Тажикстандын президенти Эмомали Рахмон 7-апрелде Согд облусуна иш сапар менен барды. Андан ары ал Ворух анклавын кыдырп, жергиликтүү эл менен жолугары кабарланды. Бир катар талдоочулар чек ара маселеринен улам Рахмондун бул сапарын "саясий кадам" деп баалап жатышат.
Премьер-министр Улукбек Марипов мажбурлап никеге туруу үчүн кыздарды ала качуу кылмыш экенин жана ал үчүн жазалоо каралганын билдирди. Бул тууралуу Марипов Бишкекте Айзада Канатбекова уурдалып, өлтүрүлгөндөн кийин комментарий берип, «бул иш-аракет адамга каршы жана аны актоого негиз жок», - деп кошумчалады. Өкмөт башчы Марипов каргашалуу окуяны «элдин жалпы кайгысы» деп, күнөөлүүлөр адилет жана катаал жазага тартыларын убада кылды. «Биз биргелешип иш алып баруу менен гана аялдардын укуктарын коргоп, басмырлоого каршы тура алабыз. Читать дальше...
Бул жеңиш Кыргызстандын дзюдо тарыхында Азия жана Океания чемпионатында алтын байге алган алгачкы учур болду.
Бишкекте уурдалган кыздын сөөгү табылды. Бул окуядан улам социалдык желеде милициянын ыкчам иштебегенине нааразылык күчөдү. Шаардык ички иштер башкармалыгы кабарлагандай, аны уурдаган деп шек саналган 31 жаштагы киши кызды муунтуп өлтүрүп, андан кийин өзүнө да бычак сайып каза болгон. Кыздын дайын-дареги чыкпай жатканы тууралуу маалыматты басылмалар 7-апрелде жазышкан. Баштапкы кабарларга ылайык, 27 жаштагы кызды Бишкектин Тыныстанов менен Медеров көчөлөрүнүн кесилишинен белгисиз адамдар ала качышкан. Читать дальше...
Бишкектин криминалдык милициясынын кызматкерлери борбор калаада кызды уурдоого шек саналгандардын бирин кармады. Бишкек шаардык ички иштер башкармалыгынын маалыматына караганда, 29 жаштагы (Р.А.) шектүү колго түшүрүлүп, шаардык милициянын убактылуу кармоочуна жайына киргизилди. Ошондой эле милициянын ыкчам кызматкерлери кызды уурдоого катышкан дагы эки адам тууралуу маалыматтарды аныктады. Ушул тапта алардын жүргөн жерин аныктоо, кармоо иштери жүрүп жатат. 5-апрелден бери дайынсыз болуп жаткан... Читать дальше...
Тышкы иштер министри Казакбаев V Көчмөндөр оюндарын 2024-жылы Кыргызстанда өткөрүү керектигин айткан.
Аталган штабдын координатору Ирина Фатьянова полиция экстремисттик адабият жана тыюу салынган үгүт баракчалары сакталган деген маалымат боюнча кеңсеге келгенин билдирди. Мындан башка полиция кеңседегилерден алардан алдыдагы макулдашылбаган саясий акцияга катышарын текшерген. Полиция кызматкерлери Навальныйдын штабына кайсы бир жарандын арызы боюнча келишкенин белгилешкен. Оппозиционер саясатчынын тарапташтары бир күн мурун Навальныйды колдоо боюнча баракчалар кеңсеге жеткирилгенин айтышты. Алар... Читать дальше...
"Forbes" журналы дүйнөдөгү эң бай адамдардын жаңы тизмесин жарыялады. Сап башына "Amazon" компаниясынын негиздөөчүсү Жефф Безос чыкты. Миллиардерлердин жалпы капиталы пандемияга карабай 5 триллион долларга көбөйдү. Быйыл эң байлардын катарына Казакстандан жаңы адамдар кошулду. Пандемияда байлар көбөйдү Акыркы бир жылда коронавирус дүйнөлүк экономиканы аксатып койгону менен миллиардерлердин көбөйүшүнө тоскоолдук жараткан жок. Америкалык "Forbes" журналы 6-апрелде жарыялаган жаңы тизмеге ылайык... Читать дальше...
Мурдагы айыл чарба жана мелиорация министри, былтыркы октябрь окуяларынын катышуучусу Тилек Токтогазиев жаңы бийликтин реформа кылуу мүмкүнчүлүгү жокко чыкканын айтты. Ал 7-апрелде «Азаттык» радиосунун «Эксперттер талдайт» берүүсүндө сүйлөп жатып кайра эле эски система иштеп жатканын сынга алды. «Бийлик конституциялык реформа жасабай экономика менен алектенип инвестиция тартып келиш керек болчу. Андан тышкары күчтүү кадрларды кызматка алып келбесек Кыргызстанды туңгуюктан чыгарыш оор болот». ... Читать дальше...
