Новости за 16.12.2020

Кыргызстандык балбан кыз Мээрим Жуманазарова ушул күндөрү Сербиянын борбору Белградда өтүп жаткан Кыз-келиндер күрөшү боюнча дүйнө кубогунда алтын байге алды. Ал 68 килограммга чейинки салмакта финалда чехиялык Адела Ханзликованы 8:2 эсебинде жеңди. Мээрим Жуманазарова бул мелдеште жалпысынан үч беттеш өткөрдү. Ал алгач беларус Анна Садчанканы 4:1 эсебинде жеңди. Жарым финалда украиналык Алина Бережна Стадник-Махиняны (6:6) уткан. Бул күнү дагы бир кыргызстандык Айпери Медет кызы 76 килограммга чейинки салмакта коло байге алды. Читать дальше...

Кыргызстандык спортчу кыз квалификациялык жана чейрек финалдык этаптарда беларустук жана украиналык спортчулардан мыкты экенин көрсөткөн.

Кыргызстанда дагы бир жолу референдум өткөнү турат. 10-январдагы референдумга өлкө мындан ары кандай башкаруу формасы менен жашайт деген суроо коюлмакчы.

Баткен районунун Тажикстан менен чектеш Ак-Сай айылында эл чогулуп, Исфара-Ворух жолун бууду. Жол тоскондор буга Тажикстан тараптан мал уурулук күч алганын себеп кылышты. Окуядан улам, Баткен районунун жана Исфара районунун акимдери жолугушканы кабарланды. Райондук акимчиликтин атын атагысы келбеген өкүлүнүн «Азаттыкка» маалымдаганы боюнча, сүйлөшүү учурунда тажик тарап жоголгон жылкыларды таап берүүгө убада берди. Маалыматка ылайык, чогулган эл менен Баткен районунун акими, райондук ички иштер... Читать дальше...

Оппозициянын кысымына туш болгон Армениянын премьер-министри Николь Пашинян эрте парламенттик шайлоо өткөрүүнү өз алдынча чече албай турганын билдирди. Шаршембиде «Азаттыктын» армян редакциясына интервьюда премьер: «Мөөнөтүнөн мурда шайлоо менин каалоомо жараша болбойт. Бул жерде консенсус табуу зарыл», - деп айтты. Бийликке 2018-жылы нааразылык акцияларынын жыйынтыгы менен келген Пашинян 10-ноябрда Тоолуу Карабак боюнча тынчтык келишимине кол коюлгандан кийин өз өлкөсүндө катуу сынга кабылууда. Читать дальше...

Салттуу «Улут абийири» жана «Улут үлгүсү» сыйлыктары ыйгарылды. Быйыл Салижан Жигитов атындагы «Улут үлгүсү» сыйлыгына конституциялык укук боюнча юрист Сания Токтогазиева татыды. Ал «чындыктын тили менен сүйлөп, улуттун аң-сезимине тийгизген жарандык жигердүүлүгү үчүн» сыйланды. Жогорку Кеңештин депутаты, «Ата Мекен» фракциясынын мүчөсү Наталья Никитенко Ишенбай Абдуразаков атындагы «Улут абийири» сыйлыгын алды. Аталган сыйлык Наталья Никитенкого «Парламентте мыйзам тили менен сүйлөп, улутка руханий эш болуп келе жатканы үчүн» берилди. Читать дальше...

Дүйнө кубогунда жеңүүчү болгон Айсулуу Тыныбекова маек куруп, алдыдагы Олимпиадага карата үмүттөрү тууралуу айтып берди.

Бишкектин четиндеги Ак-Жар жана Ак-Бата конушунун тургундары электр энергиясы тынымсыз өчө бергенине нааразы болуп, 15-декабрда кан жолду буушту. Алар кыштын суугунда электр жарыгы жоктугунан балдары ооруп жатканын айтышууда. Ак-Жар жана Ак-Бата жаңы конуштарынын ондогон тургуну чоң жолдун так ортосуна дөңгөлөк өрттөп, жолду эки-үч сааттай бууп турушту. Алар жарыктын өчүп жатканына бийлик көңүл бурбай калды деп эсептешет. Чогулгандардын айтымында, электр жарыгы дээрлик бир айдан бери байма-бай өчүүдө. Читать дальше...

Орус тышкы иштер министри Сергей Лавров Федералдык коопсуздук кызматынын (ФСБ) оппозициялык саясатчы Алексей Навальныйдын ууландырылышына тиешеси болушу мүмкүн деген маалыматка комментарий берди. Министр «Bellingcat» жана бир нече маалымат каражаттарынын биргелешкен иликтөөсүн четке какты. «Бул жаңылыктарды окусаң күлкүң келет. Бирок ал маалымат сунушталган ыкма биздин Батыштагы өнөктөштөрүбүздүн этикалык нормалары жок экенин айгинелейт», - деди Лавров шаршембиде Загребдеги басма сөз жыйынында. Читать дальше...

Кыргызстандык балбан Айсулуу Тыныбекова спорттук күрөш боюнча Сербияда өтүп жаткан Дүйнө кубогунда чемпион болду. Мелдеште ал бардык атаандаштарын бир топ артта калтырды.

