АКШ транзиттик борборун Кыргызстандан чыгаруу керекпи? «Ачык саясат», 17.06.11

Өмүрбек АБДРАХМАНОВ, депутат: — АКШнын транзиттик борборун биздин өлкөдөн чыгаруу демилгесин көтөрүү — бул туура...

The post АКШ транзиттик борборун Кыргызстандан чыгаруу керекпи? «Ачык саясат», 17.06.11 first appeared on Кыргыз гезиттер архиви.

Өмүрбек
АБДРАХМАНОВ,
депутат:
— АКШнын транзиттик борборун биздин өлкөдөн чыгаруу демилгесин көтөрүү — бул туура эмес. Көмүскө парламент, анын башында турган Аликбек Жекшенкулов кандайдыр бир саясий кызыкчылык үчүн бул демилгени көтөрүп жатат деп эсептейм. Шайлоо алдында мындай демилге көтөрүп чыгып жатышы саясий туруксуздук. Алар шайлоо алдында өздөрүн көрсөтүп калгысы керек болуп жатат. Ошондой эле, АКШынын базасын Кыргызстандын аймагынан чыгарып салуу демилгесин көтөрүү азырынча зарыл иш эмес.

Бегалы
НАРГОЗУЕВ,
экс-депутат:
— Менин жеке пикиримде, АКШнын базасын чыгаруу демилгесин популисттик максаттар менен көтөрүп жатышат. Президенттик шайлоо болор астында «АКШнын базасын чыгарыш керек, анын бизге кереги жок» — деп жаткандар жеке өзүнүн аброю үчүн упай топтоп жатышат. Албетте, бул оңой-олтоң иш эмес деп эсептеймин.

Исмаил
ИСАКОВ,
депутат:
— Кыргызстандын коопсуздугу үчүн Американын базасы азырынча бизде туруп-туруусу заарыл иш. Гансини чыгаруунун кажети жок. Азыр Афганистанда саясий туруксуз абал күч алууда. АКШнын авиабазасы бизде аскер күчтөрү катары кызмат кылат. Ошондой эле бизди тышкы күчтөрдөн сактап турат.

Мирослав
НИЯЗОВ,
коомдук
ишмер:
— Азырынча Гансини чыгаруу зарыл эмес. Аны Кыргызстандан чыгаруу керек дегенге кошулбайм. Афганистан, Иранда тынчтык болгондо гана чыгарууга мүмкүнчүлүк болот. Өзүңөр билгендей Афганистанда азыр кырдаал курч, тынчтык жок. Чыгарып салсак, анда Кыргызстандын коопсуздугуна залакасы тиет. Анткени, террористтер бизди аңдып турат. 1999-жылы да Баткенге террорчулар мына биздеги аскерий күчтүн алсыздыгынан кирип келишкен. Менин оюмча бул демилгени туура эмес деп эсептеймин.

Марат
КАЙЫПОВ,
экс-министр:
— Менин оюмча, эң алгач улуттун кызыкчылы, элдин коопсуздугу керек. АКШнын Ганси авиабазасы боюнча маселени ар тарабынан салмактап карап көрүү зарыл. Биринчиден, Россиянын да базасы орун алган. Ошондуктан эки держава кагылышып кетчү болсо, анда биздин мамлекет жабыркайт. Ошондой эле, Иран айтып жатпайбы «бизге кайсыл тараптан ок атылса, биз ошол жакка сокку жасайбыз» -деп. Мына, бул жагынан алганда да абдан коопту.
Экинчиден, Гансинин Кыргызстанда турушу аскерий күч катары эсептелинет. Биздин коопсуздугубуз үчүн да пайдалуу, ал гана эмес биздин мамлекет келечекте туризмди өнүктүрөбүз десе, анда туристтер да коркпой келе алат. Ошондо туризм жактан өнүгүүгө ыңгайлуу болот.

Асылбек
ЖЭЭНБЕКОВ:
— Азыр Ганси авиабазаны чыгарып салуу жөнүндө демилге көтөрүү зарыл эмес. Келишим боюнча 2014-жылга чейин күтүп туруш керек. Себеби, келишим 2014-жылга чейин түзүлгөн. Эгер чыгаруу демилгесин колдоого алсак, анда сырткы саясаттан биз алсыздык кылып калабыз.
«Бүгүн убада берип, эртең кайра болбой калды биз Россия менен мамиле кылып койдук» дегендей эле кеп болуп жатпайбы. Ошондуктан, менин жеке пикиримде бул туура эмес кадамдар.

Даярдаган
Жамалидин ПАРМАНКУЛОВ

The post АКШ транзиттик борборун Кыргызстандан чыгаруу керекпи? «Ачык саясат», 17.06.11 first appeared on Кыргыз гезиттер архиви.