Новости за 21.02.2023

Кыргызстандыктарга ВИЧке өз алдынча текшерилүү мүмкүнчүлүгүн бере турган долбоор иштей баштады. АКШнын Эл аралык өнүктүрүү агенттигинин (USAID) жардамы менен бүгүн 21-февралда ишке ашырыла баштаган долбоор алкагында тест-системалар Бишкектин, Оштун жана Чүй, Ош облустарынын аймагында жайгашкан 32 дарыканада бекер таратылат. Долбоорду ишке ашырууга "Неман-Фарм" компаниясы көмөктөшөт. ВИЧ бар же жогун шилекей аркылуу аныктай ала турган тест-системаны каалоочулар www.epictest.live сайты аркылуу каттоодон өтүп ала алышат. Читать дальше...

Улуттук коопсуздук боюнча мамлекеттик комитеттин (УКМК) төрагасы Камчыбек Ташиев мурдагы президент Алмазбек Атамбаевдин абактан чыкканы тууралуу комментарий берип, ага эч кандай тиешеси жок экенин билдирди. Ташиевдин билдирүүсү Фейсбуктагы баракчасында жарыяланды. “Менин Испанияда жерим, үйүм бар экенин, Атамбаев менен биригип, сүйлөшүп алып жатканымды жазып чыгышты. Далил катары Атамбаевдин Испанияга барып дарыланарын бетке кармашат. Мындай версияны орусиялык “Регнум” порталы да айтып чыкты. Мунун баары... Читать дальше...

Жогорку Кеңештин тармактын комитетинде жол эрежесинин айып пулдарын төлөөнү жөнөкөйлөштүүрүү боюнча мыйзам долбоору каралды. Демилгечи Дастан Бекешев мыйзам долбоору айып пулдар үчүн чет өлкөгө чыга албай калгандардын маселесин чечүү үчүн сунушталып жатканын билдирди. Сот департаментинин жетекчисинин орун басары Кубат Черикчиев бул “Коопсуз шаар” долбоорунун айып пулдарына гана тиешелүү экенин белгиледи. “Бул жакшы сунуш болуп жатат. Азыр мамлекетке карызы бар жаранга сот аткаруучу токтом чыгарат. Читать дальше...

20-февралдын кечинде Түркия менен Сириянын чек ара аймагында эки жолу жер титиреп, кеминде алты киши набыт болуп, 300дөйү жараат алганы расмий кабарланды. Күчү 6,4 жана 5,8 баллга жеткен зилзаланын очогу бул ирет да Хатай чөлкөмүндө болгон. Саламаттык сактоо министри Фахреттин Кожанын айтымында, февралдын башындагы катуу жер титирөөдөн бүтүн калган ооруканалардагы бейтаптарды эвакуациялоого туура келди. Хатай провинциясынын жетекчиси урандылардын алдында адамдар калганын билдирди. Кошуна Сирияда... Читать дальше...

Европа реконструкциялоо жана өнүктүрүү банкы (ЕРӨБ) Кыргызстандын экономикасы 2023-жылы 7%, 2024-жылы 7,2% темп менен жогорулайт деген болжол чыгарды. Бул тууралуу банктын макроэкономикалык жаңы баяндамасында айтылган.  Банк быйыл Тажикстандын экономикасы 8%, Өзбекстан менен Түркмөнстандын экономикасы 6,5% жана Казакстандын экономикасы 3,5% өсөт деп божомолдогон.  Өткөн жылы Евробиримдикке кирген өлкөлөрдүн, АКШнын, Улуу Британиянын жана башка мамлекеттердин Борбор Азиядагы өлкөлөргө экспорту өскөнүн белгилейт. Читать дальше...

Кыргызстанда өлкөнүн жаратылышы, тарыхый-маданий мурасы жана туристтик объектилери тууралуу баяндаган атайын сайт иштей баштаганын 21-февралда Бишкекте өткөн пресс-конференцияда долбоордун авторлору айтып беришти. Фотожурналисттер союзунун жетекчиси Владислав Ушаковдун айтымында, MAP.KG сайтындагы материалдарды бардык каалоочулар бекер колдоно алышат. Сапаттуу сүрөттөр чогултулган мындай база Борбор Азияда алгачкы жолу түзүлгөнүн белгилеген Ушаков өлкөнүн кооздугун даңазалаган фотоматериалдар аркылуу... Читать дальше...

