Starmer seier unnskyld til Epsteins offer
Storbritannias statsminister Keir Starmer beklagar overfor ofra til Jeffrey Epstein at han trudde på det han omtalar som løgnene til Peter Mandelson, melder Reuters.
Starmer seier han ikkje visste kor tett forholdet mellom Mandelson og Epstein var då han peika ut Mandelson som ambassadør til USA.
– Det var offentleg kjent at Mandelson kjente Epstein, men ingen av oss visst kor djupt og mørkt forholdet var, sa Starmer.
Fredag offentleggjorde justisdepartementet i USA store mengder med dokument, der det blant anna kjem fram nye opplysningar om forholdet mellom Mandelson og den overgrepsdømde finansmannen.