Беларустун демократиялык оппозициясынын Координациялык кеңеши 16-декабрда Европа парламентинин Сахаров сыйлыгын алды. Брюсселдеги салтанатта сыйлыкты оппозиция лидери Светлана Тихановскаяга Европарламенттин төрагасы Давид Сассоли тапшырды. Тихановская сыйлыкты алып жатып, Беларустагы “коркуунун дубалы бара-бара урайт” деп билдирди. Саясатчы үстүбүздөгү аптада Брюсселде Евробиримдиктин өкүлдөрү менен жолугушту. Сассоли беларус оппозициясы ой жүгүртүү жана өз көз карашын билдирүү эркиндигин коргоодо эр жүрөктүгүн... Читать дальше...

Мамлекеттик каттоо кызматы биометрикалык жалпы жарандык паспорттун алгачкы үлгүлөрүн жарыялады. Мекеме 30дан ашуун заманбап коргоочу каражаттары бар мындай паспорт жарандарга 2021-жылдан тартып бериле баштарын билдирди. Жаңы паспорттогу коргоо белгилери Кыргызстанга биометрикалык жалпы жарандык паспорттун алгачкы үлгүлөрү келди. Мамлекеттик каттоо кызматы анын барактарындагы коргоочу элементтерди жана жасалгасын текшерүү иштери башталганын кабарлады. Маалыматка караганда, жаңы үлгүдөгү биометрикалык... Читать дальше...

Кыргызстандын мурдагы президенти Сооронбай Жээнбеков менен анын иниси, Жогорку Кеңештин депутаты, экс-спикер Асылбек Жээнбеков Ош облустук ички иштер башкармалыгынын мурдагы башчысы Абдылда Капаровдун арызы боюнча Жогорку сотко чакырылган. Бүгүн, 16-декабрга белгиленген соттук териштирүү жоопкер тараптын келбегенине байланыштуу, 12-январга жылдырылды. Бул тууралуу доогер Абдылда Капаров «Азаттыкка» билдирди: «Мен 4-октябрь күнү бошодум. Андан кийин сотко арыз жазгам. Эми күч органдары ишти адилет карайт, юридикалык баа берет деп ойлойм». Читать дальше...

«Талибан» кыймылынын делегациясы өкмөт өкүлдөрү менен сүйлөшүү үчүн Пакистанга барды. Талибдердин саясий лидери Молдо Абдул Гани Барадар жетектеген топ үч күндүк визит маалында премьер-министр Имран Хан жана башка расмий адамдар менен жолугушмакчы. «Талибандын» негизги спонсору болгон Пакистан «жоочуларга башпаанек, жардам берет» деп көптөн бери айыпталып келатат. Исламабад бул дооматтарды четке кагууда. Ошол эле учурда Пакистандын бийлиги 2018-жылы согушкер топту АКШ менен сүйлөшүүлөр үстөлүнө отурууга көндүргөнү айтылып жүрөт. Читать дальше...

АКШда соңку бир күндө коронавирус жуккан адамдардын саны дагы бир жолу эң жогорку чекке жетти.  Атап айтканда шейшембиде оору дагы 248 миңден ашык адамдан катталды. Жон Хопкинс университетинин эсебинде, оору жалпысынан 304 миңден көп бейтаптын өмүрүн алып кетти, пандемия башталгандан бери ооругандар 17 миллионго чукулдап калды. Ал эми дүйнө жүзүндө коронавирус 73 миллиондон көп кишиге жугуп, 1,6 миллион адам көз жумду. Шейшембиден тартып АКШнын бардык штаттарындагы медициналык жайларга америкалык... Читать дальше...

Түркиядагы эл аралык «Лив-Истинье» ооруканасынын базасында түзүлгөн заманбап эл аралык илимдер академиясына Кыргызстандан профессор, кардиохирург Талантбек Батыралиев мүчө болду. Бул тууралуу Батыралиев «Азаттыкка» маалымат берип, аталган академияга дүйнөнүн чар тарабынан дарыгерлер чогулуп, медицинанын жаңы жетишкендиктерин талкуулап, практикалык тажрыйба алмашуу болуп турарын билдирди. Аталган академия ошондой эле бейтаптарды да кабыл алып, заманбап, алдыңкы технологиялар менен дарылоо жүргүзөт. Читать дальше...

Өзбекстандык белгилүү ырчы Жахонгир Атажанов «шариаттын мыйзамдарына каршы келгендиктен» музыкалык карьерасын токтотуп жатканын билдирди.

Бириккен Улуттар Уюмунун (БУУ) Аялдарга карата дискриминацияны жоюу боюнча комитети кыргызстандык Роза Горбаеваны абакта дискриминацияга кабылган деп тапты. Кыргызстандагы «Кыйноого каршы коалиция» өкмөттүк эмес уюму билдиргендей, комитет Горбаеванын арызы боюнча 1-декабрда чечим кабыл алып, кыргыз тарапка аялдарга карата дискриминацияны жоюу боюнча бир катар сунуштарды берди. Майлуусуулук Роза Горбаева абактагы кыйноо тууралуу «Азаттыктын» кабарчысы Талгат Абажалил уулуна айтып берди.

