اسرائیل وايي د ایران د امنیت شورا منشي علی لاریجاني او د بسیج ځواکونو یو مشر یې وژلي دي. ایراني چارواکو تراوسه په دې هکله څه نه دي ویلي. د اسراییلو اردو وویل چې نن سه شنبه یې په تهران ، شیراز او تبریز بریدونه کړي دي.
د طالبانو حکومت د کورنیو چارو وزارت وايي، په کابل د پاکستان د هوايي ځواکونو د حوت د ۲۵ مې د ماخسوتن په دې حمله کې په نشه يی توکو روږدي ۴۰۸ کسان وژل شوي او ۲۶۵ نور ټپیان شوي دي.
په ایران کې ځینو کورنیو رسنیو راپور ورکړی چې د سې شنبې په سهار (۲۶ حوت) د تهران په شمال کې د پرلهپسې چاودنو غږونه اورېدل شوي دي. الجزیرې چاینل هم نن سهار راپور ورکړی چې د تهران په شمال کې، د سعدآباد ماڼیو کمپلېکس ته نژدې، څو لویې چاودنې اورېدل شوې دي. د اسرائیل پوځ د تهران په وخت د سهار له پیل سره سم په خپل ټیلیګرام کې اعلان وکړ چې «په ټول تهران کې یې پر حکومتي بنسټونو د بریدونو پراخې څپې پیل کړې دي.» د دغو راپورونو خپلواک تأیید ستونزمن دی، ځکه چې په ایران کې انټرنیټ پرې شوی او د معلوماتو ترلاسه کول محدود شوي دي.
یو شمېر افغان محصلان چې د بریتانیا تحصیلي بورسونه یې ترلاسه کړي، وایي د دغه هېواد له خوا پر افغانانو ته د وېزو نه ورکولو نهیلي کړي دي.
د پاکستان د کرکټ د ملي لوبډلې توپوهونکي فخر زمان د يو غير سرکاري تنظيم په مرسته د مردان په ۴۰۰ بې وزله کورنيو کې خوراکي توکي وېشلي دي. نوموړی زياتوي، د ټولنې شتمن خلک دې د ګراني په روان وخت کې د بې وزله او بې وسه خلکو مرسته وکړي. په دې اړه ويډيويي راپور.
د ۲۰۲۵ز کال له اکتوبر راهیسې د پاکستان او افغانستان ترمينځ د سوداګریزو لارو د تړل کېدو له وجې د افغان ټرانزیټ سوداګرۍ نیږدې ۱۰،۰۰۰ کانټېنرونه د کراچۍ په بندر کې بند پاتې دي. د ۲۰۲۶ز کال په جنورۍ کې د پاکستان حکومت افغان سوداګرو ته لارښوونه وکړه چې خپل کانټینرونه بېرته هغو بهرنيو هېوادونو ته بيا لېږلای شي چې له کومه ځایه چې راغلي ول. د افغان ټرانزیټ سوداګرۍ یو شمېر تاجران وايي چې شاوخوا د۳،۰۰۰ کانټینرونه له کراچۍ بندر څخه دوبۍ او نورو هيوادونو ته بېرته صادر شوي دي خو له ایران سره د امريکا او اسراييلو... Читать дальше...
د بخښنې نړیوال سازمان د درو میاشتو په مخه د افغانستان لپاره د ملګرو ملتونو د مرستندوی ماموریت (یوناما) د ماموریت د غځولو پر پرېکړې اعتراض کړی دی. د دې سازمان د جنوبي اسیا سیمهییز دفتر د دوشنبې په شپه (۲۵ حوت) په اېکسپاڼه کې لیکلي: «په داسې وخت کې چې په افغانستان کې د بشري حقونو وضعیت لا هم خرابېږي، د امریکا په غوښتنه یوازې د درې میاشتو لپاره د یوناما د ماموریت غځول ژوره اندېښنه راولاړوي.» په بیان کې ویل شوي چې که د یوناما ماموریت د یوه کال لپاره غځول شوی وای، نو دا زمینه به برابره شوې وای چې دا... Читать дальше...
