Новости за 15.01.2026

Улуттук коопсуздук боюнча мамлекеттик комитет (УКМК) салык кызматынын мурдагы башчысы Алтынбек Абдувапов баш болгон салыкчылар мамлекетке 4 миллиард 307 миллион сом төгүшкөнүн кабарлады. Атайын кызмат 14-январда тараткан маалыматында "алардын көрсөтмөлөрү менен салык кызматындагы коррупциялык схема аныкталганы" айтылат. Мунун алдында эле Салык кызматындагы коррупцияга байланыштуу кармалган мурдагы жетекчилерге райондук соттун өкүмү чыгып, алар үй камагына бошотулганы белгилүү болгон эле. Райондук соттун чечими... Читать дальше...

Омскидеги «12 канал» телеканалынын комментатору Максим Гречанин Казакстандын хоккей боюнча жаштардын «Астана» клубунун оюнчуларын сөккөнү эфирге чыгып кетти. Ал казакстандыктардын дарегине оозго алгыс, кемсинтүүчү, ыплас сөздөрдү айткан. Кийинчерээк журналист микрофон күйүп турганын билбегенин, ал сөздөр кокусунан оозунан чыгып кеткенин shaiba.kz басылмасына айтып берди. «Менин айткандарым матчтын алдында эфирге чыгып кеткен, мындай сөздөр "Астана" клубуна, башка бирөөлөрдүн дарегине айтылбашы керек болчу. Читать дальше...

Тайландда жүргүнчү поездге кран кулаганда бери дегенде 32 киши набыт болду, 70ке жакыны жараланды. Эң кичүүсү бир жаштагы наристе экенин Сикхио районундагы оорукананын дарыгерлери билдиришти. Окуя өлкөнүн түндүк-чыгышында 14-январда эртең менен болгон. Жергиликтүү расмий өкүлдөрдүн маалыматына караганда, темир жол линиясында жүрүп жаткан оңдоо иштери маалында башкалааа Бангкоктон Убонратчатхани провинциясына бараткан поездге каран кулап түшкөн. Транспорт министри Пхипхат Ратчакитпракарн поездде 195 жүргүнчү баратканын билдирди... Читать дальше...

Өзгөчө кырдаалдар министрлиги (ӨКМ) кызматкерлери Кара-Кулжа районундагы Ылай-Талаа айыл аймагынын Шаркыратма айылында 14-январда жер көчкү түшкөнү тууралуу маалыматты тактап жатат. Министрликтин адистери жер көчкү түшкөн аймакка жөнөп кетишти. Мекеменин басма сөз кызматы кабарлагандай, ӨКМдин Ош облустук башкармалыгынын, райондук бөлүмдүн жетекчилери, өзгөчө кырдаалдарга мониторинг жүргүзүү жана божомолдоо департаментинин кызматкерлери жер көчкүнүн көлөмүн, кооптуулугун жана башка маалыматтарды такташат. Читать дальше...

Жогорку Кеңештин депутаты Камила Талиева мамлекеттик сыйлыктар боюнча мыйзам долбооруна байланыштуу президенттик администрациянын маалымат кызматынын башчысы Дайырбек Орунбековдун сынына жооп берди. Камила Талиева парламенттин 15-январдагы жыйынында “Мамлекеттик сыйлыктар, ардактуу наамдар жана мамлекеттик сый акылар тууралуу” мыйзам долбоорун окуп чыкканын кошумчалады. “Бизге үйрөтүшпөсүн. Биз мыйзамды семичкедей чагып окуйбуз. 21-октябрда коомдук талкууга коюлган мыйзам долбоорлорун окуп, комментарий берсек кетпей турган. Читать дальше...

Кыргызстанда айдоочулук күбөлүк берүүнүн, автомектептерде окуунун жаңы тартиби бекитилди. Бул тууралуу Президенттин иш башкаруучусунун биринчи орун басары Бообек Салимжанов билдирди. Анын сөзүнө караганда, ушул жылдан баштап жарандар мамлекеттик автомектептерде окуйт. Бул пилоттук долбоор катары Бишкек шаарында башталып, ага арыздар онлайн кабыл алынат. Тайпалар толгондон кийин ким кайсы автомектепте окуй турганы бөлүштүрүлөт. В жана С категориясындагы айдоочулук күбөлүктөрдү алуу боюнча окуу программасы да бекитилди. Читать дальше...

NBC News телеканалы Америка Кошмо Штаттарынын президенти Дональд Трамп Иран бийлигинин өкмөткө каршы нааразычык акцияларынын катышуучуларын өлүм жазасына тартуу планы жок экенин билдирди. Дональд Трамп бул тууралуу ишенимдүү булактардан маалымат алганын, эгер демонстранттар өлүм жазасына тартылса Вашингтон Иранга каршы катуу чараларды көрө турганын эскертти. АКШ жана адам укуктары боюнча уюмдардын маалыматына ылайык, Иран 14-январда биринчилерден кылып нааразылык акциясынын катышуучусу 26 жаштагы... Читать дальше...