Новости за 03.01.2021

Эркингүл Абдылдаева Бишкектеги Карылар жана майыптар үйүнүн директору кызматына кайта турган болду. Тиешелүү чечимди Жогорку сот чыгарганын Абдылдаеванын адвокаты Бактыбек Жумашев 3-январда билдирди. Адвокаттын айтымында, көптөн бери уланып келген талаш-тартышка Жогорку сот өткөн аптада чекит койду. Андан кийин 30-декабрда социалдык өнүгүү министри Ализа Солтонбекованын буйругу менен Эркингүл Абдылдаеванын кызматы калыбына келтирилди. Ал министрликти Улукбек Кочкоров жетектеп турганда мекемеде... Читать дальше...

Кыргызстандын Борбордук шайлоо комиссиясы (БШК)  алдыдагы президенттик шайлоо жана башкаруу тартибин аныктоо боюнча референдумга карата бюллетендерди аймактарга жана чет жактагы добушканаларга 2-январда жиберди. БШКнын маалыматына караганда, Жалал-Абад, Ош, Баткен, Нарын, Ысык-Көл, Талас жана Чүй облустук, Бишкек жана Ош шаардык шайлоо комиссияларына, чет өлкөдөгү добушканаларга бюллетендерди кабыл алуу жана өткөрүп берүү актысына ушул күнү кол коюлду. Президенттик шайлоого карата жалпы 3 567 138 бюллетень даярдалды. Читать дальше...

Борбордук шайлоо комиссиясынын (БШК) үгүт иштери боюнча жумушчу тобу КТРКнын башкы директоруна 5 500 сомдук айыппул салуу, президенттик шайлоого талапкерлердин дебатынын үчүнчү күнүндөгү видеону "YouTube" хостингине кайра жүктөөгө милдеттендирүүнү сунуш кылды. Бул тууралуу жумушчу топтун мүчөсү Семетей Аманбеков «Азаттыкка» билдирди. Анын айтымында, жумушчу топ КТРКнын видеосунун порталга жүктөлүп, кайра өчүрүлүшү боюнча маселени 2-январда талкуулап, Боршайкомго ушундай сунуш берди. 30-декабрдын... Читать дальше...

Бириккен Араб Эмираттарынын (БАЭ) Дубай шаарында жетекчисинин өлүмүнө шек саналып жаткан 21 жаштагы кыргызстандык жигиттин соту уланып жатат.  Бул тууралуу «Азаттыкка» Кыргызстандын Дубайдагы консулу Айбек Маматбеков билдирди. Анын айтымында, келерки сот 27-январда болот. Териштирүү октябрда башталган.  Дубайдагы консулдук абактагы мигрант менен байланышып, сот жараяндарына көз салууда.  Кыргызстандык жигит катышкан окуя 2020-жылдын июнунда коронавирус пандемиясы күчөп турган мезгилде болгон. Читать дальше...

Казак саламаттык сактоо министри Алексей Цой "Pfizer/BioNTech" компаниялары иштеп чыккан вакцина өлкөдө быйылкы жылдын экинчи жарымында пайда болушу ыктымал деп билдирди. 3-январдагы брифингде Алексей Цой "Pfizer" компаниясы менен сүйлөшүүлөр жүргөнүн, бирок контракттын баасын ачыкка чыгара албастыгын белгиледи. Ал аталган дарыны Казакстанда каттоо, “өлкө ичинде коопсуздугун жана натыйжалуулугун текшерүү үчүн” тиешелүү документтерди компаниядан сурашканын кошумчалады. 1-январда Дүйнөлүк Саламаттык... Читать дальше...

Жонс Хопкинс университетинин 3-январдагы маалыматына ылайык, АКШда коронавирустан көз жумган адамдардын саны 350 миңден ашты. 20 миллион америкалык вирусту жугузуп алды. Жыл этегинен бери өлкөдө эки башка вакцина менен эмдөө жүрүп жатат. Биринчи кезекте медкызматкерлер менен карылар үйлөрүндө жашагандар, ал жерлерде иштегендер эмделүүдө. Бирок вакцинация программасынын башаламан жана жай жүрүп жатканын сындагандар да бар. 2-январга карата вакцинанын биринчи дозасы болгону 4,2 миллион адамга сайылды. Читать дальше...

3-январда Ирак башкалаасынын борбордук аянтына чогулган миңдеген киши былтыр ушул күнү болгон окуяларды эскеришти.

Беларустун Минск баш болгон бир нече шаарында 3-январда быйылкы жылкы биринчи нааразылык иш-чаралары өтүп жатат. Былтыркы август айынан бери жекшемби сайын Александр Лукашенконун президенттикке шайланышы жана коопсуздук күчтөрүнүн зомбулугуна каршы демонстрациялар тынбай келди. Чоң шаарлардын ар кайсы райондорунда бийлик иш жүзүндө тыюу салган ак-кызыл түстөгү улуттук желектерди көтөрүп чыккан демонстранттар демократияны, адилет шайлоону коргогон ураандарды чакырып жатышат. Беларустун Борбордук... Читать дальше...

