Новости за 08.09.2022

Улуу Британиянын эң узак тактыда отурган ханышасы Елизавета II 96 жашында дүйнөдөн кайтты. Анын уулу, ханзаада Чарльз Британиянын жаңы падышасы болуп калды. Расмий маалыматка ылайык, британ ханышасы 8-сентябрда түштөн кийин Шотландиядагы падышалык жайкы резиденциядагы Балморал сарайында көз жумду. Мунун алдында Букингем сарайынын басма сөз кызматы ханышанын саламаттыгы начарлап, дарыгерлердин көзөмөлүндө экенин билдирген. Аны улай Балморал сарайына падышалык үй-бүлөнүн мүчөлөрү барган. Ханышанын ордун баскан уулу... Читать дальше...

8-сентябрда британ ханышасы Елизавета II Шотландиядагы падышалык жайкы резиденциядагы Балморал сарайында каза болду. Мунун алдында Букингем сарайынын басма сөз кызматы британ ханышасынын ден соолугу начарлап, дарыгерлердин көзөмөлүнө алынганын билдирген. Балморал сарайына британ ханышасынын тун уулу, тактынын мураскери ханзаада Чарльз жана анын жубайы Камилла, ошондой эле Чарльздын уулу ханзаада Уильям барды. 96 жашында дүйнөдөн кайткан Елизавета II Британияны 70 жыл башкарып, анын бийлиги учурунда 15 премьер-министр алмашты. Читать дальше...

Президент Садыр Жапаров бүгүн, 8-сентябрда КМШга мүчө мамлекеттердин ички иштер министрлери менен жолугушууда эмгек миграциясы жаатындагы кызматташтыкты активдештирүүнүн маанилүүлүгүн белгиледи. Бул тууралуу мамлекет башчынын басма сөз кызматы кабарлады. Маалыматка караганда, Жапаров шериктештиктин ички чек араларынан өтүү эркиндигин камсыз кылуу маанилүү экенин белгиледи. Эмгек мигранттарына алар жүргөн өлкөнүн калкы менен бирдей укуктарды берүү менен маселени чечсе болоруна ишенимин билдирди. Читать дальше...

Мамлекеттик катчы Сүйүнбек Касмамбетов аялдарга жана балдарга карата жасалган кылмыш иштери, алардын алдын алуу жана мындай кылмыштарга баргандарга жаза берүү маселеси боюнча пикирин билдирди. Ал Кадамжайда окуучу кыздын киши колдуу болгону тууралуу окуяга токтолуп, өспүрүмдөргө карата жасалган кылмыштар көз жаздымда калтырылбашы керектигин айтты. Бул тууралуу президенттин басма сөз кызматы кабарлады. “Мен жакында эле аялдарга жана балдарга карата жасалган мындай жоболоңдуу окуяларды көз жаздымда калтырбай... Читать дальше...

Социалдык медиага тараган президент Жапаровдун агасы Сабыр Жапаровдун чет элдик ишкананын ичинде алтын кармап түшкөн сүрөтү талкууга айланды. "Азаттык" түркиялык компания менен байланышканда алтын аффинаж тармагында иштерин ырастап, ал эми чуулгандуу сүрөт боюнча маалымат бере албасын билдирди. 7-сентябрда социалдык тармактарда президент Садыр Жапаровдун бир тууган агасы Сабыр Жапаровго түспөлдөш кишинин колуна алтын куймаларын кармап түшкөн сүрөтү таркап, кызуу талкууга жем таштады. Президенттин... Читать дальше...

Орусияда миграциялык жаңы эрежелер күчүнө кирди. Жүздөгөн мекендештер чек арадан кирди-чыкты кылып, миграциялык картасын жаңылаш үчүн сааттап кезекте турат. Орусияда жүргөн жүз миңдеген мигрант өз милдет-жоопкерчилигин билеби? Кыргызстан өз жарандарынын укуктарын канчалык коргоп жатат?

Казакстан 1-декабрь белгиленип келген "Элбашы" күнүн расмий майрамдардын тизмесинен алып салмай болду. Саясатчы Бекназаров элчилик кызматтан Кумтөр боюнча пикирин билдиргени үчүн алынганын билдирди. Президент Жапаров бир тууганы чындыгында эле Түркиядагы алтын заводго барганын тастыктады.

