Новости за 18.04.2022

Жогорку Кеңештин депутаты Элвира Сурабалдиева "Агроөнөр жай комплексин кредиттөө" долбоору боюнча жеңилдетилген насыя ала турган компаниялардын арасында өкмөт мүчөлөрдүн, депутаттардын компаниялары бар экенин билдирди. Эл өкүлү бул тууралуу Бюджет, экономикалык жана фискалдык саясат боюнча комитетинин отурумунда айтып, муну кызыкчылыктар кагылышы деп атады.  Анын айтымында, кайра иштетүүчү 73 ишканага 3,8 миллиард сом насыя берүү каралган. Бул мамлекеттик карызды тейлөөдөн түшкөн каражаттар. "Бул жерде белгилүү инсандардын... Читать дальше...

Президенттин иш башкармалыгы жаңы Ак үйдү "TS Group" компаниясы курарын бышыктады, бирок анын ордуна берилчү 16 гектар жердин дарегин дагы эле ачык айта элек. Мамлекет башчы Садыр Жапаров өткөн аптанын аягында Бишкекте мурдагы Ысык-Көл мейманканасынын ордуна курулганы жаткан президенттик администрациянын имаратынын пайдубалын түптөөгө катышкан. Кийинчерээк жаңы Ак үйдү кыргызстандык компания курарын, анын ордуна шаардан 16 гектар жер берилип жатканын жарыялаган. Анын бул билдирүүсү коомчулукта чоң талаш-талкуу жаратты. Читать дальше...

Президент Садыр Жапаровдун жарлыгы менен Жалал-Абад облусунун Сузак райондук сотунун судьясы Иматилла Жолдошов кызматынан бошотулду.  Президенттин басма сөз кызматы билдиргендей, 65 жаштагы Иматилла Жолдошов ушул жылдын 21-мартында курагынын чегине жеткендигине байланыштуу кызматынан алынганы айтылат. Президент Садыр Жапаров былтыр 21-апрелде Сотторду тандоо кеңешинин сунушу менен Чүй, Ош жана Жалал-Абад облустарынын кээ бир райондук сотторунун судьяларын дайындаган. Алардын катарында Иматилла Жолдошев да болгон. Читать дальше...

Жүк ташуучу унаалардын Казакстандын чек арасынан өтө албай, кезек күтүп турганына бир аптадан ашты. Кыргыз өкмөтү Евразия экономикалык биримдигинин шарттарын аткарбай жатат деп казак тарапты айыптоодо. Коңшу өлкөнүн бийлиги бул боюнча үн ката элек. Кабарчыбыз Токтосун Шамбетов Кыргызстан менен Казакстандын чек арасындагы “Ак-Тилек” өткөрмө бекетине барып келди.

Саламаттык сактоо министрлиги Ош облусунда жана шаарында 25 тиш дарылоочу жай лицензиясы жок иштеп жатканы аныкталганын айтты. 18-апрелде берилген маалыматка ылайык, аларга 135 миң сом өлчөмүндө айып пул салынган. Мындан сырткары медициналык лицензиясы жок иш жүргүзгөн адамдарга чара көрүү үчүн топтолгон маалыматтар укук коргоо органдарына өткөрүлүп берилет. Тиш дарылоочу жайларды текшерүү саламаттык сактоо министри Алымкадыр Бейшеналиевдин тапшырмасы менен жүргүзүлгөн. Буга чейин министрлик... Читать дальше...

18-апрель - Эл аралык эстеликтер жана тарыхый жайлар күнү. Бул күндү утурлай, белгилүү археолог Кубат Табалдиев “Азаттыкка” байыркы шаар калдыктарын көрсөтүп, тарыхый эстеликтердин абалы жөнүндө маек курду.

Казакстандын чек арасындагы жүк ташуучу машинелердин тыгыны бир аптадан ашык убакыттан бери чечиле элек.  Кыргызстан Казакстанды айыптап, коңшу өлкө жүк ташууда Евразия экономикалык биримдигинин (ЕАЭБ) шарттарын аткарбай жатканын айтууда. Казак бийлиги жүк ташуудагы маселеде комментарий бере элек. Кезерип кезек күткөн айдоочулар Кыргыз-казак чек арасындагы “Ак-Тилек” өткөрмө бекетиндеги жүк ташуучу автоунаалардын тыгынынын узундугу Нарын-Торугарт жолунда 6-7 чакырым, андан кийин өткөрмө бекетке чейин 2-3 чакырымды түзөт. Читать дальше...

