Новости за 04.09.2022

Пакистандын бийлиги өлкө түштүгүндөгү Манчхар көлүнүн айлана-тегерегин сел капташы мүмкүндүгүн эскертти. Маалыматка ылайык, июнь айынан бери утур-утур жаап жаткан, бороон-чапкын менен коштолгон жамгырдан улам көл толуп, ташыганы турат. Расмий жетекчилер 4-сентябрга карата суу ташкынынан каза болгондордун саны 1300дөн ашканын билдирди. Синоптиктер Манчхар көлүнүн аймагында жакынкы күндөрдө дагы жаан жаай турганын айтып, Синд провинциясынын эки районунун тургундарын коопсуз жайга жер которууга үндөштү. Читать дальше...

Казакстандын түндүгүндөгү Костанай облусундагы токойдо чыккан өрттөн кеминде бир адам каза болуп, 10 киши жаракат алды. Бул тууралуу өлкөнүн Өзгөчө кырдаалдар министри Юрий Ильин 4-сентябрда билдирди. Анын айтымында, куткаруучулар Аманкарагай конушундагы өрт чалган турак жайлардын урандыларынын алдынан 86 жаштагы карыянын сөөгүн алып чыгышкан. Министр каза болгон киши коопсуз жайга көчүүдөн баш тартканын белгиледи. Ильин кошумчалагандай, өрттөн жергиликтүү беш тургун жана куткарууга жардам берип жаткан беш жумушчу жабыркады. Читать дальше...

АКШнын мурдагы президенти Барак Обама  "Эмми" сыйлыгынын "Мыкты айтып берүүчү" номинациясы боюнча лауреаты болду. Ал Netflix компаниясы тарткан "Биздин чоң улуттук гүл бактар" деген даректүү сериалда үн коштогон. Президенттик кызматтан кеткенден кийин Обама ушул сериалды тартуу менен алектенген Higher Ground Productions продюсердик компаниясын негиздеген. Тасма беш сериядан турат жана Калифорния, Кения, Индонезияга чейин дүйнөдөгү  улуттук жаратылыш парктары тууралуу айтып берет. Бул Обаманын алгачкы медиалык сыйлыгы эмес. Читать дальше...

Бишкек - Нарын - Торугарт жолунда жол кырсыгы катталып, беш киши мүрт кетти. Кырсык 3-сентябрь күнү 22:00 чамасында болгонун Чүй облустук милициясынан "Азаттыкка" ырасташты. Маалыматка караганда, айланма жолдо, ГЭС-5 аймагына жакын жерде BMW, Mazda жана Mercedes-Benz автоунаалары кагышкан. BMWнын айдоочусу каршы тилкеге чыгып кеткени айтылды. Үч кишинин ооруканага жеткирилгени маалым болду. Жараат алгандардын арасында үч жашар наристе бар. Кырсыктын чоо-жайы териштирилип жатат. Ички иштер министрлигинин маалыматына ылайык... Читать дальше...

Композитор, илимий редактор, окутуучу Райхан Бейшеналиева “Ачык Time” подкастынын коногу. Ал Кыргызстандан Түркияга кетүүгө мажбур болгонунун себеби, кыргыз музыкасындагы азыркы абал, мамлекеттик наамдар жана маданияттагы оош-кыйыштар тууралуу ой бөлүштү.

Билим берүү жана илим министрлиги 2022-жылдын 5-сентябрынан тарта Лицензиялоону жана аккредитациялоону башкаруунун автоматташтырылган системасын (АСУЛА) пилоттук режимде ишке киргизет. Бул тууралуу аталган министрликтин басма сөз кызматы кабарлады. Маалыматка караганда, мурдагыдай министрликке келип кагаздарды тапшыруу талап кылынбайт. Баардыгы электрондук форматта гана болот. Билим берүү мекемелери аккредитациядан өтүү үчүн арызды www.asula.edu.gov.kg аркылуу электрондук түрдө жөнөтө алышат.... Читать дальше...

Орусияда 3-сентябрдан тартып мигранттардан эмгек келишимин жана жашаган жери боюнча миграциялык каттоосун талап кылган эреже күчүнө кирди. Орусиянын Федералдык миграция кызматы COVID-19 пандемиясына байланыштуу берилген жеңилдик режими соңуна чыгып, 2018-жылы кабыл алынган миграциялык мыйзамдын талаптары күчүнө кире турганын эскерткен. Бул мөөнөт ЕАЭБ уюмундагы Кыргызстан менен Армениянын жарандары үчүн быйыл 3-сентябрда бүтөрү айтылган. Мыйзам боюнча Орусияда жүрүү мөөнөтү аяктаган мигранттар... Читать дальше...

5-сентябрда тоолуу райондордо өткүн өтүп, күн күркүрөйт. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй облусунда түнкүсүн 13...18, күндүз 31…36; Талас жергесинде түнкүсүн 9...14, күндүз 29…34; Баткен, Ош, Жалал-Абадда түнкүсүн 15…20, күндүз 32…37; Ысык-Көл облусунда түнкүсүн 8...13, күндүз 24...29; Нарындын өрөөнүндө түнкүсүн 5…10, күндүз 25…30; Бийик тоолордо түнкүсүн -1…+4, күндүз 10…15 градус Бишкекте жаан-чачын болбойт. Абанын табы түнкүсүн 16…18... Читать дальше...

Сейсмология институтунун билдиришинче, 3-сентябрь күнү кечки саат 22:30га чукул Ош облусунун аймагында очогунда күчү 3,5 баллга жеткен жер титирөө катталды. Бул тууралуу Өзгөчө кырдаалдар министрлигинин басма сөз кызматы кабарлады. Жер титирөө Алай районунун Арча-Булак, Талды-Суу, Сары-Могол, айылдарында 3 балл, Сары-Таш жана Кара-Кабак айылында 2,5 баллга чейин сезилген. Жабыркагандар жана кыйроолор катталган жок. Өткөн айларда күчү 3,5 баллга жеткен жер титирөөлөр Оштун Чоң-Алай районунда... Читать дальше...

Түркияда 19 кыргызстандык ар кандай кылмыштарга айыпталып абакта отурат. Бул тууралуу Кыргызстандын Түркиядагы элчилигинен "Азаттыкка" кабарлашты. Маалыматка караганда, абактагылардын көбү адам өлтүрүү, талап-тоноо, документтерди жасалмалоо кылмыштарына айыпталып кармалган. Расмий маалымат боюнча, Түркияда 25 миңден ашуун кыргызстандык каттоодон өтүп, убактылуу жашайт. Алар негизинен Стамбул, Анкара, Анталия сыяктуу шаарларда эмгектенишет. (ZKo)

Кыргызстандын волейбол боюнча улуттук курама командасы Азиянын чакырык кубогун утуп алды. Кечээ, 3-сентябрда Чолпон-Атада өткөн финалдык беттеште кыргыз волейболчулары Сауд Арабиясынын командасын 3:2 эсебинде жеңди. Оюндун алгачкы эки партиясында саудиялыктар алдыда келе жаткан. Кийинки үч партияда кыргызстандык волейболчулар катары менен утуп (29-31, 20-25, 25-23, 25-22, 15-11), жеңишке жетти. Волейбол боюнча эркектер арасындагы Азиянын чакырык кубогуна Кыргызстан менен Сауд Арабиясынан сырткары... Читать дальше...