Новости за 14.05.2022

Кыйноолордун алдын алуу боюнча улуттук борбор Талас шаарындагы кылмышка шектүүлөрдү убактылуу кармоочу жайды текшерип, анда жаткан Ж.А аттуу жаран кыйноого кабылганын аныктады. Шектүү жаран борбордун кызматкерине арызданып, тергөөчүлөргө чара көрүүнү суранган. Бул тууралуу аталган борбордон кабарлашты. Маалыматка караганда, 10-мартта милициянын Талас райондук бөлүмүндө 24 жаштагы адамды суракка алган учурда кызматкерлер шектүүнүн башына газдан коргонуучу масканы кийгизип кыйнашкан. Коркутууга... Читать дальше...

Бүгүн, 14-майда Чолпон-Ата шаарында Туризмди өнүктүрүү боюнча улуттук кеңештин биринчи жыйыны өттү. Бул тууралуу өкмөттүн басма сөз кызматы кабарлады. Министрлер кабинетинин төрагасы Акылбек Жапаровдун катышуусунда өткөн жыйында туризмди өнүктүрүү боюнча сунуштар, бул багытта тиешелүү органдардын аткарып жаткан иши талкууланды. Жаңыдан түзүлгөн Туризмди өнүктүрүү фонду тарабынан инфраструктуралык долбоорлор көрсөтүлдү. Акылбек Жапаров быйыл Кыргызстанга туристтер көп келери күтүлүп жатканын айтып... Читать дальше...

Казакстан 23-майдан тартып ак кант жана тростник кантын өлкөдө тартыш болуп жатканына байланыштуу алты айга чейин өлкөдөн сыртка чыгарууга чектөө киргизди. Казакстандын айыл чарба министри Ербола Карашукеевдин буга байланыштуу жарлыгы нормативдик-укуктук актылардын сайтына жарыяланды. Көрүлгөн чаралар тууралуу Евразия экономикалык комиссиясын кабардар кылуу тапшырмасы берилди. Өткөн аптада Казакстандын алкоголсуз суусундуктарды өндүрүүчүлөр бирлиги кант жетишсиздигин айтып, тийиштүү мекемелерге ачык кат жолдогон. Читать дальше...

Улуттук коопсуздук боюнча мамлекеттик комитет Сүлүктү шаарында мыйзамсыз жашап, иштеп жүргөн Тажикстандын он бир жараны кармалганын маалымдады. Бир жылдан бери кыргыз-тажик чек арасы бир тараптуу жабык турганына карабай жөнөкөй тургундардын каттамы токтобой жатканы айтылып келет. Атайын кызматтын билдиришинче, 30-апрелде кармалган тажик жарандары Сүлүктү шаарындагы көмүр кампаларынын биринде мыйзамсыз жашап, иштеп жүргөн. Алар Тажикстандын Согд облусунун Жаббар Расулов районунун чек арага жакын... Читать дальше...

Президент Садыр Жапаров "Калктын аялуу катмарларынын айрым категорияларына мамлекеттик колдоону күчөтүү жөнүндө" жарлыкка кол койду. Бул тууралуу мамлекет башчынын басма сөз кызматы кабарлады. Президенттин сайтына чыккан маалыматта Министрлер кабинети 2022-жылдын 1-июнунан тартып жөлөк пулдун суммасын канчага көбөйтөрү жазылган. Президенттин жарлыгына ылайык, бирөөнүн багуусуна жана көзөмөлүнө муктаж майыптыгы бар адамдардын (18 жаштан жогору) жеке ассистентинин кызмат көрсөтүүлөрүнө да төлөм киргизилет. Читать дальше...

Ысык-Көл районунун Бостери айылында токмоктолгон 44 жаштагы аял каза тапты. Милиция кылмышка шек санап маркумдун күйөөсүн кармады. Адам өлүмүнө жеткирген бул окуя үй-бүлөлүк зомбулук темасын кайрадан күн тартибине чыгарды. Ысык-Көл облустук милициясынын маалыматына ылайык, күйөөсүнөн токмок жеген аял райондук ооруканага 10-майда жаткырылган. Денеси көгала болуп, мээси чайкалган аял 11-майда эсине келбей каза болгон. Милиция бул окуяга байланыштуу шектүү катары аялдын 50 жаштагы күйөөсүн кармады. Читать дальше...