Улуттук коопсуздук органдарынын ишин жөнгө салуу боюнча сунушталып жаткан жаңы мыйзамдардын биринин долбоору Орусиядан көчүрүлүп алынганы тууралуу маселе 18-апрелде Жогорку Кеңештин Эл аралык иштер, коргонуу, коопсуздук жана миграция комитетинин жыйынында көтөрүлдү. Депутат Таалайбек кызы Жылдыз тышкы чалгын ишмердүүлүгү жөнүндөгү мыйзам долбоорун мисал келтирип, редакциялык каталар бар экенин айтты: “Орусиянын мыйзамын база катары ала турган болсок, келгиле, биздин мыйзамдын редакциясын эч болбогондо туура кылалы. Читать дальше...

Улуттук коопсуздук боюнча мамлекеттик комитеттин (УКМК) кызматкерин кайсы бир маселе боюнча жарандарды кармап же кайрыла турган болсо кызматтык күбөлүгүн көрсөтүүгө милдеттендирген норма бүгүн 18-апрелде Жогорку Кеңештин Эл аралык иштер, коргонуу, коопсуздук жана миграция комитетинин жыйынында талкуу жаратты. Депутат Дастан Бекешев күбөлүктү көрсөтүүгө милдеттендирүүчү норма 2011-жылдан бери иштеп келе жатканын, эми УКМК аны жоюуну сунуш кылганын билдирди: “Мен оюмдан чыгарган жокмун. Азыр иштеп жаткан мыйзамда ушундай норма бар. Читать дальше...

Министрлер кабинетинин төрагасы Акылбек Жапаров мамлекеттик органдарга кеңсе кагаздарын пайдаланууну эки эсе кыскартууну жана электрондук документ жүгүртүүгө өтүүнү тездетүүнү тапшырды. Бул тууралуу өкмөттүн басма сөз кызматы кабарлады. Маалыматка караганда, бул чара учурдагы керектөөнү 50% кыскартып, өлкө казынасы жылына 112 млн. сомго жакын үнөмдөлөт. "Акылбек Жапаров биологиялык түрдүүлүктү сактоо жана экологияга келтирилген зыянды азайтуу максатында электрондук документ жүгүртүүгө өтүүнү тездетүү зарылдыгын белгиледи. Читать дальше...

Баткен районунда кыргыз-тажик чек арасында химиялык жер семирткич жана жашылча-жемиштерди мыйзамсыз алып өтүүгө аракет кылгандар кармалганын УКМКнын Чек ара кызматы 18-апрелде кабарлады. Маалыматка караганда, аткезчилик менен кармалгандар Кыргызстандын жарандары.  Мыйзамсыз жүк жалпысынан 500 миң сомго бааланып, андан ары тергөө иштерин жүргүзүү үчүн тиешелүү кызматтарга өткөрүлүп берилген. Баткен аркылуу коңшу өлкөлөр Кыргызстандан аткезчилик жолу менен негизги тамак-аш азыктарын ташууга аракет... Читать дальше...

Жогорку Кеңештин Бюджет, экономикалык жана фискалдык саясат боюнча комитети бүгүн, 18-апрелде өкмөттүн "ишкердик субъектилерине текшерүү жүргүзүү укугу бар ыйгарым укуктуу органдардын тизмесин жаңыртуу" демилгесин карады. Министрлер кабинети ишкерлерди текшерүүгө укуктуу мамлекеттик органдардын жаңы тизмесин сунуштоодо. Ага 15 мекеме кирген, мурда 11 болчу. Экономика жана коммерция министринин орун басары Айнура Усенбекованын белгилешинче, өкмөттүн структурасы өзгөргөндөн кийин айрым мекемелердин укугу жоголуп кеткен. Читать дальше...

Жогорку Кеңештин “Бүтүн Кыргызстан” фракциясынын лидери Адахан Мадумаров тыңшоого кабылып жатканын айтып, Улуттук коопсуздук боюнча мамлекеттик комитетти (УКМК) айыптады.  Бүгүн 18-апрелде парламенттин Эл аралык иштер, коргонуу, коопсуздук жана миграция комитетинин жыйынында УКМКнын ишине байланыштуу мыйзам долбоорлору талкууланып жатканда ал мыйзамсыз тыңшоо үчүн жаза чарасы каралышы керектигин айтты: “Мен дайыма бир жерден барып ооз ачам. Ошол жерден дагы силердин аппаратыңар чыкты. Бул уят. Аппаратты мага чөнтөгүмө эле салып бергиле. Читать дальше...