16-февралдан тарта Кыргызстандын балык чарбаларына Орусияга балык экспорттоого ​тыюу салынды. Буга Орусиянын Ветеринардык жана фитосанитардык көзөмөл кызматынын тогуз чарбанын продукциясына койгон дооматы себеп болду. Кыргызстандын ветеринардык кызматы жакында орусиялык ветеринарлар келип чарбаларды текшере турганын, андан соң экспорттоого жол ачыларын айтууда. Орусиянын Ветеринардык жана фитосанитардык федералдык кызматы кыргыз өкмөтүнө кайрылып, Кыргызстандан балык ташуу үчүн сертификат берүүнү токтото турууну өтүндү. Читать дальше...

Архитектура, курулуш көзөмөлдөө департаментинин директору Талантбек Иманакун уулу Бишкектеги көп кабаттуу үйлөрдүн курулушу Түркияга салыштырмалуу сапаттуу экенин билдирди. Бул тууралуу ал 21-февралда парламенттин тармактык комитетинин жыйынында депутаттардын суроолоруна жооп берип жатып айтты. “Кыргызстандын жер кыртышын Түркия менен салыштырып кереги жок. Себеби, Кыргызстан СССР убагынан бери эле сейсмологиялык аймак болгондуктан күчтүү талаптар кабыл алынган. Түркиядан келген инвесторлордун... Читать дальше...

Бишкек шаарында кыймылсыз мүлктүн (батир) баасы кандай өсүүдө?

Бүгүн, 21-февралда Бишкектин Биринчи Май райондук сотунда "Азаттыктын" банк эсебин бөгөттөө боюнча Ички иштер министрлигинин (ИИМ) тергөөчүсү Улан Жапековдун аракетине каршы арызы каралып жатат. Арызда радионун банк эсебин бөгөттөөгө негизделген документтерди тааныштырууга мүмкүнчүлүк бербеген Жапековдун аракеттеринин мыйзамдуулугун кароо өтүнүчү келтирилген. Соттук процесске ИИМдин тергөө тобунун тергөөчүсү Азамат Абдиев келип, ишти жабык кароо өтүнүчүн келтирди. Муну иште купуя сырды камтыган материалдар бар экени менен түшүндүрдү. Читать дальше...

Бишкекте мыйзамсыз курулган кабат үйлөрдү мыйзамдаштыруу процессин баштоо аракети көрүлүп жатканы бүгүн 21-февралда Жогорку Кеңештин Транспорт, коммуникациялар, архитектура жана курулуш боюнча комитетинин жыйынында белгилүү болду. Мамлекеттик архитектура, курулуш департаментинин директору Талантбек Иманакун уулу мунапыс алкагында ар бир үй текшерилерин, уруксат ошонун негизинде гана берилерин айтты: “Бул бир эле жолку мыйзам болот. Садыр Нуркожоевич да айтты буга чейин салынып калгандыктан жанагынча кишини эшикке чыгара албайбыз деп. Читать дальше...

Кыргызгидромет борбору шашылыш билдирүү таратып, 21-22-февралга чейинки жаан-чачынга байланыштуу Бишкек-Ош, Суусамыр-Талас-Тараз, Ала-Бука-Каныш-Кыя, Красная-Горка-Акташ, Мырза-Аке-Кара-Кулжа-Алайкуу, Бишкек-Нарын-Торугарт, Казарман-Актал-Чат, Арал-Миң-Куш, Ош-Сары-Таш-Эркештам жана Сары-Таш-Дароот-Коргон-Карамык автоунаа жолдорунда кар көчкү түшүүсү ыктымалдыгын эскертти. Жолдор тайгак болуп муз тоңот. Автоунаалардын ортосунда 500 метр аралык кыймыл чектелиши зарыл. 22-февралда жаан-чачын күтүлбөйт. Читать дальше...

