Новости за 15.02.2021

Кыргызстандын Жогорку Кеңешинин  Укуктук тартип, кылмыштуулук менен күрөшүү жана жемкорлукка каршы аракет боюнча комитети 16-февралдагы жыйынында «Үй-бүлөлүк зомбулук менен күрөш чөйрөсүндөгү айрым мыйзам актыларына өзгөртүүлөрдү киргизүү жөнүндө» мыйзамдын долбоорун үчүнчү окууда карайт. Бул тууралуу Жогорку Кеңештин интернет барагында жазылды. Бул комитет долбоорду жактыргандан кийин парламенттик жалпы жыйынга чыгат, мыйзам күчүнө кириши үчүн аны Жогорку кеңеш колдоп, президент кол коюшу керек. Читать дальше...

Шавкат Мирзиёевдин тун кызы Саида Өзбекстандагы эң таасирдүү фигураларынын бирине айланууда. Айрымдар Саиданын саясий салмагын экс-президент Ислам Каримовдун азыр абакта отурган кызы Гүлнара Каримова менен салыштырат. 36 жаштагы Саида Мирзиёева расмий жолугушууларга көп катышат. Ал эл алдына чыгып сөз сүйлөп, өлкөнү кыдырып, чет мамлекеттерге каттайт. Үч баланын энеси Саида президенттин башка үй-бүлө мүчөлөрү менен бирге кайрымдуулук иштерине катышып, маданий жыйындарга да көп барат. Мирзиёеванын... Читать дальше...

15-февралда Дүйнөлүк Соода Уюмунун (ДСУ) башкы директорлугуна Нгози Оконжо-Ивеала айым  дайындалды. Теги нигериялык каржы адиси эл аралык уюмду жетектеген алгачкы айым жана африкалык ишмер болуп калмакчы. 66 жаштагы Оконжо-Ивеаланын (Ngozi Okonjo-Iweala)  талапкердигин ДСУга кирген 164 өлкөнүн көпчүлүгү колдоду. Ал бул кызматка 1-марттан баштап киришип, 2025-жылга чейин улантмакчы. Былтыр октябрда анын талапкерлиги сунушталганда, мурдагы АКШ президенти Доналд Трамптын бийлиги колдобой койгон. Читать дальше...

Кыргызстандын Финансылык чалгын кызматынын төрагасы Гүламжан Анарбаев өз каалоосу менен кызматтан кетип, анын ордуна Канатбек Тургунбеков дайындалды. Бул тууралуу мекеменин сайтында жазылды. Финансылык чалгындоо мамлекеттик кызматынын жаңы жетекчиси Канатбек Тургунбеков шайлоо учурунда президент Садыр Жапаровдун штабын башкарган. Ага чейин жыйынтыгы жокко чыгарылган 2020-жылдагы 4-октябрдагы парламенттик шайлоодо “Кыргызстан” партиясынын штабын жетектеген. Буга чейин 51 жаштагы Канатбек Тургунбеков... Читать дальше...

Кыргызстандын Ички иштер министрлиги Чүй облусунда абакта жатып алып,  телефон аркылуу ишкерлерди ири көлөмдөгү акчага алдаган шектүү кармалганын кабарлады. Мекеменин басма сөз кызматы ушул сыяктуу алдамчылык көп болуп жатканын эскертип, жарандарды сак болууга чакырды жана бир нече кылмыштын чоо-жайын кенен баяндаган маалымат таратты. Милициянын кабарлашынча, 26 жаштагы мурда бир нече жолу соттолгон Р. М. уулу аттуу шектүү 2020-жылы ишканалардын бирине чалып, буудай сатуу жана сатып алуу боюнча сүйлөшүү жүргүзөт. Читать дальше...

НАТОнун башкы катчысы Йенс Столтенберг талиптерди Ооганстандагы зордук-зомбулуктарды токтотууга чакырды. Ал 15-февралдагы маалымат жыйынында Ооганстандан коалициянын аскерлери чыгаруу өлкөдөгү абалдан көз каранды экенин билдирди. “Биздин жалпы максатыбыз белгилүү: Ооганстан эч качан биздин мекенге кол салган террорчулар башпааналаган өлкөгө айланбашы керек”, – деди Столтенберг. Түндүк Атлантикалык аскердик ынтымактын баш катчысы эч бир өлкөнүн аскерлеринин Ооганстанда белгиленген мөөнөттөн ашыкча калуу каалоосу жок экендигин... Читать дальше...

Бишкектин Биринчи май райондук соту пара талап кылууга шектелген “Кыргызалтын” ишканасынын жетекчиси Элмырза Үкүбаевдин бөгөт чарасын карап, 12-апрелге чейин Улуттук коопсуздук боюнча мамлекеттик комитеттин (УКМК) тергөө абагына камакка алуу чечимин чыгарды. Бул тууралуу УКМКнын басма сөз кызматы билдирди. Буга чейин атайын кызмат Үкүбаев алтын казуучу компаниялардын биринин директорлор кеңешинин мүчөсүн “кызматтан кетирем” деп коркутуп, айлыгынын бир бөлүгүн берип турууну талап кылган деп кармаган болчу. Читать дальше...

