RIO Olympics: USA ta lallasa Nijeriya a wasan share fagen

Kungiyar kwallon kwando na kasar USA ta lallasa takwarar ta ta kasar Najeriya da ci 110 -66 a wani wasan share fagen shiga gasar Olympics ta wannan shekarar da za’ayi a garin Rio dake kasar Brazil.

An dai yi wasan ne a daren ranar Litinin 1 ga watan Agusta a garin Houston dake jihar Texas. Dan garin New York Knick Power tare da Carmelo sune suka jagoranci kungiyar ta kasar USA inda suka zura ma Najeriya kwallaye 19 kafin daga bisani Klay Thompson ya zura kwallaye 17 shima.

Kevin Durant da DeMar DeRozan ma dai duk sun zura kwallaye 14 da 13 sannan kuma De Andre Jordan da De Marcus suka zura kwallaye 10 ko wannen su. A wani bangaren kuma Kasar Najeriya zata shiga gasar ta olympics ne a kwallon kwando ba tare da yan wasan taba da dama kamar su Al-Farouq Aminu sakamakon rashin cimma yarjejeniyar da ba’ayi ba da hukumar kula da harkokin kwallon kwando ta kasar watau  Nigerian Basketball Federation (NBBF).

Ita dai hukumar ta kasar tabbatar ma dan kwallon kwandon cewar zata dauki nauyin sa da jinyar da zai yi idan har ya samu rauni a cikin gasar. Haka ma dai Festus Ezeli shima ba zai je wasan ba sabo da irin dalilin da aka ambata a sama.

Wannan wasan dai tsakatin kasar Najeriya da ta USA shine karo na biyu tun bayan da kasashen suka buga a shekarar 2012 inda anan kasar ta USA ta lallalsa Najeriya da ci 156 – 73.

The post RIO Olympics: USA ta lallasa Nijeriya a wasan share fagen appeared first on Nigeria News today & Breaking news | Nigerian newspapers 24/7.