د طالبانو حکومت وايي د پاکستان په بیګاني برید کې په کابل کې یې د معتادانو د درملنې یو مرکز هدف وګرځاوه. دوی ادعا کوي چې په دې برید کې څه باندې ۴۰۰ کسان مړه شوي او د مړینو د شمېر د لوړېدو وېره شته.
پاکستاني رسنیو د شاهدانو په قول راپور ورکړ چې نن (سې شنبې) سهار وختي د راولپنډۍ د چکلاله په سیمه کې د پاکستان د هوايي ځواک یوې اډې ته نژدې د یوې بېپيلوټه الوتکې مخه ونیول شوه. ځايي اوسېدونکو ویلي چې د سهار شاوخوا ۶:۵۰ بجې د برېښنا مزي ته څېرمه یوه چاودنه وشوه، او په خپرو شویو ویډیوګانو کې لیدل کېږي چې له چاودنې وروسته د یوه بام څخه لوګی پورته کېږي. شاهدانو همداراز ویلي چې د پېښې پر مهال جنګي الوتکې والوتې. تر اوسه د مرګ ژوبلې یا لوی زیان راپور نه دی ورکړل شوی. تر دې دوې ورځې پخوا راولپنډۍ او اسلام... Читать дальше...
په افغانستان کې د طالبانو د حکومت مرستیال ویاند حمدالله فطرت پر اېکس پاڼه ليکلي دي چې د مارچ پر ۱۶مه د شپې شاوخوا نهه بجې پر کابل د پاکستاني پوځ د جنګي الوتکو په بمبار کې په نشو د روږدو کسانو روغتون په نخشه شوی چې د هغه په وينا ۴۰۰ کسان پکې وژل شوی او ۲۵۰ نور ژوبل شوي دي.
هند په ملګرو ملتونو کې پاکستان له خپل ګاونډیو هیوادونو سره په ناوړه چلند تورن کړ او ویې ویل چې د دغه هیواد له لوري په افغانستان کې هوايي بمبارۍ باید په کوم نوم یادې شي. د ملګرو ملتونو لپاره د هند دایمي استازي پرواتانېني هریش د دوشنبې په ورځ (۱۶ مارچ) له اسلامفوبیا سره د مبارزې د نړیوالې ورځې د نمانځنې په غونډه کې، چې د ملګرو ملتونو د عمومي اسمبلۍ له خوا جوړه شوې وه، وویل: «د هند لوېدیځ ګاونډی د دې ښه بېلګه دی چې په خپل ګاونډ کې د اسلامفوبیا په اړه خیالي کیسې جوړوي.» هغه د پاکستان نوم په مستقیم ډول یاد نه کړ. Читать дальше...
هند په کابل کې د پاکستان د تېرې شپې هوايي برید «وحشیانه» او «یو کرغېړن تهاجمي عمل» وباله او ویې ویل چې دا کار د افغانستان د حاکمیت ښکاره سرغړونه ده. د طالبانو حکومت ویلي چې د پاکستان د هوايي برید په نتیجه کې په کابل کې د نشه يي توکو د درملنې پر روغتون لږ تر لږه ۴۰۰ کسان وژل شوي او ۲۵۰ نور ټپیان شوي دي. پاکستان دغه ادعا ناسمه کوونکې بللې او ویلي یې دي چې د دوشنبې په شپه یې پوځي تأسیسات او د ترهګرو د ملاتړ بنسټونه په دقیق ډول ویشتي دي. د هند د بهرنیو چارو وزارت ویاند رندهیر جېسوال په یوه توند بیان کې وویل... Читать дальше...
په سیند کې د پښتون ژغورنې غورځنګ یو غړي عادل شاه مشال راډیو ته ویلي چې علي وزیر د شپې ناوخته هغه مهال ونیول شو چې نوموړی د یو ملګري په کور کې د روژه ماتي په مېلمستیا کې شریک وو.
