Аба ырайы: күн 40 градуска чейин ысыйт
Кыргызгидрометеорология кызматы 17-19-июль күндөрү ысык аба ырайы сакталарын эскертти. Абанын күндүзгү температурасы Чүй, Ош, Жалал-Абад, Баткен облустарынын өрөөндөрүндө 35…40, Талас облусунун өрөөнүндө 33…38 градуска чейин ысык болушу күтүлөт.
18-июлда Ысык-Көл, Нарын облустарынын тоолуу райондорунда өткүн өтүп, күн күркүрөйт, калган аймактарда жаан жаабайт. Батыштан соккон шамалдын ылдамдыгы секундасына 4-9 метрден 15-20 метрге чейин жетет.
Абанын температурасы:
Чүй өрөөнүндө түнкүсүн 18…23, күндүз 35…40;
Суусамыр өрөөнүндө түнкүсүн 5…10, күндүз 26…31;
Талас облусунда түнкүсүн 14…19, күндүз 34…39;
Баткен, Ош, Жалал-Абад облустарында түнкүсүн 19…24, күндүз 35…40;
Ысык-Көл облусунда түнкүсүн 12…17, күндүз 31…36;
Нарын облусунда түнкүсүн 12…17, күндүз 31…36 градус ысыйт.
Борбор калаа Бишкекте жаан-чачын жаабайт. Батыштан соккон шамалдын ылдамдыгы секундасына 4-9 метрден 14 метрге жетет. Абанын табы түнкүсүн 21…23°, күндүз 37…39 ысык градус болот.