Béis erféiert hu sech e Méindeg de Moien Awunner vu Bouneweg. D'Police war mat der Spezialunitéit op der Plaz, fir eng Perquisitioun ze maache bei engem Mann doheem, dee virdrun als verdächteg gemellt gi war well hie virun enger Flüchtlingsstruktur um Kierchbierg reegelméisseg a sengem Auto mat enger Waff gesi gi wär. Bei der Perquisitioun goufen och Leit aus dem selwechten Haus vun der Police provisoresch festgehalen. Dorënner eng schwanger Fra déi dono duerch déi grouss Opreegung huet missen an d'Spidol.
