30 arresterte i Teheran

I Teheran i Iran er 30 personar arresterte for å ha «forstyrra offentleg ro og orden», melder AFP.

Det går føre seg protestar i landet. Til no er seks personar drepne i samanstøyt mellom demonstrantar og tryggingsstyrkar.

Folk protesterer mot den økonomiske styringa i landet. Protestane har dei siste dagane vakse og blitt meir valdelege.

Iran har dei siste åra hatt fleire omfattande protestar der folk har uttrykt djupt misnøye med myndigheitene og kravd at regimet går av.