Мурдагы өкмөт башчы Мухаммедкалый Абылгазиев өзүнө карата козголгон кылмыш иши токтотулганын 8-сентябрда журналисттерге билдирди. Бүгүн ал Дача СУ каргашасын иликтеген коомдук комиссиянын жыйынына маалымат берүү үчүн чакырылган учурда жалпыга маалымдоо каражаттарынын өкүлдөрүнүн суроолоруна жооп берди. Экс-премьер-министр иш былтыр август айында кылмыштын курамы жок болгондугуна байланыштуу токтотулганын тактады. Улуттук коопсуздук боюнча мамлекеттик комитет бул боюнча маалымат жок экенин кабарлады. Читать дальше...

Букингем сарайынын басма сөз кызматы британ ханышасы Елизавета II дарыгерлердин көзөмөлүндө экенин билдирди. “Эртең менен ханышанын ден соолугу текшерилгенден кийин дарыгерлер тынчсыздануусун билдирип, дарыгерлердин көзөмөлүндө болууну сунуштады”, - деп айтылат маалыматта. Британ ханышасы Елизавета II 6-сентябрда Лиз Трассты Улуу Британиянын премьер-министри кылып дайындаган. Жолугушуу Шотландиядагы падышалык жайкы резиденциядагы Балморал сарайында өткөн. Адатта премьер-министрлер Букингем же Виндзор сарайында дайындалат. Читать дальше...

Бишкектин Биринчи май райондук соту "Ихсан" турак жай кооперативинин жетекчиси Акинай Бекмурзаеванын бөгөт чарасын карап, аны абакта калтырган чечимин чыгарды. Бул тууралуу соттун басма сөз кызматы "Азаттыкка" кабарлады. Соттун чечимине караганда, Бекмурзаева 8-ноябрга чейин №1 тергөө абагында болот. Акинай Бекмурзаева 11-июнда Бишкекте кармалган, сот аны эки айга чейин абакта калтырган. Ички иштер министрлиги (ИИМ) Бекмурзаевага Кылмыш-жаза кодексинин “Алдамчылык” жана “Ишенип берилген мүлктү... Читать дальше...

Президент Садыр Жапаров "Кабар" маалымат агенттигине 8-сентябрда курган маегинде коомчулукта талкуу жараткан сүрөт тууралуу суроого жооп берди. Ал сүрөттө алтын куймаларды кармап түшкөн адам анын агасы Сабыр Жапаров экенин ырастады. Сүрөт былтыр, 2021-жылы Түркияда тартылганын айтты.  "Былтыр эл аралык алтын сатууну уюштурган Лондондогу Баалуу металлдар базарынын ассоциациясы (LBMA) Кыргызстандын алтынын дүйнөлүк биржада сатуусуна чек коюп койгон. Ошол мезгилде түрк туугандар мага жана мамлекеттик чиновниктердин кабылдамасына кире алышпай... Читать дальше...

9-сентябрда түнкүсүн Кыргызстандын аймагында жаан-чачын болбойт. Күндүз Ысык-Көл, Чүй облустарынын айрым жерлеринде, Ош облусунун тоолуу райондорунда өткүн өтүп, күн күркүрөшү мүмкүн. Калган аймактарда жаан жаабайт. Батыштан соккон шамалдын ылдамдыгы секундасына 4-9 метрден, күндүз айрым жерлерде 15-20 метрге жетиши ыктымал. Абанын температурасы: Чүй облусунда түнкүсүн 13...18, күндүз 27…32; Талас жергесинде түнкүсүн 7...12, күндүз 25…30; Баткен, Ош, Жалал-Абад дубандарында ​түнкүсүн 14…19... Читать дальше...

Зордук-зомбулук фактысы катталган учурда тараптардын териштирүүдөн баш тартып, элдешип алуусуна шарт түзгөн мыйзам нормаларын жоюу керек деген оюн бүгүн 8-сентябрда Жогорку Кеңештин жалпы жыйынында депутат Гүлшаркан Култаева билдирди. Ал Башкы прокуратуранын расмий маалыматына таянып, 2021-жылы Кыргызстанда аялдарга жана балдарга карата жасалган зомбулук боюнча 4397 кылмыш иши козголгонун, анын 527си гана сотко өткөнүн, 273ү териштирүүдө болгонун айтты: “Бул зомбулуктун 10 проценти гана жазаланып... Читать дальше...

Саясатчы Азимбек Бекназаров Кыргызстандын Малайзиядагы элчиси кызматынан бошотулушуна Кумтөргө байланыштуу маеги себеп болгонун бүгүн, 8-сентябрда Бишкекте өткөн маалымат жыйында айтты. Ал иштен алынганы үчүн өлкө жетекчилигине таарынычы жок экенин, алгач элчилик ишине сын айтылган оозеки аныктама кийин аны жумуштан алуу тууралуу расмий жарлыкта көрсөтүлбөгөнүн белгиледи. Бекназаров Кумтөр маселеси далай адамдын тагдырын чечкенин жана ал «дагы уланарын» белгилеп, «Назарньюска» курган маегинде айткандары ырасталып жатканын айтты... Читать дальше...