УКМК) “Кыргызалтын” ишканасынын жетекчиси Элмырза Үкүбаевди 100 миң сом пара алып жаткан убакта 12-февралда кармаган. Үкүбаев алтын казуучу компаниялардын биринин директорлор кеңешинин мүчөсүн коркутуп, айлыгынын бир бөлүгүн берип турууну талап кылгант. Видеону УКМК 15-февралда жарыялады.

Украинанын чыгышында жардыруудан үч жоокер набыт болду. Акыркы аптада эле Донбасстагы жаңжал талаасында беш украин жоокери каза болду. Учурда Сауд Арабиясында сапар менен жүргөн өлкө президенти Владимир Зеленскийдин кеңсеси жоокерлердин өлүмүнүн жагдайларын териштирүү үчүн коргоо министри жана Куралдуу күчтөрдүн башкы штабынын башчысы Донбасска жөнөтүлгөнүн кабарлады. Президент 15-февралда өлкөгө кайткан соң бул окуя боюнча аскер жетекчилеринин маалыматын угары кабарланды. Украинанын чыгышындагы... Читать дальше...

15-февралда Бишкекте өткөн митингдин катышуучулары президент Садыр Жапаровдон чек ара коопсуздугуна көңүл бөлүүнү суранышты. Активисттердин талаптарына өкмөт өкүлдөрү дароо жооп берип "Тажикстан менен чектеш аймакта жер тилкелери коңшу өлкөгө өтпөгөнүн" билдиришти.

Өкмөттүн Баткен облусундагы ыйгарым өкүлү болуп Өмүрбек Суваналиев дайындалды. Ал “Азаттык” менен болгон интервьюсунда чек ара маселеси курч турган облуста коопсуздук, аткезчилик көйгөйлөрүнө өзгөчө көңүл бурарын билдирди. Ошондой эле буга чейин бир нече жогорку кызматты ээлеген генерал эмне шарт менен жаңы кызматка барууга макул болгону тууралуу да айтып берди. "Азаттык": - Өмүрбек мырза бүгүн Баткен облусунун өкүлү болуп дайындалдыныз. Баткен өлкөдө эң маселеси көп, көйгөйлөрү көп, чек ара маселелери курч турган аймак. Читать дальше...

Улуттук коопсуздук боюнча мамлекеттик комитеттин (УКМК) Чек ара кызматы Баткендеги Паскы-Арык айылындагы Уч деп аталган жериндеги кыргыз-тажик чек арасынын такталбаган аймагында Тажикстандын жарандарынын көчөт отургузуу аракети 14-февралда токтотулганын кабарлады. Бул тууралуу мекеменин басма сөз кызматы маалымат таратты. Басма сөз кызматы тараткан маалыматкан ылайык, бүгүн 2021-жылдын 15-февралында кыргыз чек арачылары кыргыз-тажик мамлекеттик чек арасынын шарттуу сызыгына жакын жерден курулуш иштерин жүргүзүү аракетине бөгөт коюшту. Читать дальше...

Москвада жашаган төрт жашар Раяна чукул операцияга муктаж. Анын кулагына операция жасатып, имплант койдуруу керек. Ондогон жылдан бери Орусияда миграцияда жүргөн ата- эне кызына же полис ала албай, же орус ооруканаларында дарылатуунун чыгымын көтөрө албай кыйналып турат.

Араванда жазгы талаа иштери башталды. Пандемияда кичи бизнес баштаган элеттиктер. Аргымактын жаңы породасын чыгарган фермер. Чыгаан акын Зайырбек Ажыматовдун өмүр-таржымалы сахнада.

Кыргызстанда 11-апрелге белгиленген жергиликтүү кеңештердин депутаттарын шайлоо үчүн казынадан 422 млн. сом керектелет. Борбордук шайлоо комиссиясынын (БШК) 15-февралдагы отурумунда жергиликтүү шайлоонун чыгымынын эсеп-кысабы бекитилди. БШКнын төрайымы Нуржан Шайлдабекованын айтымында, чыгымдын эң көп бөлүгү - 212 млн. сом шайлоо тилкелериндеги кызматкерлердин маянасына жумшалат. Бишкек, Ош шаарларында шайлоого катышуу үчүн партиялар 50 миң сом күрөө акча коюшу керек. Калган шаарларда күрөө 20 миң сом деп белгиленген. Читать дальше...

Буга чейин атайын кызмат Оштогу адвокат Назгүл Сүйүнбаеванын үйүндө тинтүү жүргүзгөн. Адвокаттар муну кысым катары баалашууда. Атайын кызмат тинтүү мыйзам чегинде болгонун билдиришти. "Эртең баарынын үйүнө кирип барышат" 15-февраль күнү Ош шаарындагы бир нече адвокат басма сөз жыйынын өткөрүп, алардын ишине кысым болуп жатканын айтып чыгышты. Алардын бири — Зухра Абдрахманова. Ал УКМКнын кызматкерлери адвокат Назгүл Сүйүнбаеванын үйүн мыйзамсыз тинтүүгө алганын мисал келтирип, бул «жаман инцидент» болгонун айтууда... Читать дальше...