Токсонго жакын кишинин өмүрү кыйылган 7-апрель окуясына быйыл 11 жыл болду. Кыргызстанды башкарган Аскар Акаев 2005-жылы март ынкылабында, Курманбек Бакиев болсо 2010-жылы элдик толкундоодо чет мамлекетке кетүүгө аргасыз болушкан. 11 жыл мурдагы Апрель окуясынан кийин бийликке келген төрт президенттин экөө: Алмазбек Атамбаев камалып, Сооронбай Жээнбеков мөөнөтүнөн мурда кызматтан кетти. Бийликке келгендер тарыхтан сабак алып жатабы?
Президент Садыр Жапаровдун кеңешчиси Арслан Капай уулу бийлик айтылган сын-дооматтарды эске алууга аракет кылып жатканын билдирди. Бул тууралуу ал 7-апрелде «Азаттык» радиосунун «Эксперттер талдайт» берүүсүндө айтты. Арслан Капай уулу Кыргызстандагы демократиянын жана сөз эркиндигинин абалы «Freedom House» уюму, АКШ кооптонгудай абалда эмес деп эсептейт. «Демократиялык маанай, сөз, ой эркиндиги үстөмдүк кылып турушу керек. Бийликтин узурпация болбошуна шарт түзгөн эң негизги кепилдиктер ушулар». Читать дальше...
Бишкектеги көчөлөрдүн биринен уурдалган 27 жаштагы Айзада Канатбекованын сөөгү табылды. Бишкек шаардык ички иштер башкармалыгы кабарлагандай, аны уурдаган деп шек саналган 31 жаштагы киши кызды муунтуп өлтүрүп, андан кийин өзүнө бычак сайып каза болгон. Милициянын маалыматына ылайык, 7-апрелде Аламүдүн райондук милициясына Арашан жана Чокморов айылдарына жакын жердеги талаада автоунаада аялдын жана эркектин сөөгү табылганы тууралуу маалымат түшкөн. Окуя болгон жерге милиция кызматкерлери барып... Читать дальше...
83 миллион адам жашаган Түркияда 17 миллиондон ашык адам коронавируска каршы эмдөөдөн өттү. Жыл башынан бери атайын түзүлгөн тизмеге ылайык алгач мугалимдер, полиция кызматкерлери жана дарыгерлер чукул эмделген. Бул апта 60-65 жаштагы адамдар эмделе баштады. Түркиянын Саламаттык сактоо министрлиги акыркы эки айдын ичинде өлкөдө 17 миллиондон ашык адам коронавируска каршы акысыз эмделгенин билдирди. Кытайлык "CoronaVac" вакцинасынын алгачкы үч миллион дозасы Түркияга былтыр 30-декабрда жеткирилген. Читать дальше...
Кыргызстанда апрель окуяларынын 11 жылдыгы эскерилди. 2010-жылы ошол кездеги президент Курманбек Бакиевдин үй-бүлөлүк, кландык-криминалдык бийлигине каршы чыккан элге ок атылып, 90дой жаран жан берген. Курманбек Бакиев 2010-жылдагы ыңкылапта үй-бүлөсү менен өлкөдөн качып, Беларустан башпаанек тапкан. Андан бери Кыргызстанда төрт президент алмашып, көтөрүлгөн элдин күчү менен бийлик 2020-жылдын октябрында дагы бир жолу алмашты. Он бир жыл мурун коюлган максаттар аткарылдыбы? Апрель окуясынын катышуучулары... Читать дальше...
Кыргызстандык спортчу Владимир Золоев ушул күндөрү Бишкекте өтүп жаткан дзюдо боюнча Азия жана Океания чемпионатында алтын байге алды. Бүгүн, 7-апрелде 81 килограммга чейинки салмакта татамиге чыккан Золоев финалда түштүк кореялык Ли Мун Жинди жеңди. Ага чейин кыргыз дзюдочусу үч беттеш өткөргөн. Алгач жарым чейрек финалда сириялык Мохаммад Касемди иппон менен жеңди. Чейрек финалда түштүк кореялык Сунгхо Лини дагы иппон менен жыкты. Жарым финалда монголиялык дүйнө чемпиону Саид Моллаеини жеңип, финалга жолдомо алган эле. Читать дальше...
Кыргызстанда Апрель окуяларынын 11 жылдыгы эскерилди. 2010-жылы Бакиевдин үй-бүлөлүк, кландык-крминалдык бийлигине каршы чыккан элге ок атылып, сексенден ашык жаран жан берген. Андан бери Кыргызстанда 4 президент алмашып, 2020-жылы октябрь окуяларында бийлик дагы бир жолу көтөрүлгөн элдин күчү менен алмашты. Он бир жыл мурун коюлган максаттар аткарылдыбы? Апрель окуясынын катышуучулары, анда курман болгон адамдардын жакындары эмне дешет?
Ден соолугу начарлап, түрмөнүн ооруканасына түшкөн Алексей Навальныйга орус бийлиги сырттан дарыгерлерди киргизбей жатат.
Кыргызстан менен Тажикстандын өз ара дурус коңшулук жана достук кызматташтыгын бөпөлөп сактоо, ар кыл чагымчыл аракеттерден өз убагында коргоо зарыл. Блогчу Аким Кожоев ой бөлүшөт.