Бишкекте жекшемби күнү «Мыйзамдуулук үчүн» деген акция уланды. Бул жолку иш-чара Кыргызстанда башкаруунун формасын аныктоо үчүн референдум жана мөөнөтүнөн мурун өтчү президенттик шайлоого бир жума калганда болду. Акцияга чыккандар буга чейин кайталап келатышкандай эле Конституцияны өзгөртүүгө каршы экенин билдиришип, парламентаризмди колдой турганын айтышты. Максат Жаныбеков Бишкекте ар жекшемби сайын өтүп жаткан «Мыйзамдуулук үчүн» акциясына достору менен келген. Ал өзү Германияда жашай турганын... Читать дальше...

Пакистандын түштүк-батышындагы Балучистан вилайетинде көмүр кенинде иштеген хазара улутундагы кенчилерге белгисиз жоочулар кол салып, аларды барымтага алган соң, 11 кенчини өлтүрүп салышканын 3-январда пакистандык бийликтер маалымдашты. “Алтүндөгү чабуулдун айынан бери дегенде 11 кенчи набыт болду”, – деп жергиликтүү полициянын өкүлү Нурулла маалымдады. Жарым аскердик топтун өкүлү Муаззам Али Жатойдун айтымында, бул чабуул Кветта шаарынан 48 чакырымдай чыгышыраактагы Мач көмүр кенинде болгон. Читать дальше...

Экономикалык кылмыштарга каршы күрөш боюнча мамлекеттик кызматтын (Финансы полициясы) жетекчиси Сыймык Жапыкеев Бишкек Жылуулук электр борборуна Кара-Кеченин көмүрү туура келбегенин айтып, ЖЭБдин курулушун кылгандар жоопко тартылаарын билдирди. Жапыкеев бул тууралуу “Фесбуктагы” баракчасына жазды. Ал Бишкекти каптаган түтүнгө салым кошуп жаткан ЖЭБге жагылган көмүрдүн сапаты начар деп эсептейт. Бишкек Жылуулук электр борборуна жылына 1 млн. 110 тонна көмүр керектелет. Бишкек ЖЭБинин жетекчилигинин маалыматына ылайык... Читать дальше...

Индия бийлиги сыноосу аяктай элек коронавирустун жергиликтүү вакцинасын колдонууга уруксат берди. Бул тууралуу "Hindustan Times" гезити жазды. Индиялык  Bharat Biotech дары-дармек өндүрүүчү коампаниясынын "Коваксин" дары заты организмге коронавирустун “өлгөн” фрагментин жеткирип, ага иммундук реакцияны чакырган классикалык схема менен таасир этет. Бул дары эки жолку сыноодон өтүп, өндүрүүчүлөр анын үчүнчү баскычына ыктыярчыларды тандап жатканын кабарлашкан. Саламаттык сактоо тармагындагы индиялык... Читать дальше...

Кыргызстандын жарандык активисттер жекшемби сайын борбор шаарда өткөрүп келе жаткан нааразылык жүрүш 3-январда мурдагыдай эле темир жол бекетинен башталып, Эркиндик гүлбагы аркылуу өтүп, борбордук Ала-Тоо аянтында тынч аяктады.

4-январда Кыргызстандын аймагында жаан-чачын жаабайт. Чүй, Талас, Ош, Жалал-Абад, Баткен облустарынын кээ бир райондорунда туман түшүшү мүмкүн. Жолдор тоңголок, тайгак болот. Батыш тараптан соккон шамалдын ылдамдыгы секундасына 4-9 метрге жетет. Абанын температурасы Чүй жергесинде түнкүсүн -12…-17, күндүз -2…-7; Талас облусунда түнкүсүн -12…-17, күндүз -1…+4; Баткен, Ош, Жалал-Абад дубандарында ​түнкүсүн -5…-10, күндүз -1…+4; Ысык-Көл облусунда түнкүсүн -5…-10, күндүз -1…+4; Нарын облусунда түнкүсүн -19…-24... Читать дальше...

"Инстаграм" тиркемесинде эң көп окурманы - 250 миллион катталуучусу бар эсеп италиялык футбол клубунун чабуулчусу Криштиану Роналдунуку болуп калды. 1985-жылы туулган теги португал спортчу Криштиану Роналду (Cristiano Ronaldo dos Santos Aveiro) италиялык "Ювентус" клубу жана португалиялык курама үчүн ойноп келет. Роналдунун көрсөткүчүн 382 миллион колдонуучусу бар "Инстаграмдын" өзүнүн расмий баракчасы гана басып өтөт. Белгилүү футбол жылдызынан кийин америкалык ырчы, «Грэмми» сыйлыгынын... Читать дальше...