Москва шаарында "Delivery Club" тамак жеткирүү кызматынын курьери бычакталып, набыт болду. Ал кыргызстандык 19 жаштагы жигит экенин ТАСС агенттиги укук коргоо органдарына таянып 16-декабрда кабарлады. Окуя Ясеново районунда болгон. Курьерди ким бычактаганы анык эмес, ал ооруканада көз жумган. Бычак анын жүрөгүнө кирген. Баштапкы маалыматтарга караганда, курьер өзүнүн тааныштары менен жаңжалдашкан болушу мүмкүн. Жумуш маалында бычакталганбы же бош учурундабы, белгисиз. Бирок ал иштеген "Delivery... Читать дальше...

Кыргызстандык балбан кыз Мээрим Жуманазарова ушул күндөрү Сербиянын Белград шаарында өтүп жаткан кыз-келиндер күрөшү боюнча Дүйнө кубогунда алтын байге үчүн күрөшөт. Биргелешкен Күрөш Дүйнөсү уюмунун (UWW) расмий сайтындагы маалыматка таянсак, Жуманазарова 15-декабрда 68 килограммга чейинки салмакта килемге чыкты. Алгач беларус Андда Садчанканы 4:1 эсебинде жеңди. Жарым финалда украиналык Алина Бережна Стадник-Махиняны жеңип (6:6), финалдык таймашка жолдомо алды. Бүгүн, 16-декабрда Жуманазарова... Читать дальше...

Ысык-Көлдүн Григорьевка айылынын тургуну Айымбүбү Арзыматова беш айылдын мектеп окуучуларын чогултуп, англис тилин окутуп жатат. Эки жылдан бери балдарга билим берүү менен алектенген жаш мугалимдин эмгегин көрүп, жумушка тарткысы келген бир катар жеке мектептер да бар. Бирок элеттеги балдардын келечегин түптөөгө көмөкчү болгусу келген Айымбүбү жакын арада өзүнүн окуу борборун ачып, региондордогу билимдин сапатын жакшыртуу пландарын коюп жатат. Айымбүбү тил үйрөтүүдөн сырткары балдар менен чогуу таштанды чогултуп, аларды иргейт.

Америкалык аналитикалык борбор Бээжин Шинжаңда жүз миңдеген уйгурлар менен башка түпкүлүктүү мусулман элдеринин өкүлдөрүн күчтөп пахта талааларындагы ишке салганын билдирди. Шейшембиде «Глобалдуу саясат борбору» жарыялаган баяндамада айтылгандай, Кытай өкмөтүнүн расмий документтери жана маалымат каражаттарынын кабарлары уйгурлар көп жашаган үч райондо эле бери дегенде 570 миң киши пахта терүүгө жөнөтүлгөнүн айгинелейт. Алар жакырчылыкты азайтуу боюнча мамлекеттик программанын алкагында ишке тартылган. Читать дальше...

Жогорку Кеңештин басма сөз кызматы Айэркен Саймаитинин инсандыгына байланыштуу жагдайларды иликтөө жана маалыматтарды текшерүү боюнча убактылуу комиссиянын ишине байланышкан түшүндүрмөнү таркатты. Анда комиссия түзүү эрежелери белгиленген: "Кыргыз Республикасынын Жогорку Кеңешинин Регламенти жөнүндө" мыйзамга ылайык убактылуу комиссиялар Жогорку Кеңештин депутаттары тарабынан түзүлөөрүн эске салуу менен фракциялардын сунушу боюнча, алардын Жогорку Кеңештеги өкүлчүлүгүнүн тең салмактуулугун сактоо... Читать дальше...

Бириккен Улуттар Уюмунун (БУУ) Коопсуздук кеңеши бардык чет өлкөлүк согушкерлерди Ливиядан чыгып кетүүгө дагы бир жолу чакырды. Кеңештин бардык 15 мүчөсү, анын ичинде Орусия документти колдошту. Атышууну токтотуу жөнүндө быйыл 23-октябрда БУУнун ортомчулугу менен келишим түзүлгөн. Анда «бардык чет өлкөлүк согушкерлер жана жалданма аскерлер» үч айдын ичинде Ливиядан чыгууга тийиш экени айтылган. Маалыматтарга караганда, өлкөдө азыр чет жактардан  келген 20 миңдей жоокер бар. БУУ буга чейин Ливияда... Читать дальше...

Казакстанда 16-декабрь, Эгемендик күнүндө 1986 жана 2011-жылкы окуялардын курмандыктары эскерилүүдө. Алматыда ондогон киши шаар борборундагы монументтин жанына чогулуп, куран окуду. Чыгып сүйлөгөндөр бийликти 16-декабрды аза күтүү күнү деп жарыялоого чакырышты. Дагы бир жерде «Ойгон, Казакстан» кыймылы акция уюштурган. Прокуратура ал иш-чара санкцияланбаган деп саналарын буга чейин эскерткен. Катышуучулар «Адилет шайлоо» деген ураандарды чакырып турушту. Маалыматтарга караганда, алар Астана аянтына... Читать дальше...