Бүгүн, 14-майда Гапар Айтиев атындагы Кыргыз улуттук көркөм сүрөт музейинде Кыргыз Республикасынын Эл артисти, кинорежиссер Геннадий Базаровдун 80 жылдыгы белгиленип жатат. Мааракеге арналган салтанаттуу иш-чарада режиссер Тынай Ибрагимовдун "Прикосновение к личности" даректүү тасмасынын бет ачары өтүп, Кыргызстандын белгилүү фотосүрөтчүлөрү Алимжан Жоробаев, Александр Федоров жана Урмат Осмоевдин тарткан эмгектеринин көргөзмөсү ачылды. Базаровдун 80 жылдык мааракесине белгилүү кино ишмерлери... Читать дальше...

15-майда көпчүлүк аймактарда жаан жаап, күн күркүрөйт. Бийик тоолуу райондордо жаан карга айланат. Ош, Нарын облустарынын кээ бир райондорунда нөшөрлөгөн жаан болот. Батыштан соккон шамалдын ылдамдыгы Нарында жана Ысык-Көлдө секундасына 15-20 метрге жетиши мүмкүн. Абанын температурасы: Чүй өрөөнүндө түнкүсүн 8...13, күндүз 17...22, Талас облусунда түнкүсүн 6...11, күндүз 16...21, Баткен, Ош, Жалал-Абадда түнкүсүн 11...16, күндүз 21...26, Нарын дубанында түнкүсүн 4...9, күндүз 14...19, Ысык-Көлдө түнкүсүн 4...9... Читать дальше...

Өспүрүмдөрдү тарбиялоодо, алар менен мамиле курууда ата-эне канчалык деңгээлде көзөмөл жүргүзүшү керек? Алар менен ишенимдүү мамилени ата-эне кантип курат? "Эже-сиңдилер" берүүсүндө бул ирет ушул суроолорго кайрылдык.

Кытайдан товарларды мыйзамсыз ташып келген компанияларга көмөктөшүүгө шек саналган Борбордук бажы бөлүмүнүн мурдагы башчысы Нурбек Айбашев өлкөдөн чыгып кеткени тууралуу маалыматты "Азаттыкка" адвокат Майрамбек Жумабеков билдирди. Буга байланыштуу маалымат бажы кызматкерлеринин соттук отурумдарынын биринде маалым болгон. Жумабековдун айтымында, Бишкектин Октябрь райондук соту бул ишке байланыштуу айыпталып жаткан 15 бажы кызматкеринин бардыгына айып пул салган. Учурда Бажы кызматынын төрагасынын... Читать дальше...

Грузияга караштуу жикчил Түштүк Осетиянын башчысы Анатолий Бибилов аймакты Орусияга бириктирүүгө байланыштуу референдум өткөрүү тууралуу жарлыкка кол койду. Референдум 17-июлга белгиленгенин "Рес" маалымат агенттиги Бибиловдун маалымат кызматына таянып жазып чыкты. Жарлыкта бул жараян “Түштүк Осетия республикасынын элинин Орусия менен кайра биригүүгө болгон тарыхый каалоосуна” байланыштуу өтүп жатканы айтылат. Бибилов 8-майдагы президенттик шайлоодо башкы атаандашы Алан Гаглоевге утулуп калган. Читать дальше...

Түркиянын Жаштар жана спорт министри Мехмет Мухарем Касапоглу IV Дүйнөлүк көчмөндөр оюндары 29-сентябрдан 2-октябрга чейин Изник шаарында өтөрүн билдирди. 13-майда өткөн басма сөз жыйынында Дүйнөлүк этноспорт конфедерациясынын жетекчиси Билал Эрдоган бул иш-чарага жүздөн ашуун өлкөдөн үч миңдей спортчу катышарын айтты. 2020-жылы Түркияда өтөрү пландаштырылган Көчмөндөр оюндары коронавирус пандемиясынан улам 2022-жылга жылган. Дүйнөлүк көчмөндөр оюндары Кыргызстандын демилгеси менен 2014-жылдан бери өткөрүлүп келет. Читать дальше...

Президент Садыр Жапаров көп балалуу энелерге кезектеги мамлекеттик сыйлыктарды ыйгаруу тууралуу жарлыктарга кол койду. Ага ылайык, жети жана андан көп баласы бар жана аларды жакшы тарбиялап жаткан 921 эне “Баатыр эне” ордени, алты баласы бар жана аларды жакшы тарбиялап жаткан 665 эне “Эне даңкы” медалы менен сыйланышты. Бул тууралуу президенттин басма сөз кызматы бүгүн, 14-майда кабарлады. Былтыр "Баатыр эне" ордени 819 энеге, "Эне даңкы" медалы 516 энеге ыйгарылган. 2020-жылы 1014 эне "Баатыр эне" ордени... Читать дальше...