Президент Садыр Жапаров Кыргызстандын мурдагы президенттеринин Дубайдагы жолугушуусу тууралуу “Кабар” агентигине курган маегинде, бардык саясатчылар менен жолугушууга даяр экенин билдирди. Жапаров “ынтымак чогулуштарды уланта берерин” айтып, “бардык саясатчыларды ынтымак столуна олтургузууга даяр” экенин белгилеген. Жапаров буга чейин Жогорку Кеңештин депутаты Адахан Мадумаров менен жолукканын айтты. “Былтыр жай мезгилинде болчу. Бир дасторкондо олтуруп: “Келиңиз ынтымакташалы. Бир эле Кыргызстаныбыз бар. Читать дальше...

Бишкектеги Максим Горький атындагы бакчада оң рулдуу машинелерди таксиге колдонууга тыюу салууну сунуштаган токтомго каршы элүүдөй айдоочу чогулду. Акцияда уюштуруучулардын бири, активист Эртай Искаков такси кызматында жүргөндөрдүн көпчүлүгү оң рулдуу автоунаа экенин айтып, ага тыюу салуу менен айрым айдоочулар жумушсуз каларын билдирди. “ИИМ оң рулдуу машинелерди такси кызматына тыюу салган токтомду коомдук талкууга чыгарды. Жол кырсыктарын алдын алуу, коопсуздукту сактоо үчүн оң рулдуу машинелерди... Читать дальше...

Кыргызстандын Энергетика министрлиги Орусиянын “Росатом” мамлекеттик корпорациясына караштуу «НоваВинд» ишканасы менен кызматташуу тууралуу меморандумга кол койду. Мекеме 21-февралда билдиргендей, энергияны шамалдын жардамы менен ала турган атайын станцияларды куруу жана иштетүү долбоорун биргелешип ишке ашыруу мүмкүнчүлүгү каралып чыгат. Энергетика министри Таалайбек Ибраев шамал энергиясы боюнча долбоорлор өлкөнүн энергетикалык коопсуздугун бекемдөөдөн тышкары жаңы жумуш орундарын түзүүгө, казынага... Читать дальше...

Кыргызстандын мурдагы жана азыркы президенттеринин Дубайдагы жолугушуусу тууралуу президент Садыр Жапаров “Кабар” маалымат агенттигине маек курду. Ал мурдакы президенттерди Дубайга чогултардан мурда Бишкекте "Сооронбай Жээнбеков менен Алмазбек Атамбаевди элдештиргенин" билдирген. Ошондой эле Дубайдагы жолугушууга келген мурдагы президенттерге ал жерге башка да мурдагы президенттер келээри тууралуу алдын ала эскертилбегенин ырастады. "Бири-бирине айткан жокпуз. Бул чындык. Айтсак айрымдары келбей коет эле. Читать дальше...

Европадагы коопсуздук жана кызматташтык уюму (ЕККУ) кыргыз милициясынын ишин жакшыртууга кезектеги техникалык жардамын көрсөттү. 20-февралда Ички иштер министрлигинде (ИИМ) ЕККУнун Бишкектеги Программалык кеңсесинин башчысы Алексей Рогов менен жолугушуу өттү. Мекеменин маалыматына караганда, ЕККУ өкүлү милициянын көчмө кабылдамаларынын ишинин сапатын жана ыкчамдуулугун жогорулатуучу заманбап технологиялар менен камсыздоого зарыл техника тапшырды.   Ички иштер министринин биринчи орун басары Адылбек... Читать дальше...

Кыргызстанда эхинококкоз менен ооругандар көп болуп жатканын Ооруларды алдын алуу жана мамлекеттик санитардык-эпидемиологиялык көзөмөл боюнча мамлекеттик департамент билдирди. Мекеменин 20-февралда тараткан маалыматына караганда, бул көрсөткүч жогорку деңгээлде туруктуу сакталууда. Соңку 10 жыл ичинде Кыргызстанда эхинококкоз болгондор 1,3 эсе көбөйдү. Жыл сайын өлкөдө бул илдеттин ыйлаакча сымал түрүнө кабылган миңдей, альвеола түрүнө чалдыккан эки жүздөй бейтап катталууда. Эхинококкоз адамга... Читать дальше...

