Аскар Бешимов Кыргызстандын Индиядагы элчиси болду
Аскар Бешимов Кыргызстандын Индиядагы элчиси болуп дайындалды. Бул тууралуу жарлыкка президент Садыр Жапаров кол койгонун мамлекет башчынын басма сөз кызматы 10-февралда билдирди.
Бешимов буга чейин президенттин администрациясынын изилдөөлөр, саясатты иштеп чыгуу жана реформаларды ишке ашыруу бөлүмүнүн башчысы болуп турган.
Кыргызстандын Индиядагы мурдагы элчиси Асеин Исаев былтыр 31-октябрда кызматтан кеткен. 11-ноябрда тышкы иштер министринин биринчи орун басары болуп дайындалган.
Бешимов 2021-жылы өткөн парламенттик шайлоого “Улуттар биримдиги” партиясынын тизмеси менен чыккан. Бирок кызматка дайындалганына байланыштуу партиянын тизмесинен чыгып, шайлоого катышкан эмес. (TAb)