Каракол шаарындагы үй-бүлөлүк медицина борборунун жетекчиси Б.Ж пара алып жаткан жеринен кармалганын Улуттук коопсуздук боюнча мамлекеттик комитеттин басма сөз кызматы кабарлады. Маалыматка ылайык, Каракол шаарындагы үй-бүлөлүк медицина борборунун директору жана Ысык-Көл облусунун саламаттык сактоо бөлүмүнүн Б.Ж. аттуу координатору 100 миң 500 сом өлчөмүндө пара алып жаткан жеринен 13-майда кармалган. Атайын кызмат шектүү акча каражатын Ысык-Көл облусунун медициналык мекемелеринин жооптуу кызматкерлеринен алганын... Читать дальше...

Кумтөр алтын кенине тышкы башкаруу киргизилип, Кыргызстандын көзөмөлүнө өткөндөн бери бир жылга чукулдады. Бирок “Кумтөр Голд Компани” алтын өндүрүүнүн көлөмү, сатуу жана киреше-чыгаша боюнча толук кандуу отчетун жарыялай элек. Президент Садыр Жапаров Эсеп палатасына анын ишмердигин текшерүүнү буюрганын билдирди. Министрлер кабинети Кыргызстан Кумтөр кенин колуна алгандан бери канча алтын казылганы, каякка сатылганы, тапкан кирешеси, бюджетке түшкөн пайда, салыктар, социалдык төлөмдөр тууралуу... Читать дальше...

Министрлер кабинетинин төрагасы Акылбек Жапаров Каракол шаарын өнүктүрүүгө байланыштуу долбоорлорду ишке ашырууга Финансы министрлигине 850 млн. сом бөлүп берүүнү тапшырды. Бул тууралуу өкмөттүн басма сөз кызматы кабарлады. Өкмөт башчы ушул күндөрү иш сапары менен Ысык-Көл облусунда жүрөт. Маалыматка караганда, Жапаров иш сапарынын алкагында Каракол шаарын өнүктүрүү программасынын иш-чаралары менен таанышты. Ага жалпы суммасы 885 млн. сомдук 10 долбоор көрсөтүлдү. Каракол шаарын өнүктүрүүнүн... Читать дальше...

Сокулук районунун Новопавловка айыл аймагына караган Ак-Ордо конушунун тургундары жолдун курулушун жандандырууну талап кылып жатканын Kaktus.media басылмасы жазды. Анда жашоочулар өткөн жылы Лущихин көчөсүн курууга тендер жарыяланып, 28 млн. сом бөлүнгөнүн, жеңип чыккан компания 24 млн. сомго бүтүрүп берүүнү сунуштаганын айтышкан. Жашоочулар жолду оңдоо иштери дагы эле бүтө электигин айтып, бийликти көңүл бурууга чакырган. Ушул жылдын 27-февралынан тартып Кытай грантына Бишкектин көчөлөрүн оңдоонун 2-фазасы башталды. Читать дальше...

Медициналык академияны аяктаган Алихан Ибраимов төрт жылдан бери адабият, тил илимине да кызыгып, бул жаатта бир топ иштерди жасап келет. Ал лингвист Кусейин Карасаевдин, СССРдин эл артисти Эстебес Турсуналиевдин, Эл Баатыры, жазуучу Түгөлбай Сыдыкбековдун чыгармачылыгына терең кызыгып, бир топ китептерди түзүүгө жетишкен. Эми жыл аягына чейин Сыдыкбеков кезинде өзү жашаган үйдү музейге айландыруу аракети менен жүрөт.

Бүгүн, 14-майда Чолпон-Ата шаарында Run the Silk Road эл аралык марафону старт алды. Ага 22 өлкөдөн келген 3 миңдей жөө күлүк катышууда. Бул тууралуу Маданият, маалымат, спорт жана жаштар саясаты министрлиги кабарлады. Марафонду Министрлер кабинетинин төрагасы Акылбек Жапаров ачып, Борбор Азиядагы эл аралык даражадагы марафон Ысык-Көлдө өтүп жатканын белгиледи. "Марафонду кубануу менен колдойбуз. Анткени калкты дене тарбия менен алектенүүгө үндөп, спорт менен машыгууга чакырабыз", - деди ал. Читать дальше...