Орусиянын түрмөлөрүндө мусулмандар басмырланып жатканы кабарланды
"Июль айынын башында мусулмандарды мончого алып барып, чачыбызды жана сакалыбызды толук алууну талап кылышты. Мен укугум бузулуп жатканын айтып, баш тарттым. Түрмө кызматкери "бул жерде мыйзам менмин" деди", - деген жазасын өтөп жаткандардын бири.
Мындан кийин аны түрмө кызматкерлери кыйноого алып, акыры сакалын алдырткан. Түрмөдө отурган дагы бир өзбекстандык жарандын айтымында, азан айтыла баштаганда, атайылап музыканы коюшат, тамакка чочконун этин кошот.
"Курандын аяттары колго жазылган кагаздарды, диний адабияттарды, жайнамаздарыбызды тартып алат. Эч негизсиз бизди терррорчулар, экстремисттер деп аташат. Улуттук, диний негизде мазакташат. Биз арыз жазып гана тим болбостон, кээде ачкачылык кармайбыз. Муну менен алар бизди өмүрүбүзгө кол салууга жеткирип жатышат", - дейт ал.
Андан тышкары түрмөдөгүлөр ал жактагы "адам чыдагыс" шарттарга арызданган. Аталган укук коргоочу топ менен кызматташкан адвокат бул боюнча прокуратурага арыз жолдогону маалым болду.
Ал эми түрмө жетекчилиги азырынча бул боюнча эч жакка комментарий бере элек.