Regjeringa inviterer dei største byane til samtalar – bortsett frå Bergen
Regjeringa inviterer Oslo, Trondheim og Stavanger/Sandnes til samtalar om milliardar til samferdsel, men Bergen får ikkje invitasjon.
Grunnen er at dei meiner byen må landa på ein plan for bygginga av Bybanen før dei kan forhandla.
Det fortel samferdselsminister Jon-Ivar Nygård til NRK.
Det er dei såkalla byvekstavtalane som skal forhandlast. Byvekstavtala er regjeringas viktigaste verkemiddel for å utvikla attraktive byar med god mobilitet og framkommelegheit, som har mindre lokal luftforureining, støy og klimagassutslepp.