Атайын кызмат жашыруун улутчул топтун мүчөлөрү кармалганын билдирди
Маалыматка караганда, алар С.Б.М., Н.Р.В. жана С.Г.Р аттуу Бишкек жана Чүй облусунун тургундары.
Атайын кызмат кармалгандар өздөрүнүн видеолорунда фашисттик символдорду колдонгонун, тергөө иш-чараларынын алкагында алардын мыйзамсыз иш-аракеттерин далилдеген буюмдар алынганын кабарлады.
Шектүүлөр Кылмыш-жаза кодексинин расалык, этностук, улуттук, диний же аймактар аралык кастыкты козутуу беренеси (330-беренеси) боюнча козголгон кылмыш иштин алкагында колго түшкөн. Кармалгандар УКМКнын убактылуу кармоочу жайына камалды.
Учурда жашыруун улутчул топтун башка мүчөлөрүн аныктоо жана кармоо боюнча ыкчам-иликтөө иш-чаралары жүрүп жатат.
Шектүүлөрдүн жакындары жана адвокаттары комментарий бере элек. (КЕ)