Машинанын алдыңкы каптал айнектерин караңгылатууга бир жылдык уруксат алуу үчүн 80-120 миң сом акы төлөө сунушталууда. Экономика жана коммерция министрлигинин тийиштүү мыйзам долбоору коомдук талкууга коюлду. Айнекти караңгылатууга уруксат жеңил машиналарга гана берилмей болуп жатат. Бирок такси айдагандарга мындай уруксат жок. Уруксаты жоктор кармалса, 20-40 миң сом айыппул төлөөгө милдеттүү. Ал эми арткы айнектерди караңгылатууга уруксат буга чейин эле бар болчу. Алдыңкы айнектер боюнча сунушту... Читать дальше...

Президент Садыр Жапаров 19-20-апрелде Азербайжандын президенти Ильхам Алиевдин чакыруусу менен Баку шаарына барат. Бул тууралуу президенттин администрациясынын тышкы саясат бөлүмүнүн башчысы Жээнбек Кулубаев билдирди. Расмий иш сапардын алкагында Садыр Жапаров Азербайжандын президенти Илхам Алиев менен эки тараптуу сүйлөшүүлөрдү өткөрөт. Мамлекет башчылары эки жана көп тараптуу кызматташуунун актуалдуу маселелерин, ошондой эле натыйжалуу өз ара аракеттенүүнү жолго коюнун жана өнүктүрүүнүн келечегин талкуулашат. Читать дальше...

Балыкчыда аскерде ок тийген жоокер Бишкекте ооруканада жатканын бүгүн 18-апрелде Коргоо министрлиги билдирди. Окуя 9-апрелде №20636 аскер бөлүгүндө болгон. Мекеменин басма сөз кызматынын маалыматына караганда, аскерлердин бири кокусунан чыгарган ок башка аскерге тийген. Жараат алган жоокердин абалын дарыгерлер канааттандырарлык деп баалап жатышат. Окуя боюнча кызматтык иликтөө жүрүүдө, материалдар Балыкчы гарнизонунун аскердик прокуратурасына өткөрүлүп берилген.  2019-жылы Кыргызстанда аскерде... Читать дальше...

Касымалы Жантөшев атындагы Ысык-Көл облустук музыкалык драма театрына Кыргыз Республикасынын эмгек сиңирген артисти Темирлан Сманбеков жетекчи болуп дайындалды. Маалыматты аталган театрдан билдиришти. Сманбеков мурда Муса Жангазиев атындагы куурчак театрынын директору, Бакен Кыдыкеева атындагы жаш көрүүчүлөр театрынын директору болуп иштеген. Клавдий (“Гамлет”), Антоний (“Антоний менен Клеопатра”), Мусулманкул (“Курманжан датка”) сыяктуу образдарды жараткан. 2021-жылы “Бүтүн Кыргызстан” саясий... Читать дальше...

Ысык-Көл облусундагы “Асман” шаары түшө турган аймак кайра каралууда. Бул тууралуу шаарды куруу дирекциясынын башкы директору Руслан Акматалиев  "Азаттыкка"  билдирди. Анын айтымында, шаар түшө турган жердин орду Тимур Файзиев дирекцияга жетекчи болуп турган учурда өзгөртүлгөн. Учурда Чырпыкты айылына жакын жер дагы альтернатива катары каралууда. "Тимур Файзиев башкы директор болуп турганда ошол жакка көчүрүп коюптур. Бирок биз азыр ал жакка эмнеге которулганын изилдеп чыгабыз. Так маалымат ошондо айтылат". Читать дальше...

Ирандын президенти Ибрахим Раиси өлкөнүн куралдуу күчтөрүнүн 18-апрелдеги жылдык парадында Израилге эскертүү берди. Ал эгер Израил Иранга каршы кандайдыр бир аракетке өтө турган болсо, Ислам жумуриятынын күчтөрү бул өлкөнү бутага аларын эскертти. Бирок ашынган консерватор катары таанымал президент Иран кандай чараларды көрөрүн так айткан жок. Болгону расмий Тегеран Израилдин иш-аракетине "жакындан" көз салып жатканын белгиледи. Иран 1979-жылдагы ислам революциясынан бери Израилдин көз карандысыздыгын... Читать дальше...