د بلوچستان په مرکز کوټه کې یو هنرمند د قبرونو په کتبو د مړو انځورونه جوړوي. دا ډول قبرونه زیاتره د شیعه ګانو په هدیرو کې دي. د کوټې اوسېدونکي وايي، په کتبو د انځور سره ورته په قبر موندولو کې اسانه وي او عکس هم تر ډېره وخته خوندي وي. بلخوا ځینې مذهبي عالمان دا کار د اسلام له پلوه سم نه ګڼي.
افغانستان کې د طالبانو د حکومت مرستیال ویاند حمدالله فطرت ادعا کوي چې په کابل کې د معتادانو د درملنې په یوه روغتون باندې د پاکستان د هوايي برید د مړو شمیر ۴۰۰ تنو ته ورسیده او ۲۵۰ تنه نور ټپیان دي. حمد الله فطرت زیاتوي چې د "امید ۲ زره بستریز روغتون" په نښه شوی او د ټپيانو د ژغورنې لپاره او دا جسادو د راویستلو لپاره هلې ځلې روانې دي. خو د پاکستان د اطلاعاتو وزارت مخکې ادعا کړې وه چې په دقیقو بریدونو کې یې "پوځي تاسیسات او د تروریستانو د ملاتړ زیربناوې" په نښه کړي دي. اسلام اباد وویل چې کابل او ننګرهار کې یې بریدونه کړي دي. Читать дальше...
د طالبانو د حکومت سترې محکمې وویل چې دغه کسان په شاه جوی ولسوالۍ کې د غلا او لواطت په تور هریو شل تر دیرشو درو ووهل شول. ستره محکمه زیاتوي چې تورنو کسانو ته د د ولتي ادارو د چارواکو او مراجعینو په حضور کې سزا ورکړل شوه. دغه کسان له ۸ میاشتو تر ۳ کلونو په تنفیذي حبس هم محکوم شوي دي. د طالبانو حکومت د یکشبنې په ورځ هم ۲۱ کسه د قاچاق او د مخدرو موادو او الکولي مشروباتو د قاچاق او خرڅلاو په جرم په کابل کې په درو وهلي وو. بدني سزا باندې تل د بشري حقوقو د سازمانونو او ملګرو ملتونو لخوا تل نیوکه شوې ده. Читать дальше...
د روغتیا نړیوال سازمان وايي افغانستان کې د شري ناروغي مخ په زیاتیدو ده. دغه سازمان د دوشبنې په ورځ د مارچ په ۱۶ مه د یو رپوټ په خپرولو سره وویل چې په تیره فبروري میاشت کې افغانستان کې د شري څه دپاسه ۲۶۰۰ نوي موارد او ۱۶ وفیات یې ثبت شوي دي. د ملګرو ملتونو دغه اداره زیاتوي چې دغه شمیر د مخکنۍ میاشتې په پرتله ۳۵ سلنه زیاتوالی ښيي. د روغتیا نړیوال سازمان دغه راز په فبروروي میاشت کې د تنفسی شدید عفونت د ۱۵۷ زره مواردو او د ۳۱۳ اړوندو وفیاتو هم خبر ورکوي او وايي چې دغه شمیرې د جنوري میاشتې ابتلا ته په کتو ۳ سلنه کموالی ښيي. Читать дальше...
امنیت شورا د یوناما ماموریت یواځې درې میاشتې تمدید کړ. دغه لنډ تمدید په شورا کې د لویو قدرتونو ترمینځ د طالبانو د واکمنۍ سره دنړیوالې ټولنې د تعامل د څرنګوالي په هکله اختلافات په ګوته کوي. دشنونکو په باور لنډ مهالی تمدید امنیت شورا فرصت په لاس ورکوي چې دیوناما په ماموریت هر اړخیزه کتنه وکړي.
