ملګري ملتونه وايي زلزله ځپلې ښځې له تاوتریخوالي او نویو ګواښونو سره مخ دي
د ملګرو ملتونو د ښځو څانګه وايي، د کونړ د زلزلې له امله زیانمنې ښځې او نجونې له نویو ګواښونو لکه د تاوتریخوالي او ناوړه ګټې اخیستنې د زیاتېدو له خطر سره مخ دي. په افغانستان کې د دې ادارې استازې زیاته کړې چې دغه شان دوی د ملاتړ او خدمتونو د کموالي له ستونزو سره هم لاس او ګریوان دي او که بېړنۍ مرستې ورسره ونشي له اوږدمهاله ناورین سره مخ شي. په ورته وخت کې، ځینې زلزله ځپلې ښځې او نجونې هم وايي چې سرپناه نه لري او بېړنیو مرستو ته اړتیا لري.