Чүйдүн көпчүлүк айылдарында эл мал багып, сүт сатып оокат кылат. Көбү сүттү Токмок жана Канттагы кайра иштетүүчү ишканаларга өткөрөт. Ал эми Кемин районунда азыр сүт иштеткен ишканалар жок. "Данисте" бул жолу сүт менен баар таап жаткан кеминдиктерден кабар алды.

Сириянын чыр-чатак болуп жаткан аймагынан кыргыз жарандарынын мекенине кайтарылышын АКШ кубаттай турганын билдирди. Бул тууралуу Кошмо Штаттардын Мамлекеттик департаменти тараткан билдирүүдө айтылат. Анда кыргыз бийлигине, жергиликтүү өнөктөштөргө жана Сириядагы демократиялык күчтөргө ыраазычылык жолдонгон. Ошондой эле “Ислам мамлекети”  террордук уюмунун "чөлкөмгө жана качкындар баш калкалаган лагерлерге дайыма коркунуч туудурары" белгиленген. Бозгундар баш калкалагандар лагерлердегилердин көпчүлүгү 12 жашка чейинки балдар экени айтылат. Читать дальше...

Кемпир-Абад ишине байланыштуу тергөө абагында отурган саясатчы, Конституциялык палатанын мурдагы судьясы Клара Сооронкуловага ооруканада дарыланууга уруксат берилди. Бул тууралуу анын жактоочусу Чынара Жакупбекова билдирди. Жаза аткаруу мамлекеттик кызматынын басма сөз катчысы Элеонора Сабатарова дагы маалыматты ырастап, Сооронкулова жеке менчик ооруканада экенин тактады. "Дарыгерлердин демилгеси менен кечээ жаткырылыптыр. Азыр бардык текшерүүдөн өтүп, анан дарыгерлер жыйынтык чыгарат. Жеке менчик ооруканага жаткырылды"... Читать дальше...

Кыргызстандын азыркы жана мурдагы президенттеринин жолугушуусуна борбор азиялык саясатчы жана аналитиктердин​ реакциясы.  Өзбекстандык саясат талдоочу, Эл аралык тынчтык үчүн Карнеги фондунун илимий кызматкери Темур Умаров президент Жапаров "өз келечегинин камын көрүп жатат" деген пикирин айтты. - Кыргызстандын мурдагы президенттеринин жолугушуусу бир жагынан карасаң, символикалуу маанигэ ээ. Себеби Кыргызстандын тарыхында мурдагы жана кызматтагы президенттердин мамилеси дайыма кастык мүнөздө болгон. Читать дальше...

Түркияда иштеп жаткан кыргызстандык куткаруучулар миссиясын аяктап, Бишкекке кайтып келди. Өзгөчө кырдаалдар министри Бообек Ажикеев куткаруучуларды “Манас” эл аралык аэропортунан тосуп алып, ыраазычылык билдирди. Кыргызстандык куткаруучулар зилзаладан катуу жабыр тарткан Түркиянын Кахраманмараш жана Хатай провинцияларында иштешти. Алар жалпысынан уранды алдында калган сегиз адамды аман куткарып, 182 адамдын сөөгүн алып чыгышты.  Кыргызстандан Түркияга 187 адам барган, алардын 171и ӨКМ аркылуу... Читать дальше...

20-февралдын кечинде Түркиянын түштүк-чыгышында, Сирия менен чектеш аймагында дагы жер титиреди. АКШнын Геологиялык кызматы күчү 6.3 баллга жеткен зилзала жергиликтүү убакыт менен кечки саат сегизден төрт мүнөт өткөндө Хатай провинциясынын Узунбаг районунда 10 чакырым тереңдикте болгонун кабарлады. Жер силкингени Анталия шаарында дагы сезилди. Ошондой эле жер титирөө башка мамлекеттерде - Ливан жана Сирияда дагы катталды. "Анадолу" агенттиги өлкөнүн вице-президенти Фуат Октайга шилтеме берип, кеминде сегиз киши жараат алганын билдири. Читать дальше...