читать дальше...

Кыргызстандагы акыркы кырдаалда бийликтин бир колго топтолбошу үчүн бардык прогрессивдүү күчтөр чогуу иш алып барышы керек. Бул тууралуу Жогорку Кеңештеги «Бир Бол» фракциясынын лидери Алтынбек Сулайманов «Азаттыкка» билдирди. Анын айтымында, учурда Кыргызстандагы абалды укуктук алкактан чыкпашы үчүн парламенттин мааниси чоң.  «Азырынча андай күчтөр жыйнала элек. Бирок андай кадамдар байкалбай турат. Бирок кырдаал ошого алып барабы деген ойдомун. Эртең Жогорку Кеңеш өзүн кандай көрсөтөт? Ошого абдан көп нерсе көз каранды», - деди Сулайманов. Читать дальше...

Бишкектеги митингчилерди ташууга шаардык ишкананын тиешеси жок. Бул тууралуу 15-октябрда баш калаанын мэриясы кабарлады. Мекеменин маалыматына караганда, аларга митингге чыккан адамдарды шаардын жүргүнчү ташуучу автобустары тейлеп жатканы тууралуу арыздар түшкөн. Шаар башкармалыгы буга байланыштуу расмий сайтына билдирүү жарыялап, ал автобустардын «Бишкектин жүргүнчү ташуучу автотранспорттук ишканасы» муниципалдык ишканасына тиешеси жок экенин, митингчилер тууралуу тарап жаткан сүрөт жана видеолордогу... Читать дальше...

Жогорку Кеңештин мурдагы төрагасы, коомдук ишмер Абдыганы Эркебаев Сооронбай Жээнбековдун президенттик кызматтан кетүү тууралуу чечими күтүүсүз болгонун, мындай абалга өкүнүп турганын «Азаттык» радиосуна билдирди.