Вице-премьер-министр Элвира Сурабалдиева жашы жете электерди зордуктагандардын тек жайы, сүрөтү топтолгон маалымат базасын түзүүнү сунуштады. Сурабалдиева мындай пикирин “Фейсбуктагы” баракчасына жазды. “Ушундай карта бизге да керек. Ар бир ата-эненин, жалпы эл-журтубуздун назарына чыгарбасак болбой калды. 13 жаштагы кызды бир нече эркек зордуктаганы далилденгенде, айылдаштары тескерисинче ал кыздын өзүн, ата-энесин күнөөлүү кылып салган учурга баарыбыз күбө болдук”, - деп жазды. Вице-премьер-министр... Читать дальше...

Таанымал кыргыз адабиятчысы, сынчысы Калык Ибраимов жаңы ырлар шиңгилин сунуштайт.

Кыргызстандын жарандык активисттер жекшемби сайын борбор шаарда өткөрүп келе жаткан нааразылык жүрүш 3-январда мурдагыдай эле темир жол бекетинен башталып, Эркиндик гүлбагы аркылуу өтүп, борбордук "Ала-Тоо" аянтында тынч аяктады. Жүрүшкө чыккандар “Мыйзамдуу өлкө”, “Референдумга жол жок!” деп ураан чакырып барышты. Бул жарандык активисттердин мыйзамдуулукту талап кылган онунчу жүрүшү болуп калды. Ар жекшемби сайын ондогон адамдар топтолуп, Кыргызстандын бийликтеринен Баш мыйзам, референдум, президенттик шайлоо... Читать дальше...

Кыргыздын элеттеги чакан айылдарынын тирилиги кандайча өтүүдө? "Азаттыктын" угарманы жана окурманы Адил Какеновдун блогу өзүнүн Кош-Дөбө айылына арналган.

Борбордук шайлоо комиссиясынын үгүт иштерине көз салган жумушчу топ президенттикке талапкер Садыр Жапаровдун Каракол шаарындагы эл менен жолугушуусундагы театрлаштырылган көрсөтмөнү үгүт эрежесин бузуу деп таап, расмий эскертүү берүүнү сунуштады. Сунуш Боршайкомдун жалпы жыйынында чечилет. Жумушчу топтун мүчөсү Семетей Аманбековдун айтымында, 2-январдагы отурумга талапкер Садыр Жапаровдун ыйгарым укуктуу өкүлү Александр Мощин да чакырылды. Мощин Жапаровдун жолугушуусундагы театрлаштырылган көрсөтмөнү штаб эмес... Читать дальше...

АКШлык мушкер титул үчүн беттеште Улуу Британиянын өкүлү Люк Кемпбэлл менен чыккан. Жетинчи раундда Райан Гарсия атаандашынын боор тушуна кубаттуу сокку уруп, аны нокаутка түшүргөн.

Ош шаарында радикалдуу диний агымдарга кирип кетпеши үчүн дүлөйлөргө жума баяндары уюштурулуп жатат. Бул тууралуу Мусулмандар дин башкармалыгынын басмы сөз кызматы маалымдады. Өткөн жума күнү шаарга жакын райондордон жалпы элүүдөн ашык адамга диний баян өткөрүлдү. Ош шаарынын «Мажүрүмтал» мечитинин имамы Медер Кадыровдун айтымында, аларга өзүнчө бөлмө бөлүнүп, котормочу аркылуу түшүндүрүлүп жатат. (TSh)

Кыргызстанда мамлекетти башкаруу формасын аныктоо боюнча кезектеги референдум 10-январда өтөт. Бул өлкө эгемендик алган 29 жылдагы сегизинчи жалпы элдик референдум. Мындай элдик добуш берүүлөр буга чейин кандай өткөн жана алардын сабагы кандай?

Балдардын муктаждыгы эмнеде? Алардын канчасын канааттандырдык? Түркияда байырлаган изилдөөчү Элмурат Кочкор уулунун жаш муундарды тарбиялоо жаатындагы кезектеги блог.

10-январга дайындалган референдумда Кыргызстандын башкаруу формасын аныктоого карата жалпы 14 үгүт тобу катталды. Борбордук шайлоо комиссиясынын (БШК) маалымдашынча, анын ичинде президенттик башкаруу формасы үчүн “макул” деп үгүттөөчү 8, президенттик башкаруу формасына “каршы” – 1, парламенттик башкаруу формасына “макул” 3, парламенттик башкаруу формасы үчүн “каршы” деп үгүттөөчү 1 жана бардык варианттарга каршы 2 үгүт тобу бар. Үгүт топторунун мамлекеттик телеканалдардан чыгуу эфиринин графигин бул жакта. Читать дальше...