Улуттук банк валюта базарына 140 млн доллар сатты
Улуттук банк 10-мартта жыл ичиндеги төртүнчү интервенцияны жасап, валюта базарына 140 млн доллар сатты. Өлкөнүн негизги банкы акыркы жолу 26-февралда базарга 162,56 миллион доллар чыгарган.
Улуттук банк 2025-жылы сегиз интервенция менен чыгып, валюта базарына жалпысынан 853 миллион доллар саткан.
Өлкөнүн негизги банкы доллардын курсун бир калыпта кармоо үчүн валюталык интервенцияларды жасап турат. Интервенция доллардын курсу кескин көтөрүлүп же түшүп кеткенде жасалат. (BTo)