81 жаштагы Ракия Шершенова - “Кыргызфильм” киностудиясынын алгачкы киномонтажеру, Кыргыз Республикасынын маданиятына эмгек сиңирген ишмер. Ал “кыргыз кереметин” жараткан таланттуу киносценаристтердин, кинорежиссерлордун, актерлордун экрандын артындагы ишенимдүү таянычы болуп келген. “Азаттыкка” курган “сыябан-маекте” монтажерлук кесиптин күчү жана ал аркылуу тапкан Чыңгыз Айтматов, Шаршен Усубалиев, Мелис Убукеев, Төлөмүш Океев, Лилия Турусбекова, Динара Асанова, Алгимантас Видугирис, Төлөмүш Океев... Читать дальше...

19-апрелде түнкүсүн Талас, Баткен облустарынын тоолуу райондорунда жаан, бийик тоолуу аймактарда кар жаайт, калган жерлерде жаан-чачын жаабайт. Күндүз Баткен, Талас облустарынын кээ бир райондорунда, Чүй, Жалал-Абад облустарынын тоолуу аймактарында маал-маалы менен жаан жаап, күн күркүрөшү, бийик тоолуу райондордо кар жаашы мүмкүн. Калган аймактарда жаан-чачын жаабайт. Бийик тоолуу райондордо жолдор тайгак болот. Батыш тараптан келген шамалдын ылдамдыгы секундасына 4-9 метрге жетет. Абанын температурасы... Читать дальше...

Казакстан кыргыз-казак чек арасынан казак тарапка оор жүк ташуучу машинелерди  өткөрүүнү 18-апрелге караган түнү төрт саат бою токтотуп койгонун Кыргызстандын Чек ара кызматы билдирди. Мекеменин маалыматына караганда, мындай көрүнүштөр улам кайталанып жатат. “Казак тарап транспорт каражаттарын өткөрүүнү улам токтотуп коюуда. Мисалы, 18-апрелде саат 3:30дан 7:30га чейин машиналар өткөрүлгөн жок”,-деп айтылат Чек ара кызматынын маалыматында. Мекеме 18-апрелдин саат 11ине карата "Ак-Тилек" бекетинде... Читать дальше...

18-апрелге караган түнү Түркиянын күчтөрү Ирактын түндүгүндөгү Күрд жумушчу партиясынын (КЖП) куралдуу топторуна каршы жаңы операциясын баштады. Бул тууралуу Түркиянын коргоо министри Хулуси Акар билдирди. Маалыматка ылайык, алгач Түркиянын аскердик учактары жана артиллериясы күрт күчтөрүнө таандык деген позицияларга сокку урган. Аны улай жөө түрк аскерлери чек аралаш аймактарга өтүп кирген. Акардын айтымында, Түркиянын аба күчтөрү күрт кошуундарынын баш калкалоочу жайларына, үңкүрлөрүнө, курал-жарак кампаларына "ийгиликтүү" сокку урган. Читать дальше...

Белгилүү агартуучу Ишеналы Арабаев түзгөн алгачкы “Алиппеге” быйыл 98 жыл болду. Адегенде татар, андан кийин араб, латын, кириллица арибдеринин негизинде даярдалып келе жаткан “Алиппенин” учурда 16-жолу өзгөргөн варианты окутулууда. Кат сабатты жоюудагы биринчи окуу куралы “Алиппенин” таржымалы жана анын бүгүнкү деңгээли тууралуу “Азаттыктын” суроолоруна Педагогикалык кызматкерлерди кайра даярдоо институтунун директору Алмазбек Токтомаметов жооп берди. Жапырт сабатсыздыкты жойгон алгачкы "Алиппелер"... Читать дальше...

Белгилүү агартуучу Ишеналы Арабаев түзгөн алгачкы “Алиппеге” быйыл 98 жыл болду. Адегенде татар, андан кийин араб, латын, кириллица арибдеринин негизинде даярдалып келе жаткан “Алиппенин” учурда 16-жолу өзгөргөн варианты окутулууда. Кат сабатты жоюудагы биринчи окуу куралы “Алиппенин” таржымалы жана анын бүгүнкү деңгээли тууралуу “Азаттыктын” суроолоруна Педагогикалык кызматкерлерди кайра даярдоо институтунун директору Алмазбек Токтомаметов жооп берди. Жапырт сабатсыздыкты жойгон алгачкы "Алиппелер"... Читать дальше...