Бажыдагы коррупцияга айыпталган Райымбек Матраимовдун өлкөдөн 700 миллион доллар чыгарып кеткени боюнча тергөө уланууда. Анын чет өлкөлөрдөгү мүлкү текшерилип жатат. Бишкекте чек ара көйгөйлөрүн көтөргөн акция өттү. Өмүрбек Суваналиев өкмөттүн Баткен облусундагы ыйгарым укуктуу өкүлү болуп барды. Казакстан Карагандыда өндүрүлгөн коронавируска каршы орусиялык "Sputnik V" вакцинасын расмий каттоодон өткөрдү.

Бишкекте чек ара көйгөйлөрүн көтөргөн нааразылык акциясы өтүп, ага катышкандар Баткендин Ак-Сай айылында төмөнкү жайытты, Көк-Таш айылында такталбаган аймакты тажикстандыктар иштетип жатат деп нааразы. Өкмөттүн чек ара маселелери боюнча атайын өкүлү Назирбек Бөрүбаев айрым жер тилкелери Тажикстанга өтүп кеткени жөнүндө сөздөр негизсиз экенин, учурда чек араны тактоо жүрүп жатканын билдирди.

15-февралда Бишкекте өткөн митингдин катышуучулары Кыргызстандын куралдуу күчтөрүнүн жогорку башкы кол башчысы, президент Садыр Жапаровду чек ара коопсуздугуна көңүл бөлүп, тез арада чечкиндүү чараларды көрүүнү талап кылышты.   Баткенде чек ара маселелери улам көтөрүлүп, чек арага жакын айылдарда да, Бишкекте да бийликке талап коюп жыйындар өтүп жаткан учурда Баткенде облус жетекчиси, орун басары, район акими жана күч кызматтарынын облустук башкармалыктарында кадрдык алмашуулар жүрдү. Эми Баткен... Читать дальше...

Коронавирус пандемиясы бир катар ири спорттук, маданий иш-чараларды өткөрүүгө жолтоо болууда. Европа менен Америкада бул жолку карнавалдар да чектелип, кээ бир жерлерде оюн-зоокко тыюу салынды. Адатта бул маалда Бразилиядагы Рио-де-Жанейро же Германиядагы Кельн шаарларында карнавалдык майрамдар өтүп, бий жарыштары, параддар уюштурулчу. Быйыл эл чогулуп, майрамдык иш-чаралар өтчү ири жайлар эмдөө борборлоруна айландырылды. Айрым аземдер онлайн өткөнү жатат. Коронавирустан күнүнө миңдей кишинин өлүмү... Читать дальше...

Мьянмадагы туруксуз саясий жана эпидемиологиялык абалга байланыштуу 2022-жылкы Дүйнө чемпионатынын тандап алуу оюнунун алкагында 30-мартка белгиленген Мьянма–Кыргызстан беттеши башка мөөнөткө жылдырылды. Бул тууралуу Кыргызстандын футбол бирлиги уюму маалымдайт. Маалыматта оюндар июнь айында өткөрүлүшү мүмкүн экени айтылган. Андан сырткары Мьянма курама командасынын 25-мартка белгиленген Жапония курама командасы менен боло турган беттеши да кийинкиге жылдырылган. Калган оюндар кандай форматта өтөрү азырынча белгисиз. Читать дальше...

Дүйнө жүзүндө коронавируска каршы эмделгендердин төрттөн үч бөлүгүнөн ашууну өзгөчө камсыз болгон 10 мамлекетке таандык болуп жаткандыгына Дүйнөлүк саламаттык сактоо уюму менен ЮНИСЕФ кабатырланып, адилеттикти камсыз кылууга чакырды. Дүйнөлүк саламаттык сактоо уюму (ДССУ) менен Бириккен Улуттар Уюмунун Балдар кору болгон ЮНИСЕФтин жетекчилери өткөн аптада кайрылуу жасап, COVID-19 илдетине каршы вакцина түрлөрүн өндүрүүнү тездетүүгө жана өндүрүлгөн эмдөө заттарын дүйнө жүзүндө калыстык менен бөлүштүрүүгө чакырышты. Читать дальше...

Алдын ала маалыматка ылайык, Кыргызстандын курама командасынын оюну июнь айына жылдырылды. Мьянмада төңкөрүштөн соң бир жылга өзгөчө абал жарыяланган.

Бүгүн, 15-февралга карата кыргыз-өзбек мамлекеттик чек арасында абал туруктуу. Бул тууралуу Чек ара кызматынын басма сөз кызматы билдирди. Маалыматка караганда, 14-февралда Баткен районунун Суу-Башы деп аталган жеринде Кыргызстандын Баткен жана Өзбекстандын Сох багыттары боюнча чек ара өкүлдөрүнүн жолугушуусу болуп өткөн. Жыйынтыгында өзбек тарап тактала элек тилкеге 14-февралда орноткон үч темир-бетон электр мамысы кайра алынган. Өзбек тараптын расмий органдары бул тууралу комментарий берише элек. Читать дальше...