Кытайдын мурдагы өкмөт башчысы Ли Кэцян көз жумду
Ли Кэцян Мамлекеттик Кеңештин премьери кызматын он жыл аркалаган. Соңку жылдары жумушчу орундарын түзүп, пандемиядан кийин туруктуулукту камсыздоо үчүн өлкөнүн экономикалык саясатын өзгөртүүгө чакырып келген. Анын көптөгөн билдирүүлөрү Кытайдын лидери Си Цзинпиндин саясатына каршы болчу.
Ли Кэцяндын ордуна быйыл мартта Ли Цян келген.
Эксперттер Ли Кэцянды партиянын жогорку кызматын ээлеген соңку технократ деп аташчу. Ал кызматтан кеткенден кийин Коммунисттик партиянын Политбюросунун Туруктуу комитетинин курамынан да чыгарылган.