Жогорку Кеңештин тиешелүү комитети 6-апрелде Ысык-Көлдө кумаркана салууга жол ачкан мыйзам долбоорун колдоду. Документтин авторлору анда казино оюндарына чет өлкөлүктөр гана киргизилет деген жобо бар экенин айтып, казынаны толтурууга кошумча киреше болот деп негиздеп келет. Бишкек шаарынын тургуну Марат Салбаев баш калаада кумарканалар көмүскөдө, жашыруун иштеп жатканын айтып берди. Ал жакында эле казиного барып, 100 миң сомун уттуруп жиберген. “Чогултуп жүргөн акчам болчу. Ага чейин 3-4 жолу барып утуп чыккам. Читать дальше...
Кошмо Штаттары өнөктөштөрү менен 2022-жылы Бээжинде өтчү кышкы Олимп оюндарына бойкот жарыялоону талкуулаганы жатат. Бул тууралуу АКШнын Мамдепартаменттинин басма сөз өкүлү Нед Прайс билдирди. Анын айтымында, жамаатык негизде бойкот жарыялоо бир эле Вашингтондун эмес, анын саясий үзөңгүлөштөрүнүн жана өнөктөштөрүнүн кызыкчылыгын да көздөйт. Прайс соңку мезгилде Кытай бийлиги жапырт түрдө адам укугун бузуу тууралуу айыптоодон улам Бээжин Олимп оюндарына кандай мамиле жасалышы керек деген маселе талкууланып келе жатканын айтты. Читать дальше...
AstraZeneca өз вакцинасын жашы жете элек балдар арасында сыноону убактылуу токтотконун жарыялады. Ал тапта Британия, Европа жана Дүйнөлүк саламаттык сактоо уюмунун тиешелүү мекемелери бул вакцина жөнүндө акыркы маалыматтарды, препараттын тромбоздун сейрек фомасы менен ыктымал байланышын текшерип жатышат. Европанын медицина агенттиги (EMA) 6-апрелде билдиргенине караганда, ал вакцина тромбдун пайда болушуна (кандын уюп, кан тамырларын тосуп калышына) алып келери аныктала элек. Агенттик жуманын аягында пресс-конференция өткөргөнү жатат. Читать дальше...
Кыргызстанда COVID-19 илдетин жугузуп алган медицина кызматкерлеринин саны кайра көбөйгөнү байкалууда. Коронавируска каршы күрөш боюнча республикалык штабдын 7-апрелге карата статистикасына таянсак, акыркы бир сутка ичинде өлкөдө вирус сегиз кызматкерден аныкталды. Алардын үчөө Бишкекте, экөө Ош шаарында иштегендер. Ысык-Көл, Чүй, Талас облустарында бирден учур табылды. Ушуну менен Кыргызстанда коронавирус пандемиясы башталган 2020-жылдын март айынан бери оору 4282 медкызматкерге жугуп, анын 4215и айыгып чыкты. Читать дальше...
Йемендин кемеказыгында көптөн бери токтоп турган Ирандын Ислам революциясынын сакчылар корпусу пайдаланчу кеме Кызыл Деңизде жабыркады. Сакчылар корпусу менен байланышы бар Tasnim агенттиги 6-апрелдин кечинде кеме минага урунганын кабарлады. Анда кеме Ирандын соода кемелерин деңиз каракчылыгынан коргоп, коштоп жүрүү үчүн жиберилип, бир топ жылдан бери Кызыл деңизде турганы айтылды. Ирандын тышкы иштер министрлигинин өкүлү бул маалыматты ырастап, соңку окуяны “чабуул” деп атады: “Жибуттинин жээгинде шейшемби күнү эрте менен жарылуу болду.
Кыргызстан Мусулмандар дин башкармалыгы (муфтият) Аалымдар кеңеши менен биргеликте быйылкы Рамазан айындагы битир-садаганын өлчөмүн бекитти. Бул тууралуу муфтияттын басма сөз кызматы 7-апрелде билдирди. Маалыматка караганда, быйыл битир-садаганын орточо баасы киши башына 40 сом деп бычылды. Садага-битир 1,6 килограмм буудай (40 сом), ун (56 сом), мейиз (640 сом) же 3,2 килограмм арпа (64), курманын баасы (512 сом)менен эсептелди. Же булардын акчалай наркы берилет. Муфтияттын билдирүүсүндө... Читать дальше...
“Бүтүн Кыргызстан” саясий партиясынын лидери Адахан Мадумаров президент жана өкмөттүн иш башкармалыгынын атайын ооруканасында дарыланып чыкты. Аталган партиянын өкүлү учурда саясатчынын абалы туруктуу экенин ырастады. Ал Мадумаров он күндөй дарыланганын айтып, бирок эмне болуп ооруганын ачыктаган жок. АКИpress агентиги анын канындагы канттын деңгээли жогорулап кеткенин жазды. Мадумаров соңку президенттик шайлоодо 6% ашуун добуш алып, маарага экинчи келген. Саясатчы шайлоонун жыйынтыгын тааныбай... Читать дальше...
