کرکټ؛ افغانستان د پاکستان پر وړاندې په دوهمې سیالۍ کې لومړی توپوهنه کوي
د پاکستان پر وړاندې په دوهمې یو ورځنۍ سیالۍ کې افغانستان پچه وګټله او د توپ وهنې پرېکړه یې وکړه.
سیالي به د کابل پر وخت دوه نیمې بجې پیل شي.
په نننۍ سیالۍ کې د افغانستان په ۱۱کسیزه لوبډله کې رحمت شاه او عظمت الله عمرزی د ټپونو له امله نه لوبېږي.
د یادو لوبغاړو پر ځای ریاض حسن او شاهدالله کمال غوره شوي دي.
پاکستان بیا په خپلې لوبډلې کې کوم بدلون نه دی راوستی.
د ویلو ده چې د دې لوبلړۍ لومړنۍ سیالۍ پاکستان د ۱۴۲ منډو په توپیر ګټلې وه.