Макаланын автору Жолдош Турдубаев - адабиятчы, публицист, журналисттер арасында өткөрүлгөн республикалык конкурстарда бир нече ирет баш байгелерди жеңип алган, 2007-жылы Voice of Freedom Central Asia долбоорунун алкагындагы адам укуктары боюнча макалалардын Борбордук Азия журналисттеринин арасында жарыяланган конкурстун экинчи байгесине ээ болгон. Автордун пикири "Азаттыктын" көз карашын чагылдырбайт. Президент Садыр Жапаровдун 2022-жылы 8-июндагы "Кыргыз Республикасынын жалпы билим берүү уюмдарында... Читать дальше...

Иранда өлүм жазасына кесилген бир нече адамдын жакындары Тегерандын жанындагы Караж шаарынын Ислам революциялык сотунун алдына нааразылык акциясына чыкты. 6-сентябрда социалдык тармактарга жарыяланган видеолордо демонстранттардын көбү “Өлүм жазасын токтоткула” деген жазуулары бар плакаттарды кармап турганын көрүүгө болот. Укук коргоочу уюмдар акцияга катышкандардын жакындары Караж жана Гезелхесар шаарларындагы абактарда камалып жатканын кабарлашты. Ирандын адам укуктары коомунун маалыматы боюнча... Читать дальше...

Расмий маалыматтар боюнча быйыл сегиз айда эле Жер ортолук деңиздин жээгине Европадан 10 миллиондон ашык турист барган. "Жумуш болсо калмакпыз" Кыргызстандык Азамат Табылдиев Түркиянын чет өлкөлүк туристтер көп каттаган Алания аймагындагы мейманканалардын биринде жаздан бери иштейт. Ал келишим аркылуу келип, октябрга чейин иштеши керек. Бирок быйыл Түркиядагы туристтик сезон 15-ноябрга чейин узарганына Азамат кубанып турат. "Бизге жетекчилик жумушту узартуу боюнча октябрдан кийин жооп бере турганын айтышты. Читать дальше...

Бишкекте үч эм төрөлгөн үй-бүлөгө мамлекеттен акчалай жардам көрсөтүлдү. Мэриянын маалыматына караганда, ымыркайлардын ата-энеси менен 8-сентябрда шаар башчысы Эмилбек Абдыкадыров жолугуп, казынадан бөлүнгөн 90 миң сомду тапшырды. 27-июлда Бишкектин тургуну Нурзада Сатымкулова Перинаталдык борбордо үч эм төрөгөн. Ар бири болжол менен эки килограммдык салмакта төрөлгөн бир кыз эки уулдун аттарын Айданек, Шыгай жана Абай коюшкан. Быйыл биринчи жарым жылдыкта Кыргызстанда үч эм төрөлгөн үй-бүлөлөр 15ке жеткен. Читать дальше...

Жогорку Кеңештин депутаты Дастан Бекешев бүгүн 8-сентябрда парламенттин жыйынында камактагы активист Ырыскелди Жекшеналиевге байланыштуу билдирүү жасап, аны бошотууну өтүндү. Ал президенттин жана өкмөттүн парламенттеги өкүлүнө кайрылып, өтүнүчүн мамлекет башчысы Садыр Жапаровго жеткирүүнү суранды. “Президент бир ай мурун “Фейсбукка” “бузукулар Жетим-Тоо боюнча туура эмес маалымат таратып жатышат. Милиция эмнени карап жатат?” деп пост жазган. Милиция анализ кылбай, видеону репост кылып эле койгон 19 жаштагы Ырыс Жекшеналиевди күнөөлөп... Читать дальше...

Орусияда жол кырсыгына кабылган кыргызстандык үй-бүлөнүн 12 жаштагы кызынын абалы оор, калгандарынын абалын дарыгерлер канааттандырарлык деп мүнөздөп жатышат. Бул тууралуу 7-сентябрда Кыргызстандын Тышкы иштер министрлиги (ТИМ) билдирди. Мекеменин маалыматына караганда, кырсык 7-сентябрда Челябинск облусунун Златоуст шаарынын аймагындагы трассада болгон. Кыргызстандык айдап бараткан жеңил машине каршы тилкеге чыгып кетип, оор жүк ташуучу машине менен сүзүшкөн.   Жеңил машиненин айдоочусу Уфа... Читать дальше...