Advokat tiltala for mishandling av familien
Ein bergensk mann i 50-åra er tiltala for mishandling, psykisk og fysisk vald og truslar av kona og deira barn. Det skal ha føregått i ein periode på 19 år.
Vest politidistrikt skriv i tiltalen at «familiens omsorgsbase var prega av utryggleik og frykt for nye krenkingar». Saka skal opp i Hordaland tingrett i oktober. Då kan det bli bedt om oppreisningserstatning og kontaktforbod.
– Han erkjenner ikkje straffskuld, og praktiserer ikkje i dag som advokat. Han ser fram til å få belyst heile saka i sin fulle bredde og avkrefte skuldingane retta mot han, seier forsvarar Torbjørn K. Sognefest til BA, som omtala tiltalen først.